2 Mbai 6:5 - Mbeti ti Nzapa - Tënë so amu fini

⁵ nilaa lo tene: ‘Ti londo na lango so mbi sara si azo ti mbi asigigi na sese ti Ezipte, mbi soro laoko pepe mbeni gbata na popo ti amara ti Israel kue titene a sara da na ya ni ndali ti mbi, wala mbi soro mbeni zo pepe titene lo ga makonzi ti azo ti Israel, azo ti mbi.

2 Mbai 6:5 ပူးပေါင်းရင်းမြစ်များ

1 Agbia 8:16

nilaa lo tene: ‘Ti londo na lango so mbi sara si azo ti mbi asigigi na sese ti Ezipte, mbi soro laoko pepe mbeni gbata na popo ti amara ti Israel kue titene a sara da na ya ni ndali ti mbi; me mbi soro David titene lo sara komandema na ndö ti Israel, azo ti mbi.’

2 Agbia 21:4

Lo sara agbalaka ndali ti anzapa nde na ya ti kota da ti KOTA GBIA na Jérusalem, da so KOTA GBIA atene tënë ndali ni, atene: “Fade mbi yeke sara titene iri ti mbi aduti kâ.”

1 Mbai 17:5

Na lango so mbi sara si azo ti Israel asigigi na sese ti Ezipte ngbii asi laso, mbi de ti lango na ya ti mbeni da pepe; me mbi yeke lango gi na gbe ti ada ti bongo, na ndo so ge ti si kâ, na ndo so ge ti si kâ.

2 Mbai 12:13

Gbia Roboam asara si lengo-gbia ti lo akpengba na Jérusalem. Lo yeke na ngu baleosio na oko si lo ga gbia; lo le-gbia ngu baleoko na mbarambara na Jérusalem, gbata so *KOTA GBIA asoro na popo ti amara kue ti Israel titene iri ti lo aduti na ndö ni. Iri ti mama ti lo ayeke Naama, zo ti mara ti Amon.

2 Mbai 20:8

Ala sara kodro na ndo so si ala sara kota da na iri ti mo, ala tene:

2 Mbai 20:9

‘Tongana mbeni kpale asi na e, wala bira, wala sioni ngbanga, wala sioni kobela ti bubango kodro, wala kota nzara si e ga, e luti na dawa ti kota da so – so ti tene na dawa ti mo, ngbanga ti so iri ti mo ayeke na ndö ti da ni – na ya ti kota mawa ti e, tongana e dekongo na mo, fade mo yeke ma e si mo yeke soo e na kuâ.’

2 Mbai 30:8

Fadeso, ala sara ngangu li tongana ti ababâ ti ala pepe; ala mu tere ti ala na KOTA GBIA, ala kiri aga na ndo ti lo so lo zia nde ndali ti lo wani kpu na kpu; ala sara kua na KOTA GBIA, Nzapa ti ala, tongaso si sioni ngonzo ti lo akai na tere ti ala.

2 Mbai 33:4

Lo sara agbalaka ndali ti anzapa nde na ya ti kota da ti KOTA GBIA na Jérusalem, da so KOTA GBIA atene tënë ndali ni, atene: “Fade iri ti mbi yeke duti kâ kpu na kpu.”

2 Mbai 33:7

Lo sara yanda si lo zia ni na ya ti kota da ti Nzapa. Andaa Nzapa atene ando na David nga na molenge ti lo Salomon, atene: “Na ya ti kota da so nga na Jérusalem, gbata so mbi soro na popo ti agbata ti amara kue ti Israel laa mbi yeke sara titene iri ti mbi aduti daa kpu na kpu.

2 Mbai 6:20

Zi le ti mo bi na lâ ti baa ndo na tere ti kota da so, ndo so mo tene, mo yeke duti daa. Ma sambela so mbi, zo ti kua ti mo, mbi yeke ya na mo na ndo so.

2 Mbai 6:4

Lo tene: “Mbi mu singila na *KOTA GBIA, Nzapa ti Israel! Zendo so lo mu lani na babâ ti mbi David, lo wani, lo sara ye alingbi na ni;

2 Mbai 6:6

Me mbi soro Jérusalem ti duti daa, mbi soro nga David titene lo sara komandema na ndö ti Israel, azo ti mbi.’

2 Mbai 7:16

Mbi soro da so si mbi zia ni nde ndali ti mbi titene iri ti mbi angba na ndö ni kpu na kpu. Fade le ti mbi na nzoni be ti mbi ayeke ngba na ndö ni lakue.

Esdras 7:16

Fade mo yeke gue nga na wen ti nginza na lôro so kue mo yeke wara na maboko ti azo na sese ti Babilone, aye so azo ti mara ti mo, na awayango-sandaga amu na be ti ala wani ndali ti kota da ti Nzapa ti ala so ayeke na Jérusalem.

Sigingo 20:24

Ala mu sese asara na mbi gbalaka. Na ndö ni, fade ala yeke ya na mbi *asandaga ti ala so a yeke gbi ni kue na wâ, asandaga ti ala ti beoko, ataba ti ala, angasa ti ala nga na abagara ti ala. Na ndo so kue mbi yeke sara titene azo adabe ti ala na iri ti mbi, mbi yeke ga na mbage ti ala si mbi yeke sara tufa na ndö ti ala.

Sigingo 23:21

Ala kpe mbeto ti lo, ala ma yanga ti lo. Ala sara ye ti songo be na lo pepe, fade lo yeke zi siokpari na li ti ala pepe, ngbanga ti so lo yeke sara ye na iri ti mbi.

Daniel 9:19

Kota Gbia, mo ma e maa! Kota Gbia, mo zi sioni ti e na li ti e maa! Kota Gbia, dingi mê ti mo, mo ma e maa! Nzapa ti mbi, ndali ti iri ti mo wani, mo ku pepe, mo sara ye hio ndali ti gbata ti mo na azo ti mo.”

Zakarii 3:2

Ange ti KOTA GBIA atene na Satan: “Satan, ayeke nzoni KOTA GBIA akanga yanga ti mo! Biani, ayeke nzoni KOTA GBIA akanga yanga ti mo; lo so lo soro Jérusalem so. Ti Yeshua, lo yeke tongana mbeni nduru keke ti wâ so a gboto ni na le ti wâ asigigi na ni awe pepe?”

Ndia ti fani use ni 12:11

Tongaso, na ndo so KOTA GBIA Nzapa ti ala asoro titene iri ti lo aduti daa si azo ayeke gue ti voro lo daa laa ala yeke ga na lo aye so mbi mu yanga daa na ala: asandaga ti ala so a yeke gbi ni kue na wâ, asandaga ti ala ti beoko, adime ti ala, amatabisi ti ala na aye so kue ala deba yanga ti ala ti mungo ni na KOTA GBIA.

Ndia ti fani use ni 12:5

Fade ala yeke gue ti voro lo gi na ndo so lo yeke soro ni na popo ti amara ti ala kue; na ndo so iri ti lo ayeke duti daa si azo ayeke gue ti voro lo daa.

1 Samuel 10:24

Samuel atene na azo ni: “Ala baa, zo so KOTA GBIA asoro lo so laa! Na popo ti azo kue, mbeni zo ti lingbi na lo ayeke daa pepe.” Azo kue adekongo na ngia, atene: “E mu gbia na nduzu!”

1 Samuel 15:23

Kengo yanga ayeke sioni tongana bingo zeke; sarango ngangu li ayeke sioni tongana sambelango anzapa nde. So mo ke yanga ti KOTA GBIA so, lo nga lo ke mo awe. Mo yeke gbia mbeni pepe.”