2 Mbai 6:41 - Mbeti ti Nzapa - Tënë so amu fini

⁴¹ KOTA GBIA Nzapa, fadeso, londo mo ga na ndo ti duti ti mo, mo na sanduku ti mbuki so ngangu ti mo ayeke daa so! KOTA GBIA Nzapa, ayeke nzoni awayango-sandaga ti mo amu tënë ti songo zo na kuâ, ala yu ni tongana bongo; ayeke nzoni azo ti mo afa ngia ti ala ndali ti anzoni ye so mo sara.

2 Mbai 6:41 ပူးပေါင်းရင်းမြစ်များ

1 Mbai 28:2

Gbia David aluti na nduzu si lo tene: “A-ita ti mbi, azo ti mbi, ala ma mbi! Mbi leke lani na be ti mbi ti sara da ti zia sanduku ti *mbuki ti *KOTA GBIA daa, so ti tene mbata so Nzapa ti e ayeke zia gere ti lo daa. Mbi leke aye ti sarango na da ni awe.

Néhémie 9:25

Ala mu agbata so ngangu gbagba ayeke na tere ni, asese so ayeke du akobe mingi, ada so asi singo na mara ti amosoro nde nde, adu ti ngu so a zi ni awe, ayaka ti *vinye na ti olive nga na gba ti akeke so ayeke le mingi. Ndali ti nzoni be ti mo, ala te ye, ya ti ala asi, ala kono, ala duti na ngia.

Abia (Psaumes) 110:2

Fade KOTA GBIA ayeke sara titene ngangu komandema ti mo alondo na gbata ti *Sion si ague na ndo kue. Sara komandema na ndö ti awato so angoro mo!

Abia (Psaumes) 132:16

Mbi yeke mu tënë ti songo zo na kuâ ti yu na awayango-sandaga ti lo tongana bongo, tongaso azo ti lo ayeke dekongo na ngia.

Abia (Psaumes) 65:11

mo tuku ngu na ndö ti sese so a leke titene a lu akobe daa; asese so angba ngbongboro ni, mo de ya ni si aga fuku fuku, mo sara si ngu apika si awoko sese ni. Mo sara tufa na ndö ti kobe so asigigi na ya ti sese ni.

Abia (Psaumes) 65:4

Nengo ti asioni ti mbi ahon ndö ti mbi awe; me mo laa mo yeke zi asiokpari ti e na li ti e.

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Ésaïe 61:6

Me ti ala, fade a yeke iri ala “Awayango-sandaga ti KOTA GBIA”. A yeke di iri ti ala “Azo ti kua ti Nzapa ti e”. Ala yeke te anzoni ye ti amara nde, ala yeke pika kate ti ala ndali ti amosoro ti azo ni.

Ésaïe 66:1

Tënë so *KOTA GBIA atene ayeke so: “Yayu ayeke mbata ti mbi ti gbia, sese ayeke mbata so mbi yeke zia gere ti mbi na ndö ni. Mara ti da wa laa ala lingbi ti sara na mbi? Ndo wa laa mbi lingbi ti wu tere ti mbi daa?

Zakarii 9:17

So nzoni dutingo na ala ande! So pendere na ala! Fade ale ti *ble ayeke mu ngangu na amaseka-koli, fini vin ayeke mu ngangu na amaseka-wali.

Rome 1:16

Biani, kamene ti fango Nzoni Tënë asara mbi pepe: Nzoni Tënë ni ayeke ngangu ti Nzapa so lo mu ti soo azo so kue ama na be, azuife kozoni, na pekoni azo ti amara nde.

Rome 13:14

Me ala yu *Kota Gbia Jésus Christ tongana ye ti bira. Ala zia lege pepe na be ti ala so ayeke pusu ala ti sara ye alingbi na asioni nzara ti lo.

Galasii 3:27

Ala kue awara bateme awe, ala ga oko na Christ. Tongaso, lege ti dutingo ti ala aga tongana ti Christ awe.

Filipe 3:3

E so, e yeke voro Nzapa na lege ti Yingo ti lo si e yeke gonda tere ti e ndali ti gango so e ga oko na Jésus Christ so, e laa e fâ mbirimbiri ganza; e yeke zia be ti e na ndö ti e wani pepe.

Filipe 4:4

Ala duti na ngia lakue, ngbanga ti so ala ga oko na *Kota Gbia awe! Mbi kiri mbi tene: ala duti na ngia!

Josué 3:13

Gi so awayango-sandaga ayeke zia gere ti ala na ya ti ngu ti Jourdain, ala so ayeke yo sanduku ti mbuki ti KOTA GBIA, lo so lo yeke Kota Gbia ti sese kue, fade ya ti ngu ni ayeke kangbi; ngu so alondo na mbage ti nduzu si ayeke ga so ayeke luti, mo baa mo tene, a kanga ni kangango.”

Aye so Nzapa afa 19:14

Aturugu ti yayu amu peko ti lo, ala kue ayeke na ndö ti avuru mbarata si ala yu pendere vuru bongo so a sara na *len si ayeke *nzoni.

Aye so Nzapa afa 19:8

A mu na lo pendere bongo ti *len so ayeke za zango si ayeke *nzoni titene lo yu ni.” (Bongo ti len ni ayeke aye ti mbirimbiri so azo ti Nzapa asara.)