2 Mbai 6:31 - Mbeti ti Nzapa - Tënë so amu fini

³¹ Tongaso, fade azo ti Israel ayeke kpe mbeto ti mo si ala yeke sara ye so be ti mo aye na ngoi so kue ala yeke duti na fini na ndö ti sese so mo mu ando na akotara ti e.

2 Mbai 6:31 ပူးပေါင်းရင်းမြစ်များ

2 Mbai 6:30

mo so mo yeke na yayu kâ, na ndo so mo yeke duti daa, ma sambela ti ala, zi siokpari na li ti ala; mo sara na zo oko oko alingbi na sarango ye ti lo, ngbanga ti so mo hinga tënë ti be ti lo. Biani, gi mo oko laa mo hinga tënë ti be ti azo.

2 Mbai 6:32

“Tongana wande, lo so lo yeke na popo ti azo ti Israel pepe, azo ti mo, tongana lo ma tënë ti kota iri ti mo, tënë ti ngangu ti maboko ti mo, maboko ti mo so mo yoro, tongana lo londo na mbeni kodro yongoro, lo ga na mbage ti kota da so ti sambela mo,

Mbeti ti Job 28:28

Na pekoni, lo tene na azo, lo tene: “Kpengo mbeto ti *Kota Gbia, baa ndara ni laa! Kpengo siokpari, baa hingango ndo laa!”

Abia (Psaumes) 128:1

A yeke he bia so na ndembe ti guengo ni na Jérusalem. Ti ala nzoni, azo so kue ayeke kpe mbeto ti *KOTA GBIA si ala yeke mu lege so lo fa na ala!

Abia (Psaumes) 130:4

Me mo laa mo yeke zi tënë na li ti azo, tongaso si azo akpe mbeto ti mo.

Sigingo 20:20

Moïse atene na azo ni, atene: “Ala sara mbeto pepe! Nzapa aga ti tara gi be ti ala, tongaso si ala kpe mbeto ti lo si ala sara siokpari pepe.”

Awatokua 9:31

Tongaso *Eglize ti sese ti Judée kue, ti Galile na ti Samarii ayeke lani na siriri. Na lege ti ngangu ti Yingo-Vuru, Eglize ni ayeke kpengba, ayeke kpe mbeto ti Kota Gbia si ayeke mai.

1 Samuel 12:24

Gi ye oko, ala kpe mbeto ti KOTA GBIA, ala sara kua na lo na lege ti mbirimbiri, na be ti ala kue. Ayeke nzoni ala hinga aye ti kpene so lo sara ndali ti ala.