2 Mbai 6:30 - Mbeti ti Nzapa - Tënë so amu fini

³⁰ mo so mo yeke na yayu kâ, na ndo so mo yeke duti daa, ma sambela ti ala, zi siokpari na li ti ala; mo sara na zo oko oko alingbi na sarango ye ti lo, ngbanga ti so mo hinga tënë ti be ti lo. Biani, gi mo oko laa mo hinga tënë ti be ti azo.

2 Mbai 6:30 ပူးပေါင်းရင်းမြစ်များ

1 Agbia 8:39

mo so mo yeke na yayu, na ndo so mo yeke duti daa, ma sambela ti ala, mo zi siokpari na li ti ala, mo sara mbeni ye; mo sara na zo oko oko alingbi na sarango ye ti lo, ngbanga ti so mo hinga tënë ti be ti lo. Biani, gi mo oko laa mo hinga tënë ti be ti azo kue.

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

1 Mbai 29:17

Nzapa ti mbi, mbi hinga so mo laa mo yeke baa ya ti be ti zo si mo yeda na ye so ayeke mbirimbiri. Ti mbi, na be so ayeke mbirimbiri laa mbi mu aye so kue na mo na be ti mbi wani. Fadeso, mbi yeke na ngia ti baa azo ti mo so abongbi ge ti mu ye na mo na be ti ala wani.

1 Mbai 29:19

Mu na molenge ti mbi Salomon be so ayeke use use pepe si lo bata atënë ti ndia ti mo, aye so mo fa nga na ambela ti mo. Tongaso si lo sara ye alingbi na ni kue, lo sara yangbo ti mo so mbi leke aye so kue ndali ni.”

2 Mbai 6:29

tongana mbeni zo, wala azo ti Israel so kue ayeke azo ti mo, tongana zo oko oko ahinga sioni ti lo nga na pasi ti lo biani, tongana lo sambela mo, lo voro tere ti lo na mo si lo yoro maboko ti lo na mbage ti kota da so ti sambela mo,

2 Mbai 6:31

Tongaso, fade azo ti Israel ayeke kpe mbeto ti mo si ala yeke sara ye so be ti mo aye na ngoi so kue ala yeke duti na fini na ndö ti sese so mo mu ando na akotara ti e.

Abia (Psaumes) 62:12

Fani mingi mbi ma Nzapa atene: “Ngangu ayeke ti mbi Nzapa.”

Abia (Psaumes) 7:10

Kanga lege na sioni ti azo ti sioni! Sara si zo ti mbirimbiri akpengba! Biani, mo so mo yeke Nzapa ti mbirimbiri, mo laa mo hinga tënë so ayeke na ya ti be ti zo nga na nzara ti be ti lo.

Amato 15:11

Aye so asi na ndo ti akuâ, na ya ti *kota du so alinda mingi, KOTA GBIA ahinga ni kue. Ye so ayeke na ya ti be ti zo, lo lingbi ti hinga ni pepe?

Jérémie 17:10

“Mbi, KOTA GBIA, mbi yeke baa be ti zo na atënë ti be ti zo kue. Tongaso, mbi lingbi ti sara ye na zo alingbi na dutingo ti lo nga na asarango ye ti lo.

Ezekiel 18:30

Ndani laa, ala azo ti Israel, fade mbi yeke fâ ngbanga na li ti zo oko oko alingbi na lege ti sarango ye ti lo; so tënë ti yanga ti mbi, Kota Gbia NZAPA laa. Ala zia ngbene lege ti sarango ye ti ala, ala zia lege ti asioni ye so kue ala yeke sara. Tongaso si ye so ayeke sara titene ala ti, aduti daa mbeni pepe.

Matthieu 16:27

Biani, *Molenge ti Zo ayeke ga ande na *a-ange ti lo na ya ti gonda ti Babâ ti lo. Fade lo yeke futa zo oko oko alingbi na sarango ye ti lo.

Jean 2:25

Mbeni zo alingbi ti fa peko ti tënë na Jésus na ndö ti zo pepe, ngbanga ti so lo hinga tënë ti be ti zo nzoni mingi.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

1 Samuel 16:7

Me KOTA GBIA atene na Samuel: “Mo baa pendere ti lo wala yongo ti lo pepe. Mbi ke lo awe. Bango ndo ti mbi ayeke tongana bango ndo ti azo pepe. Azo ayeke baa ti ala gi ye so ayeke pika le ti ala; me mbi yeke baa ti mbi be ti zo.”