2 Mbai 6:26 - Mbeti ti Nzapa - Tënë so amu fini

²⁶ “Tongana le ti nduzu akanga si ngu-Nzapa apika pepe, ngbanga ti so azo ti Israel asara siokpari so ake mo, tongana ala baa ndo na mbage ti da so ti sambela mo, tongana ala sepela mo si ala zia lege ti siokpari ti ala, ngbanga ti so mo sara ngangu na ala,

2 Mbai 6:26 ပူးပေါင်းရင်းမြစ်များ

2 Mbai 6:25

mo so mo yeke na yayu kâ, ma sambela ti ala, zi siokpari na li ti azo ti Israel, azo ti mo; mo kiri na ala na sese so mo mu ando na akotara ti ala nga na ala wani so.

2 Mbai 7:13

Tongana mbi kanga le ti nduzu si ngu-Nzapa apika pepe, tongana mbi mu yanga na agbadola ti te aye ti kodro ni kue, wala mbi tokua sioni kobela ti bubango kodro na tere ti azo ti mbi,

Amato 28:13

Zo so ahonde asioni ti lo, aye ti lo ayeke ga nzoni pepe; me zo so afa ni na gigi si lo zia lege ni, fade Nzapa ayeke sara nzoni be na lo.

Ésaïe 5:6

Fade mbi yeke zia yaka ni aga ngonda; zo ti fango *aguruma ni ayeke daa pepe, zo ti sukulango gbe ni ayeke daa pepe; aki na asioni kamba ti aki ayeke suku amu ndö ni kue. Fade mbi yeke mu yanga na ambinda ti gbanzi ngu ti pika na ndö ti yaka ni.”

Ezekiel 14:13

“*Molenge ti zo, tongana azo ti mbeni kodro asara siokpari so ake mbi si ala sara ye so ayeke sioni mingi, fade mbi yeke yoro maboko ti mbi ti pika ala, mbi yeke buba akobe ti ala so ala bata, mbi yeke tokua kota nzara na tere ti ala, mbi yeke fâ azo na anyama kue ti kodro ni ti hunzi ala.

Osée 5:15

“Fade mbi *KOTA GBIA, mbi yeke gue, mbi yeke kiri na ndo ti mbi ngbii asi na ngoi so ala hinga sioni ti ala, ala gi le ti mbi si. Na ndembe so ye ti ngangu ayeke si na ala, fade ala yeke gi mbi.”

Awayango-sandaga 26:19

Ngangu so ala yeke sara na baba so, fade mbi yeke buba ni; mbi yeke sara si le ti nduzu akpengba na ala tongana wen si sese ti ala ayeke kpengba tongana bengba wen.

Nzoni Tënë so Luc asu na mbeti 4:25

Mbi tene na ala: na ngoi ti Élie, awali-mua ayeke mingi na Israel si na ya ti ngu ota na nze omene, ngu-Nzapa apika pepe; kota nzara ati na ya ti kodro ni.

Ndia ti fani use ni 11:17

Tongana ala sara aye ni so, fade ngonzo ti KOTA GBIA ayeke londo na tere ti ala, lo yeke kanga le ti nduzu si ngu-Nzapa akiri apika pepe. Sese ayeke kiri ti du ale ti kobe pepe si ala yeke kui hio na ya ti nzoni sese so KOTA GBIA amu na ala.

Ndia ti fani use ni 28:23

Le ti nduzu so ayeke na ndö ti li ti ala ayeke ga tongana bengba wen; sese so ayeke na gbe ti gere ti ala ayeke ga tongana wen.

Aye so Nzapa afa 11:6

Ala yeke na ngangu ti kanga le ti nduzu si na ndembe so kue ala yeke tene peko ti tënë ti yanga ti Nzapa, ngu ayeke pika pepe. Ala yeke na ngangu na ndö ti angu kue ti sara si angu ni aga mene. Ala yeke nga na ngangu ti sara aye ti sioni nde nde na sese fani mingi tongana ti so be ti ala aye.