2 Mbai 6:23 - Mbeti ti Nzapa - Tënë so amu fini

²³ mo so mo yeke na yayu kâ, ayeke nzoni mo ma zo ni; mo sara ye, mo fâ ngbanga ti azo ti kua ti mo titene zo so asara sioni, lo wara pika lo si sioni ti lo akiri na li ti lo wani; zo so asara sioni pepe, mo sara na lo alingbi na mbirimbiri ti lo.

2 Mbai 6:23 ပူးပေါင်းရင်းမြစ်များ

2 Agbia 9:26

‘Mbi wani, mbi baa lo. Biri, mbi baa mene ti Nabot na ti amolenge ti lo so mo tuku ni. Biani, mara ti ye so mo sara so, fade mbi yeke futa peko ni na mo gi na ya ti yaka so; so tënë ti yanga ti KOTA GBIA laa!’ Fadeso, mu kuâ ti Yoram, mo bi na yaka so, alingbi na tënë ti KOTA GBIA.”

2 Mbai 6:22

“Tongana mbeni zo asara sioni na mba ti lo si a hunda na lo ti deba yanga ti lo, tongana lo ga nduru na gbalaka ti mo ti deba yanga ti lo, na ya ti kota da so,

Abia (Psaumes) 10:14

KOTA GBIA, mo baa ye kue: mo yeke baa azo so ayeke baa pasi na azo ti mawa; mo ye ti mu tënë ti ala na maboko ti mo. Zo so ayeke na ngangu pepe, lo zia be ti lo kue na ndö ti mo; mo laa mo yeke mu maboko na nyindu.

Amato 1:31

Fade ala yeke ko lengo ti sarango ye ti ala; apialo ti ala ayeke fun sen na hon ti ala.

Amato 17:15

Zo so amu mbeni zo so tënë ayeke na li ti lo tongana zo ti mbirimbiri, lo na zo so amu zo ti mbirimbiri tongana zo so tënë ayeke na li ti lo, ala use kue, be ti KOTA GBIA ake ala mingi.

Jérémie 51:56

Biani, zo ti bubango aye ayeke ga nduru na Babilone, lo yeke ga ti tiri bira na lo. Lo yeke gbu angangu zo ti bira ti lo, lo yeke fâ ya ti kokora ti ala. Biani, KOTA GBIA ayeke Nzapa, lo hinga ti kiri na zo peko ti ye so zo ni asara; lo hinga ti futa zo alingbi na kua so zo ni asara.

Ezekiel 18:20

Zo so asara siokpari, lo laa lo yeke kui. Fade molenge ayeke yo ngbanga ti sioni ti babâ ti lo pepe; babâ ayeke yo ngbanga ti sioni ti amolenge ti lo pepe. Zo ti mbirimbiri ayeke wara futa ti sarango ye ti mbirimbiri ti lo, zo ti sioni ayeke wara futa ti sarango sioni ti lo.”

Wungo ti azo 5:27

Tongana wali ni ahanda koli ti lo si lo sara ye ti kirikiri ti buba tere ti lo, na peko ti nyongo ngu ni, ye so ayeke si na lo ayeke so: fade ngu so ayeke ga na deba na ndö ti zo ayeke gue na ya ti avi ti lo, ayeke suku ya ti lo si lo yeke du pepe. Azo ti mara ti lo ayeke mu lo tongana tapande ti deba amba ti ala.

Rome 2:8

Me azo so ake ti ma yanga ti lo, ala so ake taa-tënë si ye so ayeke sioni ayeke gboto ala, fade ngonzo ti Nzapa ayeke londo tongana wâ na tere ti ala.

Ndia ti fani use ni 25:1

Moïse atene: Tongana azo use awara tënë na popo ti ala si ala use kue ague na ngbanga titene a fâ ya ti tënë ni, zo so tënë ayeke na li ti lo, fade a yeke fâ ngbanga na li ti lo; zo so tënë ayeke na li ti lo pepe, a yeke bi tënë na li ti lo pepe.