2 Mbai 6:20 - Mbeti ti Nzapa - Tënë so amu fini

²⁰ Zi le ti mo bi na lâ ti baa ndo na tere ti kota da so, ndo so mo tene, mo yeke duti daa. Ma sambela so mbi, zo ti kua ti mo, mbi yeke ya na mo na ndo so.

2 Mbai 6:20 ပူးပေါင်းရင်းမြစ်များ

2 Agbia 19:16

KOTA GBIA, dingi mê ti mo, mo ma si! KOTA GBIA, zi le ti mo, mo baa ye si! Mo ma atënë ti Senakerib, lo so lo tokua makonzi ti aturugu ti batango lo titene lo zonga Nzapa so ayeke na fini so!

2 Mbai 16:9

Biani, le ti KOTA GBIA ayeke baa ndo na ndö ti sese kue titene lo mu maboko na azo so azia be ti ala kue na lo. Me ye so mo sara so, mo sara ni tongana zo so li ti lo ayeke daa pepe. Ndani laa, ti fadeso, awato ti mo ayeke ga na bira na tere ti mo.”

2 Mbai 20:9

‘Tongana mbeni kpale asi na e, wala bira, wala sioni ngbanga, wala sioni kobela ti bubango kodro, wala kota nzara si e ga, e luti na dawa ti kota da so – so ti tene na dawa ti mo, ngbanga ti so iri ti mo ayeke na ndö ti da ni – na ya ti kota mawa ti e, tongana e dekongo na mo, fade mo yeke ma e si mo yeke soo e na kuâ.’

2 Mbai 6:19

Ataa so kue, KOTA GBIA, Nzapa ti mbi, dingi mê ti mo, mo ma sambela ti mbi na toto ti mbi, zo ti kua ti mo. Ma dekongo na sambela so mbi, zo ti kua ti mo, mbi yeke ya na mo.

2 Mbai 6:40

“Fadeso Nzapa ti mbi, mo zi le ti mo, mo zi mê ti mo, mo ma sambela ti mbi so mbi yeke ya na mo na ndo so!

2 Mbai 6:5

nilaa lo tene: ‘Ti londo na lango so mbi sara si azo ti mbi asigigi na sese ti Ezipte, mbi soro laoko pepe mbeni gbata na popo ti amara ti Israel kue titene a sara da na ya ni ndali ti mbi, wala mbi soro mbeni zo pepe titene lo ga makonzi ti azo ti Israel, azo ti mbi.

2 Mbai 6:6

Me mbi soro Jérusalem ti duti daa, mbi soro nga David titene lo sara komandema na ndö ti Israel, azo ti mbi.’

2 Mbai 7:15

Fadeso, mbi zi le ti mbi awe, mbi dingi mê ti mbi ti ma sambela so azo ayeke sara na ndo so.

Néhémie 1:6

Mbi gbu gere ti mo, ayeke nzoni mo bi le ti mo na mbage ti mbi, mo zi mê ti mo, mo ma sambela so mbi yeke ya na mo, mbi, zo ti kua ti mo. Ti ndembe so, bi na lâ, mbi ngba na gbe ti mo ti sambela ndali ti e, azo ti Israel, azo ti kua ti mo. Mbi hunda na mo ti zi na li ti e asiokpari so e sara ti ke mo. Biani, mbi na akotara ti mbi, e sara siokpari.

Abia (Psaumes) 121:5

KOTA GBIA laa ayeke bata mo; lo yeke lakue nduru na tere ti mo, lo yeke tongana gbe ti de so ayeke bata mo.

Abia (Psaumes) 33:18

Me le ti KOTA GBIA ayeke na ndö ti azo so ayeke kpe mbeto ti lo, azo so azia be ti ala ti ku nzoni be ti lo

Abia (Psaumes) 34:15

Mo ke lege ti sioni ye, mo sara nzoni ye; mo gi lege ti siriri, mo ngba daa.

Daniel 6:10

Tongaso, gbia Darius asu maboko ti lo na gbe ti kota mbela ni.

Ndia ti fani use ni 12:11

Tongaso, na ndo so KOTA GBIA Nzapa ti ala asoro titene iri ti lo aduti daa si azo ayeke gue ti voro lo daa laa ala yeke ga na lo aye so mbi mu yanga daa na ala: asandaga ti ala so a yeke gbi ni kue na wâ, asandaga ti ala ti beoko, adime ti ala, amatabisi ti ala na aye so kue ala deba yanga ti ala ti mungo ni na KOTA GBIA.

Ndia ti fani use ni 26:2

fade zo oko oko na popo ti ala ayeke mu akozo li ti kobe ti lo so lo lu ni na sese so KOTA GBIA Nzapa ti ala amu na ala. Lo yeke zia ni na ya ti sakpa si lo yeke gue na ni na ndo so KOTA GBIA Nzapa ti ala ayeke soro titene iri ti lo aduti daa.

Kolose 2:9

Biani, Nzapa aduti kue kue kue na ya ti tere ti Christ so aga zo.