2 Mbai 6:16 - Mbeti ti Nzapa - Tënë so amu fini

¹⁶ Fadeso KOTA GBIA, Nzapa ti Israel, sara ye alingbi na tënë so mo tene lani na babâ ti mbi David, zo ti kua ti mo; lani mo tene: ‘Tongana amolenge ti mo abata lege ti dutingo ti ala nzoni, tongana ala sara ye alingbi na *Ndia ti mbi tongana ti so mo wani, mo sara, fade mbeni zo oko ti ya ti sewa ti mo ayeke duti lakue na ndö ti mbata ti gbia ti Israel.’

2 Mbai 6:16 ပူးပေါင်းရင်းမြစ်များ

1 Agbia 2:4

KOTA GBIA ayeke sara ye alingbi na zendo so ando lo mu na mbi, lo tene: ‘Tongana amolenge ti mo abata lege ti dutingo ti ala nzoni, tongana ala tambula mbirimbiri na dawa ti mbi, fade mbeni zo ti sewa ti mo ayeke duti lakue na ndö ti mbata ti gbia ti Israel.’ ”

1 Agbia 6:12

“Mo yeke sara kota da so ndali ti mbi. Tongana mo sara ye alingbi na atënë ti ndia ti mbi, tongana mo bata akpengba tënë ti mbi si mo ma yanga ti mbi lakue, fade mbi yeke sara ye na mo alingbi na tënë ti yanga ti mbi so mbi tene na babâ ti mo David.

2 Mbai 13:5

Ala hinga pepe atene, *KOTA GBIA, Nzapa ti Israel amu ando David na *ahale ti lo titene ala le-gbia na ndö ti Israel kpu na kpu? *Mbuki so KOTA GBIA asara na ala ayeke mbuki ti ingo!

2 Mbai 21:7

Me ndali ti *mbuki so KOTA GBIA na David asara ando, KOTA GBIA aye ti hunzi azo ti da ti David pepe, ngbanga ti so lo tene na David, fade mbeni *hale ti lo ayeke duti gbia lakue lakue na peko ti lo.

2 Mbai 23:3

Azo so kue abongbi na ya ti kota da ti Nzapa; ala na gbia Yoas asara mbuki. Yoyada atene na ala: “Baa Yoas, molenge ti gbia laa! Fade lo yeke le-gbia alingbi na tënë so *KOTA GBIA atene na ndö ti *ahale ti David.

2 Mbai 6:17

Fadeso KOTA GBIA, Nzapa ti Israel, tënë so mo tene na David, zo ti kua ti mo so, mo sara ye alingbi na ni!

2 Mbai 7:17

Ti mo, tongana mo tambula na dawa ti mbi tongana ti so babâ ti mo David asara lani, tongana mo sara ye so kue alingbi na yanga so mbi mu na mo, tongana mo sara ye alingbi na andia ti mbi nga na aye so mbi fa,

2 Mbai 7:18

fade mbi yeke sara titene lengo-gbia ti mo angba lakue alingbi na *mbuki so mbi na babâ ti mo David, e sara. Mbi tene lani na lo, mbi tene: ‘Fade mbeni zo ti sewa ti mo ayeke duti daa lakue ti sara komandema na ndö ti Israel.’.

Abia (Psaumes) 119:1

Ti ala nzoni, azo so tambula ti ala alingbi kue si sarango ye ti ala alingbi na *Ndia ti *KOTA GBIA!

Abia (Psaumes) 119:9

Fade maseka ayeke sara tongana nyen ti bata lege ti lo mbirimbiri? – Na lege ti sarango ye alingbi na tënë ti mo.

Abia (Psaumes) 132:11

KOTA GBIA adeba yanga ti lo na David, lo tene taa-tënë, lo yeke kiri ti tene mbeni tënë nde pepe: “Mbeni molenge ti mo laa mbi yeke zia lo na ndö ti mbata ti mo ti gbia.

Abia (Psaumes) 132:12

Tongana amolenge ti mo asara ye alingbi na tënë ti mbuki ti mbi si ala sara nga aye so mbi hunda na ala si mbi fa na ala, fade amolenge ti ala ayeke duti na ndö ti mbata ti mo ti gbia kpu na kpu.”

Abia (Psaumes) 26:3

Biani, nzoni be ti mo ayeke na le ti mbi lakue; na ya ti dutingo ti mbi, mbi yeke sara ye na lege ti taa-tënë ti mo.

Ezekiel 36:37

“Tënë so mbi Kota Gbia NZAPA, mbi tene ayeke so: Mbi yeke kiri ti zia lege na azo ti Israel ti gi mbi si mbi yeke sara ye ndali ti ala; mbi yeke sara titene ala kiri awu mingi tongana bongbi ti ataba.