2 Mbai 6:14 - Mbeti ti Nzapa - Tënë so amu fini

¹⁴ lo tene: “KOTA GBIA, Nzapa ti Israel, mbeni nzapa ti lingbi na mo ayeke daa pepe, ataa na yayu wala na sese. Mo yeke bata tënë ti *mbuki na azo ti kua ti mo si mo yeke sara nzoni be na azo so ayeke tambula na dawa ti mo na be ti ala kue.

2 Mbai 6:14 ပူးပေါင်းရင်းမြစ်များ

Tongo nda ti aye 17:1

Abram ayeke na ngu balegumbaya na gumbaya si KOTA GBIA asi na lo; lo tene na lo: “Mbi yeke Nzapa so ngangu ti mbi ahon angangu kue. Tambula na lege so mbi ye; mo sara aye ti mo kue gi na legeni.

Tongo nda ti aye 33:20

Lo leke mbeni gbalaka kâ si lo di iri ni “El, Nzapa ti Israel”.

Tongo nda ti aye 35:10

Nzapa atene na lo: “Iri ti mo ayeke Jacob. A yeke kiri ti iri mo Jacob pepe; me iri ti mo ayeke Israel.” Tongaso Nzapa adi iri ti lo Israel.

Tongo nda ti aye 5:24

Lo tambula na Nzapa; na pekoni lo yeke daa mbeni pepe, ngbanga ti so Nzapa amu lo ahon na lo.

2 Samuel 7:22

Kota Gbia NZAPA, mo yeke kota; mbeni nzapa ti lingbi na mo ayeke daa pepe. Na ya ti atënë so kue e ma, e ma a tene, mbeni nzapa tongana mo ayeke daa pepe, gi mo oko.

1 Agbia 18:36

Na ngbonga ti mungo sandaga ti peko ti bekombite, wayanga-Nzapa Élie aga nduru na tere ti gbalaka ni si lo tene: “KOTA GBIA, Nzapa ti Abraham, ti Isaac na ti Jacob, ayeke nzoni mo fa na azo laso, mo tene, mo laa mo yeke Nzapa na sese ti Israel. Mbi yeke zo ti kua ti mo si mbi sara aye so kue gi na lege ti tënë ti mo.

1 Agbia 3:6

Salomon akiri tënë, lo tene: “Mo sara nzoni be mingi na babâ ti mbi David, zo ti kua ti mo. Lani lo sara ye na le ti mo na lege ti taa-tënë, na lege ti mbirimbiri nga na legeni mbirimbiri. Nilaa mo ngba ti sara nzoni be na lo si mo mu na lo mbeni molenge-koli titene lo duti laso gbia na ndö ti mbata ti lo ti gbia.

1 Agbia 6:12

“Mo yeke sara kota da so ndali ti mbi. Tongana mo sara ye alingbi na atënë ti ndia ti mbi, tongana mo bata akpengba tënë ti mbi si mo ma yanga ti mbi lakue, fade mbi yeke sara ye na mo alingbi na tënë ti yanga ti mbi so mbi tene na babâ ti mo David.

1 Agbia 8:23

lo tene: “KOTA GBIA, Nzapa ti Israel, mbeni nzapa tongana mo ayeke daa pepe, ataa na yayu kâ wala na sese ge. Mo yeke bata tënë ti *mbuki na azo ti kua ti mo si mo yeke sara nzoni be na azo so ayeke tambula na dawa ti mo na be ti ala kue.

1 Mbai 29:10

David amu singila na *KOTA GBIA na dawa ti bongbi ti azo ni kue, lo tene: “Singila na KOTA GBIA, Nzapa ti kotara ti e Jacob, ngbene ye kpu na kpu, lakue lakue!

1 Mbai 29:20

Na pekoni, David atene na bongbi ti azo ni: “Ala mu singila na KOTA GBIA, Nzapa ti ala.” Tongaso, azo ni kue amu singila na KOTA GBIA, Nzapa ti akotara ti ala. Ala kuku akpo li ti ala na sese na dawa ti KOTA GBIA nga na dawa ti gbia.

2 Mbai 20:6

Lo sambela, lo tene: “KOTA GBIA, Nzapa ti akotara ti e, mo laa mo yeke Nzapa na yayu, mo laa mo yeke na komandema na ndö ti akodro-gbia kue ti dunia! Mo yeke na ngangu, mo yeke na kota ngangu; zo oko alingbi ti luti na le ti mo pepe.

2 Mbai 6:17

Fadeso KOTA GBIA, Nzapa ti Israel, tënë so mo tene na David, zo ti kua ti mo so, mo sara ye alingbi na ni!

Néhémie 1:5

mbi tene: “*KOTA GBIA, Nzapa ti yayu, mo yeke kota, mo yeke mu mbeto na zo! Mo yeke bata tënë ti *mbuki ti mo na azo so ayeke sara ye alingbi na atënë ti ndia ti mo; mo yeke sara nzoni be na azo so aye mo.

Abia (Psaumes) 86:8

Kota Gbia, na popo ti anzapa, mbeni oko ti lingbi na mo ayeke daa pepe. Ye so mo sara, mbeni nzapa ti sara ni ayeke daa pepe.

Abia (Psaumes) 89:28

Ti mbi, mbi yeke sara titene lo ga kozo molenge ti mbi ti koli, gbia so ayeke kota ahon agbia kue ti sese.

Abia (Psaumes) 89:6

KOTA GBIA, aye so ayeke na yayu ayeke sepela mo ndali ti aye ti kpene ti mo! Bongbi ti *a-ange ayeke sepela mo ndali ti batango tënë ti yanga ti mo so mo yeke bata.

Abia (Psaumes) 89:8

Na ya ti bongbi ti a-ange, Nzapa ayeke zia kota mbeto na be ti ala; lo yeke zia mbeto mingi na be ti ala so kue angoro lo.

Sigingo 15:11

KOTA GBIA, na popo ti anzapa, lo so wa laa ayeke tongana mo? Zo wa laa alingbi na gonda, lo yeke nde si lo yeke nzoni kue tongana mo? Zo wa laa alingbi ti sara akota ye tongana mo? Zo wa laa alingbi ti sara aye ti kpene tongana mo?

Sigingo 3:15

Nzapa akiri atene na Moïse: “Fade mo tene na azo ti Israel, mo tene: ‘KOTA GBIA, Nzapa ti akotara ti ala, Nzapa ti Abraham, Nzapa ti Isaac, Nzapa ti Jacob laa atokua mbi na ala.’ So iri ti mbi kpu na kpu laa; iri so azo ti angoi kue ayeke iri mbi na ni laa.

Sigingo 8:6

Faraon atene: “Kekereke.” Moïse atene: “Nzoni! Mbi yeke sara tongana ti so mo hunda. Tongaso, fade mo yeke hinga, mo tene, mbeni nzapa ti lingbi na KOTA GBIA, Nzapa ti e ayeke daa pepe.

Jérémie 10:16

Ti Nzapa, lo yeke tongana ala pepe, lo so lo yeke mosoro ti Jacob; lo laa lo sara si dunia abaa gigi, mara ti Israel ayeke ye ti lo; iri ti lo ayeke KOTA GBIA so ayeke na ndö ti dunia kue.

Jérémie 10:6

KOTA GBIA, mbeni Nzapa tongana mo ayeke daa pepe! Mo yeke kota, iri ti mo nga ayeke kota na lege ti ngangu ti mo.

Daniel 9:4

Mbi sambela KOTA GBIA, Nzapa ti mbi si mbi fa siokpari so na lo, mbi tene: “Ae! KOTA GBIA, mo yeke kota, azo alingbi ti kpe mbeto ti mo mingi. Mo yeke bata tënë ti *mbuki ti mo na azo so abata andia ti mo; mo yeke sara nzoni be na azo so aye mo.

Nzoni Tënë so Luc asu na mbeti 1:50

Lo yeke sara nzoni be kpu na kpu na azo so akpe mbeto ti lo.

Nzoni Tënë so Luc asu na mbeti 1:6

Ala use kue ayeke ambirimbiri zo na le ti Nzapa; ala yeke sara ye gi na lege ti andia nga na lege ti ambela kue ti *Kota Gbia.

Nzoni Tënë so Luc asu na mbeti 1:72

Lo sara nzoni be na akotara ti e ti dabe ti lo na *mbuki ti lo so ayeke nde si ayeke nzoni kue.

Ndia ti fani use ni 3:24

“Kota Gbia NZAPA, mo to nda ti fa na mbi, zo ti kua ti mo, kota ti mo na ngangu ti maboko ti mo. Mbeni nzapa nde, ataa na yayu, ataa na ndö ti sese so alingbi ti sara akota ye tongana mo ayeke daa pepe!

Ndia ti fani use ni 4:39

Alingbi ala hinga tënë so laso, ala gbu li ti ala na ndö ni nzoni: KOTA GBIA laa ayeke Nzapa na yayu, yongoro na nduzu kâ; lo yeke nga Nzapa na ndö ti sese; mbeni Nzapa nde ayeke daa pepe.

Ndia ti fani use ni 7:9

Alingbi ala hinga atene, KOTA GBIA Nzapa ti ala laa ayeke Nzapa, taa Nzapa biani. Lo yeke bata tënë ti *mbuki ti lo si lo yeke sara nzoni be na azo so aye lo si ala yeke sara ye alingbi na atënë ti yanga ti lo, ngbii asi na molongo saki oko ti *ahale ti ala.

1 Tesalonike 2:12

E mu na ala wango, e sara titene be ti ala akpengba, e hunda na ala mingi titene lege ti dutingo ti ala alingbi na ti so be ti Nzapa aye, lo so lo iri ala ti li na ya ti Kodro-gbia ti lo nga na ya ti gonda ti lo.