2 Mbai 6:12 - Mbeti ti Nzapa - Tënë so amu fini

¹² Na pekoni, Salomon aluti na dawa ti gbalaka ti *KOTA GBIA, na le ti bongbi ti azo ti Israel kue, lo ya maboko ti lo na nduzu.

2 Mbai 6:12 ပူးပေါင်းရင်းမြစ်များ

2 Agbia 11:14

Lo baa ndo si lo baa gbia so aluti na ndö ti mbeni ye so a leke na nduzu titene agbia aluti daa, tongana ti so ala yeke sara ka lakue. Amakonzi na azo ti hurungo tatalita ayeke nduru na tere ti gbia. Azo ti kodro kue ayeke na ngia si ambeni ayeke huru tatalita. Atalii asuru bongo na tere ti lo si lo dekongo, lo tene: “So kango zo laa! So kango zo laa!”

2 Agbia 23:3

Gbia aluti na ndö ti mbeni ye so a leke na nduzu ndali ti agbia si lo kiri lo leke tënë ti ga mbuki na KOTA GBIA. Alingbi fade zo oko oko amu zendo ti tambula na peko ti KOTA GBIA, ti sara ye na be ti lo kue nga na tënë ti be ti lo kue alingbi na atënë ti ndia ti KOTA GBIA, ambela ti lo na aye so lo fa. Alingbi fade zo oko oko asara ye alingbi na atënë ti mbuki so a su na ya ti mbeti so. Nilaa azo kue ayeda na tënë ti mbuki ni.

2 Mbai 6:11

Mbi zia na ya ti da ni sanduku so atêne so a su atënë ti *mbuki na le ni, mbuki so KOTA GBIA na azo ti Israel asara.”

2 Mbai 6:13

Andaa Salomon amu lani yanga si a sara mbeni ye na bengba wen ti luti na ndö ni, a zia ni na be ti gbagba ni. Yongoro ni ayeke metere use na ndambo, nduru ni ayeke metere use na ndambo, yongo ni na nduzu ayeke metere oko na ndambo. Salomon aluti na ndö ti ye ni, lo kuku na likunu ti lo na dawa ti bongbi ti azo ti Israel kue, lo yoro maboko ti lo na nduzu ti sambela,

Mbeti ti Job 11:13

Ti mo, tongana mo leke be ti mo mbirimbiri, yoro maboko ti mo na mbage ti lo si mo sambela lo.

Abia (Psaumes) 141:2

Ayeke nzoni sambela ti mbi aga tongana dukani so guru ni ayeke ma na nduzu na dawa ti mo; maboko ti mbi so mbi yoro na nduzu aga tongana *sandaga ti lakui.

Abia (Psaumes) 143:6

Mbi yoro maboko ti mbi na mbage ti mo, mbi laa na dawa ti mo tongana sese so aye ngu. Luti kete

Abia (Psaumes) 28:2

Ayeke nzoni mo ma toto ti mbi, tongana mbi iri mo ti mu maboko na mbi, tongana mbi yo maboko ti mbi na nduzu na mbage ti ndo ti mo so ayeke nde si ayeke nzoni kue ahon atanga ni.

Abia (Psaumes) 63:4

Biani, nzoni be ti mo ayeke nzoni ahon fini ti zo; fade mbi yeke he bia ti sepela mo.

Abia (Psaumes) 68:31

Suku na nyama ti asosongo, suku na gba ti akoli-bagara nga na gba ti akete bagara, ala so aga ti kuku na gbe ti mo ti mu na mo ale ti nginza. Azo so aye gi bira so, kangbi ya ti ala kirikiri.

Sigingo 9:33

Moïse alondo na ndo ti gbia Faraon nga na ya ti gbata ni, lo sigigi. Lo yoro maboko ti lo na mbage ti KOTA GBIA si lo sambela. Tongaso bekpa na pembe ti bekpa akai; ngu-Nzapa akiri apika pepe.

Ésaïe 50:10

Mbeni zo ti kpengo mbeto ti *KOTA GBIA ayeke na popo ti ala? Alingbi lo ma yanga ti zo ti kua ti lo. Tongana mbeni zo ayeke tambula na ya ti vukongo ndo si lumiere oko ayeke daa pepe, alingbi lo zia be ti lo na ndö ti KOTA GBIA wani, lo luti na ndö ti Nzapa ti lo.

1 Timothée 2:8

Mbi ye si akoli asambela na ndo kue, na yorongo maboko ti ala na nduzu, maboko so ayeke *nzoni, na ngonzo na be ti ala pepe, na tënë ti papa pepe.