2 Mbai 6:11 - Mbeti ti Nzapa - Tënë so amu fini

¹¹ Mbi zia na ya ti da ni sanduku so atêne so a su atënë ti *mbuki na le ni, mbuki so KOTA GBIA na azo ti Israel asara.”

2 Mbai 6:11 ပူးပေါင်းရင်းမြစ်များ

1 Agbia 8:21

Kâ, mbi leke mbeni ndo ndali ti sanduku so atêne so a su atënë ti *mbuki na le ni ayeke daa; mbuki so KOTA GBIA na akotara ti e asara ni na ngoi so lo sara si ala sigigi na sese ti Ezipte.”

1 Agbia 8:9

Mbeni ye nde ayeke na ya ti sanduku ni pepe, gi akpangbara têne use so Moïse awara lani na ndö ti hoto ti Horeb. Lo zia atêne ni na ya ti sanduku ni na ndembe so KOTA GBIA asara mbuki na azo ti Israel, na peko ti so lo sara si ala sigigi na sese ti Ezipte.

2 Mbai 5:10

Mbeni ye nde ayeke na ya ti sanduku ni pepe, gi akpangbara têne use so Moïse awara lani na ndö ti hoto ti Horeb. Lo zia akpangbara têne ni ya ti sanduku ni na ndembe so KOTA GBIA asara mbuki na azo ti Israel, na peko ti so lo sara si ala sigigi na sese ti Ezipte.

2 Mbai 5:7

Na pekoni, awayango-sandaga aga na sanduku ti mbuki ti KOTA GBIA na ya ti kota da ti Nzapa, na ndo so ayeke nde si ayeke nzoni kue ahon atanga ni, na gbe ti *akpangi ti *asheruben.

2 Mbai 6:10

Salomon akiri atene: “Tënë so KOTA GBIA atene lani so, lo sara ye alingbi na ni awe: mbi ga gbia na peko ti babâ ti mbi David, mbi duti na ndö ti mbata ti Israel, alingbi na tënë so KOTA GBIA atene lani, nilaa mbi sara kota da so ndali ti KOTA GBIA, Nzapa ti Israel.

2 Mbai 6:12

Na pekoni, Salomon aluti na dawa ti gbalaka ti *KOTA GBIA, na le ti bongbi ti azo ti Israel kue, lo ya maboko ti lo na nduzu.

Abia (Psaumes) 50:5

Lo tene: “Ala bongbi azo ti mbi, azo ti mbi so mbi na ala e ga ambuki na lege ti *sandaga.”

Sigingo 40:20

Na pekoni, lo mu atêne so a su atënë ti ndia na le ni, lo zia na ya ti sanduku. Lo yoro ayongoro keke na ya ti *akati so ayeke na tere ti sanduku ni si lo zia ye ti kangango na yanga ni na ndö ni.

Ahebro 9:4

Na ndo ni so, gbalaka ti zongo dukani ayeke daa so ala leke ni na lôro. Sanduku ti mbuki so ala leke tere ni kue na lôro ayeke nga daa. Ta ti lôro so *mane ayeke na ya ni, keke ti Aaron so akongo asigigi na tere ni nga na akpangbara têne so a su atënë ti mbuki na ndö ni ayeke na ya ti sanduku ni.