2 Mbai 6:10 - Mbeti ti Nzapa - Tënë so amu fini

¹⁰ Salomon akiri atene: “Tënë so KOTA GBIA atene lani so, lo sara ye alingbi na ni awe: mbi ga gbia na peko ti babâ ti mbi David, mbi duti na ndö ti mbata ti Israel, alingbi na tënë so KOTA GBIA atene lani, nilaa mbi sara kota da so ndali ti KOTA GBIA, Nzapa ti Israel.

2 Mbai 6:10 ပူးပေါင်းရင်းမြစ်များ

1 Agbia 2:12

Salomon aduti na ndö ti mbata ti gbia na peko ti babâ ti lo David. Komandema ti lo akpengba.

1 Mbai 17:11

Tongana ngoi ti mo alingbi awe titene mo gue na peko ti akotara ti mo, fade mbi yeke mu mbeni *hale ti mo, so ti tene mbeni molenge ti mo ti koli titene lo ga gbia. Mbi yeke sara titene lengo-gbia ti lo akpengba.

1 Mbai 22:11

Ti fadeso, molenge ti mbi, ayeke nzoni KOTA GBIA aduti na mo si kua ti kota da ni atambula nzoni alingbi na tënë so lo tene ndali ti mo.

1 Mbai 28:5

KOTA GBIA amu na mbi amolenge-koli mingi. Na popo ti amolenge ni, lo soro Salomon, molenge ti mbi titene lo duti na ndö ti mbata ti gbia na sese ti Israel si lo le-gbia na iri ti KOTA GBIA.

1 Mbai 29:15

Biani, na le ti mo, e yeke awande, e yeke agene tongana akotara ti e. Fini ti e na ndö ti sese so ayeke tongana gbe ti de so ayeke hon hongo, mbeni ye titene e zia be ti e ti ku ayeke daa pepe.

1 Mbai 29:23

Salomon aduti na ndö ti mbata ti gbia so KOTA GBIA amu na lo. Lo ga gbia na plase ti babâ ti lo David. Aye so kue lo yeke sara aga nzoni si azo ti Israel kue ayeke ma yanga ti lo.

2 Mbai 1:1

Salomon, molenge ti David asara si lengo-gbia ti lo akpengba; *KOTA GBIA Nzapa ti lo ayeke na lo si amu nengo na lo mingi.

2 Mbai 6:11

Mbi zia na ya ti da ni sanduku so atêne so a su atënë ti *mbuki na le ni, mbuki so KOTA GBIA na azo ti Israel asara.”

2 Mbai 6:9

Me mo laa mo yeke sara ande da ni pepe; molenge ti mo laa ayeke sara da ni ndali ti mbi.’ ”

Zo ti bongbingo azo 1:4

Azo ti mbeni ngoi ayeke hon, azo ti mbeni ngoi nde ayeke ga; me sese angba ti lo lakue.