2 Mbai 5:5 - Mbeti ti Nzapa - Tënë so amu fini

⁵ Ala yo sanduku ti mbuki ni, da ti bongo so KOTA GBIA na azo ti lo ayeke wara tere daa nga na aye so a zia nde ndali ti Nzapa si ayeke na ya ti da ti bongo ni. Awayango-sandaga so ayeke azo ti mara ti Lévi laa ayo aye ni so.

2 Mbai 5:5 ပူးပေါင်းရင်းမြစ်များ

1 Agbia 8:4

Ala yo sanduku ti mbuki ti KOTA GBIA, da ti bongo so KOTA GBIA na azo ti lo ayeke wara tere daa nga na aye so kue a zia nde ndali ti Nzapa. Awayango-sandaga na azo ti mara ti Lévi laa ayo aye ni so.

1 Agbia 8:6

Na pekoni, awayango-sandaga aga na sanduku ti mbuki ti KOTA GBIA na ya ti kota da ti Nzapa, na ndo so ayeke nde si ayeke nzoni kue ahon atanga ni, na gbe ti *akpangi ti *asheruben.

2 Mbai 1:3

Salomon na bongbi ti azo ni kue ague na li ti hoto so ayeke na Gabaon, ngbanga ti so da ti bongo so KOTA GBIA na azo ti lo ayeke wara tere daa ayeke kâ. Moïse, zo ti kua ti KOTA GBIA laa aleke ando da ti bongo ni na benyama.

2 Mbai 23:18

Na pekoni, Yoyada azia kua ti batango kota da ti KOTA GBIA na maboko ti awayango-sandaga so ayeke azo ti mara ti Lévi. David akangbi lani awayango-sandaga ni na ya ti abongbi nde nde na ya ti kota da ti KOTA GBIA titene ala ya na KOTA GBIA asandaga so a yeke gbi ni kue na wâ, alingbi na *Ndia ti Moïse. Lo mu yanga na ala ti sara kua ni na hengo bia na ngia.

2 Mbai 5:4

So akangba ti Israel kue asi awe, azo ti mara ti Lévi ayo sanduku ti mbuki ni.

2 Mbai 5:6

Gbia Salomon na azo ti Israel so kue abongbi na tere ti lo na dawa ti sanduku ni, amu gba ti ataba na angasa nga na gba ti abagara na *sandaga; zo alingbi ti diko ala pepe wala ti hinga wungo ti ala pepe.