2 Mbai 5:2 - Mbeti ti Nzapa - Tënë so amu fini

² Tongaso, Salomon abongbi *akangba ti Israel, amakonzi ti amara kue nga na amakonzi ti asewa ti Israel na Jérusalem titene ala mu sanduku ti *mbuki ti *KOTA GBIA so ayeke na Gbata ti David, so ti tene na Sion, ti gue na ni na ya ti kota da ti Nzapa.

2 Mbai 5:2 ပူးပေါင်းရင်းမြစ်များ

2 Samuel 5:7

Me David amu ngangu gbagba ti *Sion, so ti tene Gbata ti David.

2 Samuel 6:12

Azo ague, atene na gbia David, atene: “Ndali ti sanduku ti *mbuki ti Nzapa, *KOTA GBIA asara tufa na ndö ti sewa ti Obed-Edom na aye ti lo kue.” Tongaso, David alondo, lo gue na da ti Obed-Edom, lo mu sanduku ti mbuki ti Nzapa si lo kiri na ni na Gbata ti David, na ngia na be.

1 Mbai 15:1

David asara ada ndali ti lo wani na Gbata ti David. Lo leke mbeni ndo ndali ti sanduku ti *mbuki ti Nzapa si lo kpo na nduzu mbeni da ti bongo ndali ti sanduku ni.

1 Mbai 15:12

Lo tene na ala: “Ala so ayeke amakonzi ti sewa ti mara ti Lévi, ayeke nzoni ala na a-ita ti ala, ala zia tere ti ala nde ndali ti Nzapa, na pekoni ala gue, amu sanduku ti mbuki ti KOTA GBIA, Nzapa ti Israel, ala zia na ndo so mbi leke ndali ni.

1 Mbai 15:25

David, *akangba ti Israel na amakonzi ti aturugu 1 000 ague na ngia na be ti ala ti mu sanduku ti *mbuki ti *KOTA GBIA kâ na da ti Obed-Edom.

1 Mbai 15:3

David abongbi azo ti Israel kue na Jérusalem titene ala mu sanduku ti mbuki ni ague na ni na ndo so lo leke ndali ni.

1 Mbai 16:1

Na peko ti so ala ga na sanduku ti mbuki ti Nzapa, ala zia ni na gbe ti da ti bongo so David aleke ndali ni. Ala mu *asandaga so ayeke gbi ni kue na wâ nga na asandaga ti beoko na Nzapa.

1 Mbai 24:31

Tongana ti so a-ita ti ala, ahale ti Aaron asara, ala nga abi mbeni ye ti baa na lege ti kua ti ala. Ala sara ye ni na dawa ti gbia David, lo na Sadok, Ahimelek, amakonzi ti asewa ti awayango-sandaga nga na azo ti mara ti Lévi. Tongaso, kua so a mu na kota zo ti sewa, gi ni laa a mu na ngambe ni.

1 Mbai 24:6

Wakuasu Shemaya, molenge ti Netaneel, zo ti mara ti Lévi, asu iri ti azo ti mara ti Lévi na dawa ti gbia, ti amakonzi, ti wayango-sandaga Sadok, ti Ahimelek, molenge ti Abiatar nga na dawa ti amakonzi ti asewa ti awayango-sandaga na ti azo ti mara ti Lévi. Ndali ti ahale ti Elazar, a yeke bi ye ni fani use; ndali ti ahale ti Itamar, a yeke bi ni fani oko; a yeke sara ni gi tongaso ti gue na ni.

1 Mbai 26:26

Shelomit, lo na a-ita ti lo ayeke baa ndo na ndö ti aye so kue gbia David, na amakonzi ti asewa, na amakonzi ti aturugu 1 000 na ti aturugu 100 nga na amakonzi nde nde ti aturugu azia ni nde ndali ti Nzapa.

1 Mbai 28:1

David abongbi amakonzi ti Israel kue na Jérusalem: amakonzi ti amara, amakonzi ti abongbi ti aturugu ti gbia, ala so ayeke na li ti aturugu saki oko, ala so ayeke na li ti aturugu ngbangbo oko, amakonzi so ayeke baa ndo na ndö ti amosoro nga na anyama ti gbia na ti amolenge ti lo. Gbia abongbi nga akota zo ti kua ti yangbo ti lo, akpengba turugu na angangu koli kue.

2 Mbai 1:4

Me David amu lani sanduku ti *mbuki ti Nzapa na gbata ti Kiriat-Yearim ague na ni na Jérusalem si lo zia na gbe ti da ti bongo so lo sara kâ ndali ni.

2 Mbai 5:1

So Salomon ahunzi ti sara kota da ti *KOTA GBIA kue awe, lo tene na azo ti ga na aye so babâ ti lo David azia ando nde ndali ti KOTA GBIA so: wen ti nginza, lôro na akungba kue; lo zia aye ni na ya ti kubu so ayeke bata ka amosoro ti da ti Nzapa daa.

2 Mbai 5:12

Azo ti mara ti Lévi so ayeke azo ti hengo bia, Asaf, Heman, Yedutun, ala na amolenge ti ala nga na a-ita ti ala ayu abongo ti *len. Ala luti na tere ti gbalaka, na mbage ti To, ala gbu na maboko ti ala ngo, akota kundi na akete kundi. Awayango-sandaga ngbangbo oko na baleuse ayeke huru tatalita nduru na ala.

Abia (Psaumes) 2:6

si lo tene: “Mbi wani laa mbi zia gbia ti mbi na ndö ti hoto ti *Sion, hoto ti mbi so ayeke nde si ayeke nzoni kue.”

Abia (Psaumes) 87:2

Lo ye ayanga ti gbagba ni mingi ahon ti ambeni gbata ti Jacob kue.

Awayango-sandaga 9:5

Aye so Moïse amu yanga daa so, ala mu ni, ague na ni na yanga ti da ti bongo so KOTA GBIA na azo ti lo ayeke wara tere daa. Bongbi ti azo ti Israel kue aga si ala luti na dawa ti KOTA GBIA.

Wungo ti azo 10:33

Azo ti Israel alondo na hoto ti KOTA GBIA ti hon si ala tambula na ya ti lango ota. Na ya ti lango ota so kue, sanduku ti *mbuki ti KOTA GBIA ayeke hon na dawa ti ala ti gi ndo so ala lingbi ti wu tere ti ala daa.

Wungo ti azo 10:36

Na ndembe so ala yeke zia sanduku ni na sese, Moïse ayeke tene: “KOTA GBIA, mo kiri fadeso, mo ga, mo duti na tere ti gba ti amara ti azo ti Israel!”