2 Mbai 5:13 - Mbeti ti Nzapa - Tënë so amu fini

¹³ Azo ti hurungo tatalita na azo ti hengo bia abongbi tere ti ala kue ti sepela na ti gonda KOTA GBIA. Na ndembe so toto ti tatalita, ti ngo na ti aye ti mozoko alondo, ala yeke sepela KOTA GBIA, atene: “E mu singila na KOTA GBIA, ngbanga ti so lo yeke nzoni; nzoni be ti lo angba kpu na kpu!” Tongaso, mbinda asi singo na ya ti kota da ni, da ti KOTA GBIA.

2 Mbai 5:13 ပူးပေါင်းရင်းမြစ်များ

1 Mbai 16:4

David amu ambeni zo ti mara ti Lévi si lo zia ala na dawa ti sanduku ti *mbuki ti *KOTA GBIA titene ala dabe ti azo na iri ti KOTA GBIA, ala sepela lo si ala gonda nga KOTA GBIA, Nzapa ti Israel.

2 Mbai 20:21

Na pekoni, Yosafat na azo ni ama tere si lo zia azo ti hengo bia ti mu li ti tambula ti aturugu; ala yu bongo so a zia nde ndali ti KOTA GBIA si ala yeke he bia ti sepela na lo, atene: “Ala sepela KOTA GBIA, ngbanga ti so nzoni be ti lo angba kpu na kpu!”

2 Mbai 20:22

Na ndembe so ala to nda ti he bia si ala yeke sepela KOTA GBIA, lo bi wusuwusu na popo ti azo so aga ti tiri bira na azo ti Juda: azo ti Amon, ti Moab na azo so ayeke lango na sese ti ahoto ti Seir. Ala wani ayeke tiri na popo ti ala.

2 Mbai 7:1

So Salomon ahunzi ti sambela awe, mbeni wâ alondo na yayu agbi *sandaga so a yeke gbi ni kue na wâ nga na asandaga ti beoko si gonda ti *KOTA GBIA asi singo na ya ti kota da ti Nzapa.

2 Mbai 7:2

Awayango-sandaga awara lege pepe ti li na ya ti kota da ti Nzapa, ngbanga ti so gonda ti KOTA GBIA asi singo na ya ti da ni.

2 Mbai 7:3

Azo ti Israel kue abaa wâ so alondo na yayu azu si gonda ti KOTA GBIA asi singo na ya ti kota da ni. Ala kuku akpo li ti ala na sese so a leke pendere pendere na têne; ala sepela KOTA GBIA, atene: “Biani, lo yeke nzoni; nzoni be ti lo angba kpu na kpu!”

2 Mbai 7:6

Awayango-sandaga aluti na ndo ti kua ti ala; azo ti mara ti Lévi aluti nga si ala yeke pika aye ti mozoko so David aleke ndali ti KOTA GBIA; ala yeke sepela KOTA GBIA, alingbi na bia so David azia na ala; ala tene: “Biani, nzoni be ti lo angba kpu na kpu!” Awayango-sandaga aluti na dawa ti ala si ala yeke huru atatalita; azo ti Israel kue aluti na nduzu.

Esdras 3:11

Ala gonda KOTA GBIA na lege ti bia si ala mu singila na lo; ambeni ahe bia ni si ambeni akiri peko ti bia ni, atene: “KOTA GBIA ayeke nzoni, nzoni be ti lo angba ndali ti azo ti Israel kpu na kpu!” Azo kue asepela nga KOTA GBIA, ala dekongo ngangu, ngbanga ti so a lu gere ti kota da ti KOTA GBIA awe.

Néhémie 12:27

So ala hunzi ti leke gbagba ti Jérusalem awe, a tokua titene a iri azo ti mara ti Lévi so ayeke lango na ando nde nde ti ga na Jérusalem ti sara matanga ti ziango gbagba ti gbata ni nde ndali ti Nzapa. Ala sara matanga ni na ngia, na lege ti abia ti sepelango Nzapa, na lege ti pikango ngo, akota kundi na akete kundi.

Abia (Psaumes) 100:5

Biani, KOTA GBIA ayeke nzoni, nzoni be ti lo angba kpu na kpu; lo ngba ti sara ye alingbi na tënë ti yanga ti lo ngu na ngu.

Abia (Psaumes) 106:1

Aleluya! Ala sepela *KOTA GBIA, ngbanga ti so lo yeke nzoni, nzoni be ti lo angba kpu na kpu!

Abia (Psaumes) 107:1

Ala sepela *KOTA GBIA, ngbanga ti so lo yeke nzoni, nzoni be ti lo angba kpu na kpu!

Abia (Psaumes) 118:1

Ala mu singila na *KOTA GBIA ngbanga ti so lo yeke nzoni. Biani, nzoni be ti lo angba kpu na kpu!

Abia (Psaumes) 150:3

Ala huru didi ti sepela na lo! Ala pika kete kundi na kota kundi ti sepela na lo!

Abia (Psaumes) 150:5

Ala sepela lo na wen so atoto mingi, ala sepela lo na wen so atoto ngangu!

Abia (Psaumes) 22:4

Andaa mo yeke nde si mo yeke nzoni kue, mo duti na ndö ti mbata ti mo ti gbia, mo laa azo ti Israel ayeke gonda mo.

Abia (Psaumes) 81:2

Ala he bia na ngia na Nzapa so ayeke mu ngangu na e, ala dekongo na ngia na Nzapa ti Jacob.

Sigingo 29:43

“Mbi yeke wara azo ti Israel na ndo so; gonda ti mbi ayeke sara si ndo ni ayeke duti nde si aduti nzoni kue.

Ésaïe 52:8

Azo so mo zia ala ti sara sanziri so, mo ma go ti ala! Ala kue yanga oko, ala yeke dekongo na ngia, ngbanga ti so ala baa na le ti ala wani *KOTA GBIA so ayeke kiri na *Sion.

Jérémie 32:39

Fade mbi yeke mu na ala be oko si lege ti sarango ye ti ala ayeke ga oko titene ala kpe mbeto ti mbi lakue. Tongaso si fade ala yeke baa nzoni, ala na amolenge ti peko ti ala.

Jérémie 33:11

bia ti azo so tere ti ala anzere, bia ti azo so ayeke na ngia, bia ti akoli na awali so amu tere fini ni. A yeke ma nga bia ti azo so ayeke ga na *sandaga ti mungo singila na ya ti kota da ti KOTA GBIA, atene: ‘Ala mu singila na KOTA GBIA so ayeke na ndö ti dunia kue, ngbanga ti so lo yeke nzoni, nzoni be ti lo angba kpu na kpu!’ Biani, fade mbi yeke sara titene kodro so akiri na kozo ndo ti lo”; tënë so KOTA GBIA atene laa.

Awatokua 4:32

Azo so ama na be gbani gbani so, tënë ti be ti ala ayeke gi oko, ye so ala ye ayeke nga gi oko. Zo oko atene pepe, atene: “Ye ti mbi ayeke gi ti mbi!” Me ye so kue ala yeke na ni, ala yeke bongbi ni si aga ye ti ala kue.

Rome 15:6

Tongaso, na be oko nga na yanga oko, ala gonda Nzapa, lo so lo yeke Babâ ti Jésus Christ, *Kota Gbia ti e.

Aye so Nzapa afa 15:8

Ya ti kota da ti Nzapa asi na guru ti wâ ndali ti gonda ti Nzapa na ngangu ti lo. Zo oko alingbi ti li na ya ti kota da ni pepe, ngbii aye ti sioni mbarambara so a-ange aga na ni so ahunzi si.