2 Mbai 5:12 - Mbeti ti Nzapa - Tënë so amu fini

¹² Azo ti mara ti Lévi so ayeke azo ti hengo bia, Asaf, Heman, Yedutun, ala na amolenge ti ala nga na a-ita ti ala ayu abongo ti *len. Ala luti na tere ti gbalaka, na mbage ti To, ala gbu na maboko ti ala ngo, akota kundi na akete kundi. Awayango-sandaga ngbangbo oko na baleuse ayeke huru tatalita nduru na ala.

2 Mbai 5:12 ပူးပေါင်းရင်းမြစ်များ

1 Mbai 13:8

David na azo ti Israel kue afa ngia ti ala na dawa ti Nzapa na ngangu ti ala kue. Ala yeke he bia na aye ti mozoko tongana akota kundi, akete kundi, akete ngo, awen so atoto nga na atatalita.

1 Mbai 15:24

ala na Obed-Edom nga na Yehia. Ti awayango-sandaga Shebania, Yoshafat, Netaneel, Amasai, Zakarii, Benaya na Eliezer, ala yeke azo ti hurungo tatalita na dawa ti sanduku ti mbuki ti Nzapa.

1 Mbai 15:27

David ayu kota bongo ti *len, lo na azo ti mara ti Lévi so kue ayeke yo sanduku ni, azo ti hengo bia na Kenania, so ayeke baa lege ti yongo sanduku ni. David ayu nga bongo ti awayango-sandaga so a sara na len.

1 Mbai 23:30

Na ndaperere nga na lakui, alingbi ala duti daa ti sepela na ti gonda KOTA GBIA.

1 Mbai 23:5

azo 4 000 tongana azo ti batango yanga ti da si azo 4 000 ti sepela KOTA GBIA na aye ti mozoko so lo leke ndali ni.

1 Mbai 6:33

Ambeni ita ti ala, azo ti mara ti Lévi ayeke sara ambeni kua nde na ya ti kota da ti Nzapa.

1 Mbai 6:39

So ayeke iri ti ando so a mu na *ahale ti Aaron na akete mara ti Kehat ti duti daa laa. Ala laa ayeke akozo zo so awara sese ti duti daa; a bi mbeni ye ti hinga lege so a kangbi ye na ala.

2 Mbai 29:25

Gbia azia azo ti mara ti Lévi na ya ti kota da ti KOTA GBIA; awen so ayeke toto, akota kundi, na akundi ayeke na maboko ti ala. Lo sara ye ni alingbi na yanga so David, Gad, zo ti bango nda ti aye ti gbia, nga na Natan, wayanga-Nzapa amu. Andaa KOTA GBIA wani laa amu yanga so na lege ti awayanga ti lo.

2 Mbai 29:26

Azo ti mara ti Lévi aluti na aye ti mozoko na maboko ti ala, aye ti mozoko so David aleke. Awayango-sandaga ayeke na atatalita na maboko ti ala.

2 Mbai 7:6

Awayango-sandaga aluti na ndo ti kua ti ala; azo ti mara ti Lévi aluti nga si ala yeke pika aye ti mozoko so David aleke ndali ti KOTA GBIA; ala yeke sepela KOTA GBIA, alingbi na bia so David azia na ala; ala tene: “Biani, nzoni be ti lo angba kpu na kpu!” Awayango-sandaga aluti na dawa ti ala si ala yeke huru atatalita; azo ti Israel kue aluti na nduzu.

Abia (Psaumes) 149:3

Ayeke nzoni ala dodo ti sepela iri ti lo; ala pika ngo na kundi ti gonda lo.

Abia (Psaumes) 50:1

Bia ti Asaf. Nzapa, *KOTA GBIA Nzapa atene tënë: Ti londo na mbage so lâ ayeke londo daa ngbii asi na mbage so lâ ayeke kui daa, lo iri dunia kue ti ga.

Abia (Psaumes) 62:1

Bia so ayeke ndali ti makonzi-bia; a leke ni na kode ti Yedutun. Bia ti David.

Abia (Psaumes) 68:25

O Nzapa, azo abaa molongo ti azo ti mo so aso benda, molongo ti azo ti Nzapa ti mbi, Gbia ti mbi, ala yeke na ndo ti mo so ayeke nde si ayeke nzoni kue.

Abia (Psaumes) 88:1

Bia ti azo ti Kore; bia so ayeke ndali ti makonzi-bia. A he ni na ngoli. Bia ti Heman, zo ti mara ti Ezrahi. Bia ti fango ye na zo.

Abia (Psaumes) 92:3

Ayeke nzoni mingi titene a fa nzoni be ti mo na azo na kota ndaperere, titene a fa na azo na bi so mo yeke bata tënë ti yanga ti mo.

Aye so Nzapa afa 15:6

A-ange mbarambara so agbu aye ti sioni mbarambara na maboko ti ala, alondo na ya ti kota da ti Nzapa, asigigi. Ala yu bongo so a sara na *len ti nzoni ni so aza zango si ala kanga na kate ti ala kamba ti ndö ti bongo so a sara na lôro.

Aye so Nzapa afa 19:8

A mu na lo pendere bongo ti *len so ayeke za zango si ayeke *nzoni titene lo yu ni.” (Bongo ti len ni ayeke aye ti mbirimbiri so azo ti Nzapa asara.)