2 Mbai 5:11 - Mbeti ti Nzapa - Tënë so amu fini

¹¹ Awayango-sandaga alondo na ndo so ayeke nde si ayeke nzoni kue si ala sigigi. Awayango-sandaga so kue ayeke daa na ngoi ni so *asukula sioni ti ala, me na lege ti molongo ti ala pepe.

2 Mbai 5:11 ပူးပေါင်းရင်းမြစ်များ

1 Mbai 15:14

Awayango-sandaga na azo ti mara ti Lévi *asukula sioni ti ala titene ala gue, ayo sanduku ti mbuki ti KOTA GBIA, Nzapa ti Israel.

2 Mbai 29:15

Ala bongbi a-ita ti ala, ala *sukula sioni ti ala. Na pekoni, gbia amu yanga na ala alingbi na tënë ti KOTA GBIA si ala ga na ya ti kota da ti KOTA GBIA ti zi *asioni ti da ni.

2 Mbai 29:34

Me wungo ti awayango-sandaga ni ayeke kete mingi ti zi poro ti anyama so kue a yeke mu na sandaga so a yeke gbi ni kue na wâ; nilaa a-ita ti ala, azo ti mara ti Lévi, amu maboko na ala ngbii kua ni ahunzi, ti ku titene ambeni wayango-sandaga *asukula sioni na tere ti ala si. Biani, azo ti mara ti Lévi aleke be ti ala ti sukula sioni ti ala ahon awayango-sandaga.

2 Mbai 29:5

Lo tene na ala, lo tene: “Ala azo ti mara ti Lévi, ala ma mbi si! Fadeso, ala zia tere ti ala nde ndali ti Nzapa, ala zia nga kota da ti KOTA GBIA, Nzapa ti akotara ti ala nde ndali ti Nzapa. Aye so kue ayeke *sioni na ya ti da so ayeke nde si ayeke nzoni kue so, ala zi ni.

2 Mbai 30:15

Na lango baleoko na osio ti use nze ni, ala fâ anyama ndali ti *matanga ti Pake. Kamene agbu awayango-sandaga na azo ti mara ti Lévi si ala *sukula sioni ti ala. Na pekoni, ala ya asandaga na ya ti kota da ti *KOTA GBIA.

2 Mbai 35:4

Ala leke tere ti ala na ya ti asewa na lege ti akete mara ti ala nga na lege ti abongbi ti kua ti ala, alingbi na ndia so David, gbia ti Israel na molenge ti lo Salomon asu na mbeti.

2 Mbai 35:6

Alingbi ala fâ anyama ndali ti matanga ti Pake; nilaa alingbi ala *sukula sioni ti ala si ala leke anyama ni ndali ti a-ita ti ala, azo ti Israel; ala sara ye alingbi na tënë ti KOTA GBIA, tënë so lo tene na lege ti Moïse.”

2 Mbai 5:12

Azo ti mara ti Lévi so ayeke azo ti hengo bia, Asaf, Heman, Yedutun, ala na amolenge ti ala nga na a-ita ti ala ayu abongo ti *len. Ala luti na tere ti gbalaka, na mbage ti To, ala gbu na maboko ti ala ngo, akota kundi na akete kundi. Awayango-sandaga ngbangbo oko na baleuse ayeke huru tatalita nduru na ala.

Mbeti ti Job 1:5

Tongana amatanga ni ahunzi awe, Job ayeke iri amolenge ti lo ni ti ga titene lo *sukula sioni ti ala. Na ndade ni, lo yeke londo na kota ndaperere si lo mu *sandaga so a yeke gbi ni kue na wâ ndali ti zo oko oko. Lo yeke tene na be ti lo, lo tene: “Mbi hinga pepe, amolenge ti mbi asara siokpari, wala ala zonga Nzapa na be ti ala.” Ye so Job ayeke sara lakue laa!

Sigingo 19:10

KOTA GBIA akiri atene na Moïse: “Gue na mbage ti azo ni, mo tene na ala titene ala *sukula sioni ti ala laso nga na kekereke; ala sukula nga abongo ti ala.