2 Mbai 5:1 - Mbeti ti Nzapa - Tënë so amu fini

¹ So Salomon ahunzi ti sara kota da ti *KOTA GBIA kue awe, lo tene na azo ti ga na aye so babâ ti lo David azia ando nde ndali ti KOTA GBIA so: wen ti nginza, lôro na akungba kue; lo zia aye ni na ya ti kubu so ayeke bata ka amosoro ti da ti Nzapa daa.

2 Mbai 5:1 ပူးပေါင်းရင်းမြစ်များ

2 Samuel 8:11

Gbia David azia aye so nde ndali ti KOTA GBIA, tongana ti so lo zia lani nde wen ti nginza nga na lôro so lo gbu na maboko ti amara so kue lo kinda ala:

1 Agbia 7:39

Lo zia apusu oku na asembe ni na tere ti kota da ti *KOTA GBIA, na mbage ti maboko ti koli. Lo zia nga apusu oku na mbage ti maboko ti wali. Ngbongboro sembe ni, lo zia ni na tere ti kota da ni na mbage ti maboko ti koli, na mbage ti Mbongo-To.

1 Agbia 7:51

So gbia Salomon ahunzi ti sara kota da ti *KOTA GBIA kue awe, lo tene na azo ti ga na aye so babâ ti lo David azia ando nde ndali ti KOTA GBIA so: wen ti nginza, lôro na akungba; lo zia aye ni na ya ti kubu so ayeke bata ka amosoro ti da ti KOTA GBIA daa.

1 Mbai 18:11

Gbia David azia aye so nde ndali ti KOTA GBIA; lo bongbi ni na wen ti nginza nga na lôro so lo gbu na maboko ti amara kue: azo ti mara ti Edom, ti Moab, ti Amon, ti Filistii na ti Amalek.

1 Mbai 22:14

Mbi baa pasi mingi ti bongbi aye so ndali ti kua ti da ti KOTA GBIA: kilo kutu ota ti lôro, kilo kutu baleota ti wen ti nginza, bengba wen na wen so zo alingbi ti diko ni pepe. Mbi bongbi nga akeke na atêne. Mo lingbi ti zia ambeni ye na ndö ni.

2 Mbai 4:22

aye ti mingongo na wâ ti alamba, akangu, adu ti sembe na akete ta ti zongo na dukani, a sara ni na lôro ti nzoni ni. Yanga ti kota da ti Nzapa na ayanga ti da ti ya ni so a yeke hon daa ti gue na ndo so ayeke nde si ayeke nzoni kue ahon atanga ni, a sara ni na lôro.