2 Mbai 4:7 - Mbeti ti Nzapa - Tënë so amu fini

⁷ A sara agere ti lamba baleoko na lôro alingbi na kode ni. A zia ni na ya ti kota da ti Nzapa: oku na mbage ti maboko ti koli, oku na mbage ti maboko ti wali.

2 Mbai 4:7 ပူးပေါင်းရင်းမြစ်များ

1 Agbia 7:39

Lo zia apusu oku na asembe ni na tere ti kota da ti *KOTA GBIA, na mbage ti maboko ti koli. Lo zia nga apusu oku na mbage ti maboko ti wali. Ngbongboro sembe ni, lo zia ni na tere ti kota da ni na mbage ti maboko ti koli, na mbage ti Mbongo-To.

1 Agbia 7:49

agere ti lamba baleoko ayeke na lôro ti nzoni ni, oku ayeke na mbage ti maboko ti koli si oku ayeke na mbage ti maboko ti wali; a zia agere ti lamba ni na dawa ti ndo so ayeke nde si ayeke nzoni kue ahon atanga ni; akongo, alamba na aye ti zingo azende na tere ti ameshe ti alamba ni, aye ni kue ayeke gi na lôro;

1 Mbai 28:12

Lo mu nga na Salomon mbeti so afa kode ti ambeni ye so lo leke na be ti lo ti sarango ni: ya ti gbagba ti kota da ti *KOTA GBIA, ada so angoro tere ti ya ti gbagba ni, akubu so a yeke bata amosoro ti kota da ti Nzapa daa nga na akubu so a yeke bata aye so a zia ni nde ndali ti Nzapa daa.

1 Mbai 28:14

Na pekoni, lo fa na Salomon nengo ti lôro so alingbi ti leke na asembe ti lôro nga na nengo ti wen ti nginza so alingbi ti leke na asembe ti wen ti nginza; aye so kue ayeke ti sara na akua nde nde ti kota da ni.

1 Mbai 28:15

David afa na lo nengo ti agere ti lamba na alamba so a leke na lôro nga na wen ti nginza. Lo fa nga kua so a yeke sara na gere ti lamba oko oko kue.

1 Mbai 28:19

Tongaso David atene: “Aye so kue ayeke na ya ti mbeti so mbi wara na maboko ti KOTA GBIA; mbeti so afa akode oko oko ti sarango na aye ni.”

Jean 8:12

Jésus akiri atene na gba ti azo ni, atene: “Mbi yeke lumiere ti dunia so. Zo so amu peko ti mbi, fade lo yeke tambula na ya ti vukongo ndo pepe, me lo yeke wara lumiere so ayeke mu fini na zo.”

Ahebro 8:5

Kua so ala yeke sara ayeke gi tongana limo ti aye so ayeke na yayu. Ye ni ayeke legeoko tongana ye so asi na Moïse na ngoi so lo ye ti leke da ti bongo. Nzapa atene na lo: “Fade mo yeke sara kue ti sara ye ni alingbi gi na kode so mbi fa na mo na li ti hoto so.”

Aye so Nzapa afa 1:20

Atongoro mbarambara so mo baa na maboko ti mbi ti koli si nda ni angba na hondengo ni so, na agere ti lamba mbarambara so a sara ni na lôro so, nda ni ayeke tongaso: atongoro mbarambara so ayeke *a-ange ti a-Eglize mbarambara ni; agere ti lamba mbarambara so ayeke a-Eglize mbarambara ni.”