2 Mbai 4:22 - Mbeti ti Nzapa - Tënë so amu fini

²² aye ti mingongo na wâ ti alamba, akangu, adu ti sembe na akete ta ti zongo na dukani, a sara ni na lôro ti nzoni ni. Yanga ti kota da ti Nzapa na ayanga ti da ti ya ni so a yeke hon daa ti gue na ndo so ayeke nde si ayeke nzoni kue ahon atanga ni, a sara ni na lôro.

2 Mbai 4:22 ပူးပေါင်းရင်းမြစ်များ

1 Agbia 6:35

Na le ti aye ti kangango na yanga ti kota kubu ni, a de alimo ti asheruben, ti amaboko ti mburu na ti akongo so ya ni azi zingo. A zia lôro na ndö ti alimo so a de ni dengo so.

1 Agbia 7:50

adu ti sembe, aye ti mingongo na wâ, adu ti sembe so a tuku mene daa ti fi na tere ti aye, akete ta ti zongo na dukani, aye so kue ayeke na lôro ti nzoni ni; awen ti agere ti ayanga ti kubu so iri ni “Ndo so ayeke nde si ayeke nzoni kue ahon atanga ni” nga na awen ti agere ti ayanga ti kota kubu ni, aye ni kue ayeke gi na lôro.

2 Agbia 12:13

amason na azo ti dengo tere ti têne; ala yeke mu nga nginza ni ti vo na akeke nga na atêne so a de tere ni dengo, ti vo na aye so kue ala lingbi ti leke na kota da ni.

2 Agbia 25:14

Ala mu nga aye so kue a sara na bengba wen si a yeke sara na kua na ya ti kota da ti Nzapa, ague na ni; aye ni ayeke tongana: ata so a yeke zia mburu ti wâ daa, apao, aye ti mingongo na wâ nga na akopo.

2 Mbai 4:21

Akongo ni, alamba ni na aye ti zingo na zende na tere ti ameshe ti lamba ni kue, a sara ni na pendere lôro ti nzoni ni,

2 Mbai 5:1

So Salomon ahunzi ti sara kota da ti *KOTA GBIA kue awe, lo tene na azo ti ga na aye so babâ ti lo David azia ando nde ndali ti KOTA GBIA so: wen ti nginza, lôro na akungba kue; lo zia aye ni na ya ti kubu so ayeke bata ka amosoro ti da ti Nzapa daa.

Sigingo 25:38

Aye ti zingo na zende na tere ti ameshe ti lamba ni nga na akete sembe so a yeke tuku amburu ti wâ daa, fade ala yeke sara ni na lôro ti nzoni ni.

Sigingo 27:3

Ala yeke sara agbakuru ti gbalaka ni kue na bengba wen: ata so a yeke tuku mburu ti wâ ti mafuta ti anyama daa, apao, adu ti sembe so a yeke zia mene ti anyama daa, afurshete nga na akete ta ti zongo na dukani.

Sigingo 37:23

Lo mu lôro ti nzoni ni, lo sara na lamba mbarambara, aye ti zingo na zende na tere ti ameshe ti lamba ni nga na akete sembe so a yeke tuku amburu ti wâ daa.

Jérémie 52:18

Ala mu nga aye so kue a sara na bengba wen si a yeke sara na kua na ya ti kota da ti Nzapa, ague na ni; aye ni ayeke tongana: ata so a yeke zia mburu ti wâ daa, apao, aye ti mingongo na wâ, adu ti sembe so a yeke tuku mene daa ti fi na tere ti aye nga na akopo.

Ezekiel 41:24

Akeke ti yanga ti da ni oko oko ayeke use si ayeke turne turnengo na tere ti yanga ni.