2 Mbai 4:20 - Mbeti ti Nzapa - Tënë so amu fini

²⁰ agere ti lamba na alamba ti ala so a yeke zia wâ daa na dawa ti da so ayeke nde si ayeke nzoni kue ahon atanga ni; a sara ni kue na lôro ti nzoni ni, alingbi na kode ni.

2 Mbai 4:20 ပူးပေါင်းရင်းမြစ်များ

1 Agbia 6:5

A sara ambeni da ota so ayeke na ndö ti tere, na ndö ti tere. A sara ada ni na tere ti adere ti kota kubu ni nga na tere ti adere ti kubu so ayeke na ngbonda ni kâ, ti londo na mbeni mbage ni, angoro ngbii asi na mbeni mbage ni.

1 Agbia 8:6

Na pekoni, awayango-sandaga aga na sanduku ti mbuki ti KOTA GBIA na ya ti kota da ti Nzapa, na ndo so ayeke nde si ayeke nzoni kue ahon atanga ni, na gbe ti *akpangi ti *asheruben.

2 Mbai 13:11

Lakue na ndaperere nga na lakui, ala yeke ya na KOTA GBIA *asandaga so a yeke gbi ni kue na wâ, ala yeke zö na lo dukani so fion ni anzere na lo, ala yeke zia mapa so a mu na Nzapa na ndö ti meza so ayeke *nzoni si lakue na lakui, ala yeke za wâ na ya ti alamba so ayeke na ndö ti gere so a sara na lôro. Ti e, e yeke sara kua na KOTA GBIA, Nzapa ti e. Me ti ala, ala zia lo awe.

2 Mbai 4:21

Akongo ni, alamba ni na aye ti zingo na zende na tere ti ameshe ti lamba ni kue, a sara ni na pendere lôro ti nzoni ni,

2 Mbai 4:7

A sara agere ti lamba baleoko na lôro alingbi na kode ni. A zia ni na ya ti kota da ti Nzapa: oku na mbage ti maboko ti koli, oku na mbage ti maboko ti wali.

2 Mbai 5:7

Na pekoni, awayango-sandaga aga na sanduku ti mbuki ti KOTA GBIA na ya ti kota da ti Nzapa, na ndo so ayeke nde si ayeke nzoni kue ahon atanga ni, na gbe ti *akpangi ti *asheruben.

Abia (Psaumes) 28:2

Ayeke nzoni mo ma toto ti mbi, tongana mbi iri mo ti mu maboko na mbi, tongana mbi yo maboko ti mbi na nduzu na mbage ti ndo ti mo so ayeke nde si ayeke nzoni kue ahon atanga ni.