2 Mbai 4:2 - Mbeti ti Nzapa - Tënë so amu fini

² A kporo bengba wen si a sara na ngbongboro sembe. Ti londo na yanga ni ti si na mbeni yanga ni, yongo ni ayeke metere oku. Ti londo na ngbonda ni ti si na yanga ni na nduzu, yongo ni ayeke metere use na ndambo. Tongana a gboto kamba na yanga ni angoro na ni atengbi, alingbi metere baleoko na oku.

2 Mbai 4:2 ပူးပေါင်းရင်းမြစ်များ

2 Agbia 25:13

Azo ti Babilone akungbi na sese ayongoro gere ti da so ayeke na bengba wen si ayeke na yanga ti kota da ti Nzapa so. Ala fâ gere ti akete pusu na ngbongboro sembe so a sara na bengba wen si a zia na ya ti gbagba ti kota da ti KOTA GBIA so. Ala mu bengba wen so kue ague na ni na Babilone.

1 Mbai 18:8

Lo mu nga gba ti bengba wen so ayeke na Tibat na Kun, agbata use ti kodro-gbia ti Hadadezer. Na pekoni, Salomon amu bengba wen ni si lo leke na mbeni ngbongboro sembe, angbongboro yongoro gere ti da nga na aye nde nde so a sara na bengba wen.

2 Mbai 4:3

Na gbe ti yanga ti ngbongboro sembe ni, a leke limo ti abagara angoro tere ni kue. Molongo ti alimo ni ayeke use; na ya ti metere oko oko, abagara ayeke baleuse, baleuse. A kporo bengba wen si a leke na alimo ni legeoko na sembe ni.

Sigingo 38:3

Lo sara agbakuru ti gbalaka ni kue na bengba wen: ata so a yeke tuku mburu ti wâ ti mafuta daa, apao, adu ti sembe so a yeke zia mene ti anyama daa, afurshete nga na akete ta ti zongo na dukani.

Sigingo 38:8

Na pekoni, lo mu bengba wen, lo sara na mbeni kota sembe; lo sara nga gere ni na bengba wen. Lo mu tatara ti awali so ayeke sara kua na yanga ti da ti bongo so Nzapa na azo ti lo ayeke wara tere daa si lo sara na kota sembe ni.

Zakarii 13:1

“Na lango ni so, fade mbeni li ti ngu ayeke sigigi ti sukula asiokpari na asioni ti *ahale ti David na ti azo ti Jérusalem.”

Tite 3:5

lo soo e na kuâ. Mbeni ye ti nzoni so e wani, e sara na lege ti mbirimbiri ti e titene lo soo e ndali ni ayeke daa pepe, me lo soo e, ngbanga ti so lo baa mawa ti e. Lo soo e, lo sukula e na lege ti Yingo-Vuru so asara si e ga fini zo si e wara fini kode ti dutingo ni.

Aye so Nzapa afa 7:14

Mbi kiri tënë na lo, mbi tene: “Kota zo, mo laa mo hinga.” Lo kiri tënë na mbi: “Ala yeke azo so a sara ngangu mingi na ala na ngoi ti aye ti ngangu. Ala sukula bongo ti ala na ya ti mene ti Molenge ti Taba, ala sara si bongo ni avuru.”