2 Mbai 36:9 - Mbeti ti Nzapa - Tënë so amu fini

⁹ Yoakin ayeke na ngu na miombe si lo ga gbia; lo le-gbia nze ota na lango baleoko na Jérusalem. Lo sara ye so ayeke sioni na le ti KOTA GBIA.

2 Mbai 36:9 ပူးပေါင်းရင်းမြစ်များ

Jérémie 22:24

“Fade mo yeke tene na Konia, molenge ti Yoakim, gbia ti Juda, mo tene: ‘Fini ti mbi! Ataa mo yeke fade tongana *ye ti kpongo na nzoroko so a yeke kpo na ndö ti mbeti si mbi zia na maboko ti mbi ti koli, ka mbi yeke gboto mo ti zi mo na li ti maboko ti mbi; so tënë ti yanga ti KOTA GBIA laa.

Jérémie 29:2

Lo tokua mbeti ni na peko ti so gbia Yekonia, na gbia-wali, na akota zo ti yangbo ti gbia, akota zo ti sese ti Juda na ti Jérusalem, azo ti pikango ndao nga na azo ti sarango ye na kode alondo na Jérusalem awe.

Jérémie 37:1

Nabukodonosor, gbia ti Babilone amu Sedesias, mbeni molenge ti Yosias, azia lo gbia na kodro ti Juda. Tongaso Sedesias amu mbata ti gbia na peko ti Konia, molenge ti Yoakim.

Ezekiel 19:6

Lo tambula na popo ti abamara si lo ga ngangu bamara. Lo manda ti suru ya ti nyama si lo te azo.