2 Mbai 34:2 - Mbeti ti Nzapa - Tënë so amu fini

² Lo sara ye so ayeke mbirimbiri na le ti *KOTA GBIA. Lo mu peko ti sarango ye ti kotara ti lo David; lo zia lege ni ti hon mbage na mbage pepe.

2 Mbai 34:2 ပူးပေါင်းရင်းမြစ်များ

1 Agbia 14:8

Mbi zi mbata ti gbia na gbe ti azo ti sewa ti David, mbi mu na mo. Me mo sara ye tongana zo ti kua ti mbi David pepe; lo so lo sara ye alingbi na andia ti mbi, lo mu peko ti mbi na be ti lo kue si lo sara ye so ayeke mbirimbiri na le ti mbi.

1 Agbia 15:5

Biani, David asara ando ye so ayeke mbirimbiri na le ti KOTA GBIA. Na lango so kue lo ngba na fini, aye so kue KOTA GBIA amu yanga na lo ti sarango ni, lo ke ti sara ni laoko pepe. Me sioni ye oko so lo sara ni ayeke tënë ti Urii, zo ti mara ti Het.

2 Agbia 22:2

Yosias asara ye so ayeke mbirimbiri na le ti *KOTA GBIA. Lo mu taa gi peko ti sarango ye ti kotara ti lo David; lo zia lege ni ti hon mbage na mbage pepe.

2 Mbai 14:2

Lo zi agbalaka ti anzapa ti awande nga na ando so azo aleke na ndö ti ahoto si ala yeke voro anzapa nde daa; lo kungbi na sese angbongboro têne so azo aleke si aluti na nduzu, lo fâ ya ti akeke so ala leke si aluti na nduzu ndali ti nzapa-wali *Ashera.

2 Mbai 17:3

*KOTA GBIA ayeke na Yosafat, ngbanga ti so lo mu peko ti akozo sarango ye ti kotara ti lo David. Lo gue na peko ti anzapa *Baal pepe.

2 Mbai 17:4

Me lo gi KOTA GBIA, Nzapa ti kotara ti lo, lo sara ye alingbi na atënë ti ndia ti Nzapa, lo sara ye tongana ti azo ti Israel pepe.

2 Mbai 29:2

Ezekias asara ye so ayeke mbirimbiri na le ti *KOTA GBIA gi tongana ti David, kotara ti lo.

2 Mbai 34:3

Na ya ti ngu miombe so Yosias ale-gbia, so lo de maseka, lo to nda ti gi Nzapa ti kotara ti lo David. Na ngu baleoko na use ni, lo to nda ti sara si Juda na Jérusalem aga *nzoni: lo zi ando so azo aleke na ndö ti ahoto ti voro anzapa nde daa, akeke so a leke si aluti na nduzu ndali ti nzapa-wali *Ashera nga na ayanda so a leke na keke na ayanda so a kporo wen si a leke na ni.

Amato 4:27

Mo zia lege ni ti hon mbage na mbage pepe; mo kpe lege ti sioni ye.

Ndia ti fani use ni 17:11

Yanga so azo ni ayeke mu na ala na ngbanga so ala yeke fâ ni, fade ala, azo ti Israel, ala yeke sara ye alingbi na ni. Ya ti ngbanga so azo ni afâ, ala yeke zia ni ti hon mbage na mbage pepe.

Ndia ti fani use ni 17:20

Fade ayeke sara si lo baa tere ti lo pepe tongana kota zo so ahon a-ita ti lo. Lo yeke zia lege ti atënë ti ndia ni pepe ti hon mbage na mbage. Lo na *ahale ti lo ayeke ngba ti sara komandema na ndö ti azo ti Israel aninga.

Ndia ti fani use ni 28:14

alege so mbi fa na ala, fade ala yeke zia ni ti hon mbage na mbage pepe, ala yeke mu peko ti ambeni nzapa nde pepe ti voro ala.

Ndia ti fani use ni 5:32

Moïse akiri atene na azo ti Israel, atene: Ala sara kue ti sara ye alingbi na ye so KOTA GBIA Nzapa ti ala amu yanga na ala ti sarango ni; ala zia ni, ahon mbage na mbage pepe.

Josué 1:7

Biani, gbu ngangu, mo sara ye ti koli; mo sara ye alingbi na *Ndia so kue Moïse, zo ti kua ti mbi, afa na mo. Mo zia lege ti Ndia ni ti gue mbage na mbage pepe; tongaso si na ndo so kue mo yeke gue daa, aye so kue mo yeke sara, fade ayeke ga nzoni.

Josué 23:6

Me gi ye oko, ala mu be ti ala kue ti sara ye alingbi na tënë so kue a su na ya ti mbeti ti *Ndia ti Moïse. Ala zia lege ni ti gue mbage na mbage pepe.