2 Mbai 33:2 - Mbeti ti Nzapa - Tënë so amu fini

² Lo sara ye so ayeke sioni na le ti *KOTA GBIA. Lo mu gi peko ti sioni sarango ye ti amara so KOTA GBIA atumba ala na ya ti kodro ni si lo mu kodro ni na azo ti Israel; sioni sarango ye so zo alingbi ti baa na le ti lo fani use pepe.

2 Mbai 33:2 ပူးပေါင်းရင်းမြစ်များ

2 Agbia 17:11

Na ando so kue ala leke na ndö ti ahoto titene ala voro anzapa nde daa, ala zö dukani tongana amara nde so KOTA GBIA atumba ando ala na dawa ti azo ti Israel so. Ala sara asioni ye mingi ti zia ngonzo na be ti KOTA GBIA.

2 Agbia 17:15

Ala ke andia ti KOTA GBIA, ala ke tënë ti *mbuki so lo sara na akotara ti ala, ala ke awango so lo mu na ala. Ala mu peko ti afungo nzapa si ala wani aga ye so afun awe. Ala mu peko ti sarango ye ti amara so alango nduru na ala, ataa so KOTA GBIA ake na azo ti Israel titene ala sara ye pepe tongana ti amara so.

2 Agbia 21:2

Lo sara ye so ayeke sioni na le ti *KOTA GBIA. Lo mu gi peko ti asioni sarango ye ti amara so KOTA GBIA atumba ala na ya ti kodro ni si lo mu kodro ni na azo ti Israel; sioni sarango ye so zo alingbi ti baa na le ti lo fani use pepe.

2 Agbia 21:9

Me azo ti Juda ama yanga ti KOTA GBIA pepe. Manase apusu ala titene ala kiri asara sioni ahon amara so KOTA GBIA afâ ando ala kue kue kue na dawa ti azo ti Israel so.

2 Mbai 28:3

Lo wani, lo zö dukani na popo-hoto ti Molenge ti Hinom si lo gbi amolenge ti lo ti koli na wâ ti mu na *sandaga. Lo mu peko ti asioni sarango ye ti amara nde, asioni ye so zo alingbi ti baa na le ti lo fani use pepe. Ando KOTA GBIA atumba amara ni na ndö ti sese ni si lo mu na azo ti Israel.

2 Mbai 33:22

Lo sara ye so ayeke sioni na le ti *KOTA GBIA tongana ti babâ ti lo Manase. Amon amu *sandaga na ayanda so kue babâ ti lo Manase aleke si lo voro nga ayanda ni.

2 Mbai 36:14

Amakonzi kue ti awayango-sandaga na amakonzi ti azo ti kodro akiri asara sioni mingi ahon ndoni. Ala mu gi peko ti asioni sarango ye ti amara nde, asioni ye so zo alingbi ti baa na le ti lo fani use pepe. Ala sara si kota da ti KOTA GBIA aga *sioni, da so KOTA GBIA azia nde ndali ti lo si ayeke na Jérusalem so.

Esdras 9:14

Fade e yeke kiri ti ke atënë ti ndia ti mo tongana nyen? E lingbi ti sara songo na lege ti mungo tere koli na wali na azo so sarango ye ti ala ayeke sioni mingi so tongana nyen? Tongana e sara tongaso, fade ngonzo ti mo ayeke londo na tere ti e si mo fâ e kue kue kue ti hunzi e pepe?

Jérémie 15:4

Tongaso, fade akodro-gbia kue ti sese ayeke do na kota mbeto na bango azo ni. Andaa, so ayeke gi peko ti sioni so Manase, molenge ti Ezekias, gbia ti Juda asara lani na Jérusalem laa.”

Ezekiel 11:12

Tongaso, fade ala yeke hinga atene, mbi laa mbi yeke KOTA GBIA, mbi so ala ke ti sara ye alingbi na aye so mbi fa, ala ke ti sara ye alingbi na atënë ti ndia ti mbi. Me ala mu gi peko ti lege ti sarango ye ti amara nde so angoro ala.”

Ndia ti fani use ni 12:29

Moïse atene: Na dawa ti ala, fade *KOTA GBIA Nzapa ti ala, azo ti Israel, ayeke fâ azo ti amara nde so ala yeke li ande na sese ti ala. Ala yeke tumba amara ni si ala yeke duti na sese ni na peko ti azo ni.

Ndia ti fani use ni 12:31

Ala azo ti Israel, tongana ala yeke voro KOTA GBIA Nzapa ti ala, alingbi ala sara ye tongana ti amara ni so pepe. Biani, amara ni so ayeke sara asioni ye nde nde na nzapa ti ala, asioni ye so zo alingbi ti baa na le ti lo fani use pepe, aye so be ti KOTA GBIA ake ni: azo ni amu amolenge ti ala ti koli na ti wali ti gbi ala na wâ ti mu na *sandaga na anzapa ti ala nga!

Ndia ti fani use ni 18:14

Amara so ala yeke gue ti tumba ala ti mu sese ti ala, ayeke ma azo ti bango nda ti aye na azo ti yoro. Me ti ala, azo ti Israel, KOTA GBIA Nzapa ti ala ake titene ala sara ye tongaso.

Ndia ti fani use ni 18:9

Moïse atene: Tongana ala li ande na sese so *KOTA GBIA amu na ala, fade ala yeke manda sioni sarango ye ti amara ni so pepe; sioni sarango ye so zo alingbi ti baa na le ti lo fani use pepe so.