2 Mbai 32:8 - Mbeti ti Nzapa - Tënë so amu fini

⁸ Ngangu ti gbia ni ayeke gi ngangu ti zo; me ngangu ti e ayeke KOTA GBIA, Nzapa ti e so ayeke mu maboko na e si lo yeke tiri bira ndali ti e.” Azo ni aluti na ndö ti tënë ti Ezekias, gbia ti Juda.

2 Mbai 32:8 ပူးပေါင်းရင်းမြစ်များ

2 Agbia 18:5

Ezekias azia be ti lo gi na ndö ti KOTA GBIA, Nzapa ti Israel. Na popo ti agbia ti Juda kue, ala so aga kozo ti lo, wala ala so aga na peko ti lo, mbeni gbia tongana lo ayeke daa pepe.

2 Agbia 6:16

Élisée akiri tënë: “Sara mbeto pepe! Ala so ayeke na e ayeke mingi ahon ala so ayeke na ala.”

1 Mbai 5:22

Ala fâ awato ti ala mingi, ngbanga ti so bira ni ayeke ti Nzapa. Ala sara kodro na sese ti azo ti mara ti Hagri, ala duti na ndo ni ngbii asi na ngoi so a gbu ala a gue na ala na kodro wande.

2 Mbai 13:12

Fadeso, Nzapa wani ayeke makonzi ti e; awayango-sandaga ti lo ayeke na e, ala yeke na li ti e, ala yeke na atatalita ti huru ni si e yeke dekongo ti bira na li ti ala, azo ti Israel. Ala tiri bira na KOTA GBIA, Nzapa ti akotara ti ala pepe, ngbanga ti so ala lingbi ti so benda pepe.”

2 Mbai 14:10

Asa adekongo na KOTA GBIA, Nzapa ti lo, lo tene: “KOTA GBIA, mo lingbi ti mu maboko na zo so ayeke na ngangu pepe nga na zo so ayeke na ngangu. KOTA GBIA, Nzapa ti e, ga, mo mu maboko na e maa! Biani, e luti na ndö ti mo. Na iri ti mo laa e ga ti tiri bira na gba ti aturugu so. KOTA GBIA, Nzapa ti e, sara si mbeni zo ahon ndö ti mo pepe.”

2 Mbai 14:11

KOTA GBIA akinda azo ti Etiopii na dawa ti Asa nga na dawa ti aturugu ti Juda; aturugu ti Etiopii akpe.

2 Mbai 16:7

Na ngoi ni so, Hanani, zo ti bango nda ti aye aga awara Asa, gbia ti Juda si lo tene na lo: “Mo zia be ti mo na *KOTA GBIA, Nzapa ti mo pepe; me mo zia be ti mo na gbia ti Sirii. Ndani laa aturugu ti gbia ti Sirii akpe na maboko ti mo.

2 Mbai 20:15

Yaziel atene: “Ala azo ti Juda kue, ala na azo ti Jérusalem kue na mo gbia Yosafat, ala ma tënë so nzoni. Tënë so KOTA GBIA atene na ala ayeke so: ‘Ala sara mbeto pepe, mbeto ti gba ti aturugu so asara ala pepe! Biani, bira ni ayeke ti ala pepe, me ti Nzapa.

2 Mbai 20:17

Tiringo bira ni ayeke ti ala pepe. Ala, azo ti Juda na ti Jérusalem, ala gue kâ, ala luti kpoo, ala kue ayeke baa lege so KOTA GBIA ayeke soo ande ala na kuâ. Ala sara mbeto pepe, ala zia mbeni ye azia mbeto na be ti ala pepe. Kekereke, ala gue na mbage ti awato ni; fade KOTA GBIA ayeke na ala.’ ”

2 Mbai 20:20

Na kota ndaperere, azo kue alondo ti gue na benyama ti Tekoa. Na guengo ti ala, Yosafat aluti na nduzu si lo tene na ala: “Azo ti Jérusalem na azo ti Juda, ala ma mbi si! Ayeke nzoni ala zia be ti ala na ndö ti KOTA GBIA, Nzapa ti ala si fade ala yeke wara ngangu. Ala zia be ti ala na ndö ti azo ti tenengo peko ti yanga ti lo si fade ala yeke so benda.”

2 Mbai 32:15

Fadeso, ala zia Ezekias ahanda pepe, lo pusu ala na ya ti ye tongaso pepe! Ala zia be ti ala na ndö ti lo pepe, ngbanga ti so mbeni nzapa oko ti amara nde wala ti mbeni kodro-gbia alingbi ti zi azo ti lo na maboko ti mbi wala na maboko ti ababâ ti mbi pepe. Biani, fade nzapa ti ala ayeke zi ala na maboko ti mbi pepe.’ ”

Mbeti ti Job 40:9

Ngangu ti maboko ti mo alingbi na ti mbi Nzapa? Go ti mo atoto alingbi na sungbango ti bekpa ti mbi?

Abia (Psaumes) 118:8

Titene zo akpe na KOTA GBIA ti bata tere ti lo, so ayeke nzoni ahon titene lo zia be ti lo na ndö ti azo!

Abia (Psaumes) 20:7

Fadeso mbi hinga awe: KOTA GBIA ayeke mu ngangu na zo so lo tuku mafuta na li ti lo ti zia lo gbia. Kâ na yayu, nzoni ndo ti lo, lo kiri tënë na gbia; na lege ti ngangu ti lo, lo sara akota ye ti soo lo.

Abia (Psaumes) 46:11

KOTA GBIA adekongo, atene: “Ala zia bira! Ayeke nzoni ala hinga so mbi yeke Nzapa! Mbi hon ndö ti amara kue, mbi hon ndö ti azo ti dunia kue.”

Abia (Psaumes) 46:7

Amara asara wusuwusu, akodro ti agbia ayingi; Nzapa atene tënë na kota go si sese aga tongana ngu.

Sigingo 4:31

Azo ti Israel ayeda na tënë ni si ala hinga atene, KOTA GBIA ayeke ga ti mu maboko na ala, ngbanga ti so lo baa lege so ala baa pasi. Tongaso, ala kuku akpo li ti ala na sese ti voro lo.

Amato 12:25

Gingo be asara si be ti zo awoko; me nzoni tënë asara si be ti lo asi singo na ngia.

Ésaïe 30:32

Pika oko oko so KOTA GBIA ayeke pika ala, a yeke pika ngo na kundi na gbe ni. Tongana lo yeke yingi maboko ti lo, lo yeke tiri bira na ala.

Ésaïe 31:3

Azo ti Ezipte ayeke gi asenge zo, ala yeke anzapa pepe; ambarata ti ala ayeke gi anyama, ala yeke yingo pepe. Tongana *KOTA GBIA ayoro maboko ti lo, zo so aye fade ti mu maboko na mba ti lo ayeke pika gere ti lo ti ti, zo so ahunda fade titene mba ti lo amu maboko na lo, lo yeke ti; ala use kue ayeke kui.

Ésaïe 36:18

Ala zia Ezekias ahanda ala pepe, atene: Fade KOTA GBIA ayeke zi e! Anzapa ti amara nde, mbeni oko awara lege ti zi kodro ti lo wani na maboko ti gbia ti Asirii awe?

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Ésaïe 8:10

Ala leke apialo ma, fade ayeke li ngu. Ala tene tënë mingi mingi ma, fade a yeke sara ye oko pepe, ngbanga ti so Nzapa ayeke na e.

Jérémie 17:5

Tënë so *KOTA GBIA atene ayeke so: “Deba aga na ndö ti zo so be ti lo ahon yongoro na mbi, lo so lo zia be ti lo na ndö ti azo si lo yeke gi ngangu ti lo na lege ti senge zo ti sese!

Jérémie 42:11

Fadeso ala kiri asara mbeto ti gbia ti Babilone pepe, lo so mbeto ti lo ahon ndö ti ala so. Ala sara mbeto ti lo pepe! So tënë ti yanga ti KOTA GBIA laa. Biani, mbi yeke na ala ti soo ala, ti zi ala na maboko ti lo.

Awatokua 18:10

ngbanga ti so mbi yeke na mo. Zo oko alingbi ti ndu mo wala ti sara sioni na mo pepe, ngbanga ti so mingi ti azo ti gbata so ayeke azo ti mbi.”

Ndia ti fani use ni 20:1

Moïse atene: Ala azo ti Israel, tongana ala yeke gue ande ti tiri bira na awato ti ala, tongana ala baa ambarata, na apusu ti mbarata nga na gba ti aturugu so ahon ti ala, alingbi ala sara mbeto pepe. Biani, *KOTA GBIA Nzapa ti ala so asara si ala sigigi na Ezipte ayeke na ala.

Ndia ti fani use ni 20:3

lo tene: “Aturugu ti Israel, ala ma! Laso, ala yeke gue ti tiri bira na awato ti ala. Ayeke nzoni ala luti tongana koli, ala sara mbeto pepe, li ti ala aga kirikiri pepe, tere ti ala ado na dawa ti awato ti ala ni pepe!

Ndia ti fani use ni 20:4

Biani, KOTA GBIA Nzapa ti ala ayeke tambula legeoko na ala, lo yeke tiri bira na awato ti ala ndali ti ala ti sara si ala, azo ti Israel, ala so benda.”

2 Timothée 4:17

Kota Gbia, lo wani ayeke lani na mbi, lo mu ngangu na mbi. Tongaso, mbi fa tënë ti lo kue si azo kue ti amara nde ama ni. Kota Gbia azi mbi na yanga ti bamara awe!

2 Timothée 4:22

Ayeke nzoni *Kota Gbia aduti na mo! Ayeke nzoni Nzapa asara nzoni be na ala!

Josué 10:42

Josué amu asese ni so nga na agbia ni gi na ya ti bira oko, ngbanga ti so KOTA GBIA, Nzapa ti Israel atiri bira ni ndali ti azo ti Israel.

1 Jean 4:4

Ti ala amolenge ti mbi, ala yeke azo ti Nzapa. Ala hon ndö ti awayanga-nzapa ti mvene so awe, ngbanga ti so Yingo so ayeke na ya ti ala ayeke ngangu ahon lo so ayeke na dunia so.

1 Samuel 17:45

David atene na zo ti Filistii ni: “Mo mu yongoro zeme na likongo nga na kota likongo ti ga ti tiri na mbi. Ti mbi, mbi yeke ga ti tiri na mo na iri ti KOTA GBIA so ngangu ti lo ahon angangu kue, Nzapa ti aturugu ti Israel so mo gi yanga ti lo so.