2 Mbai 32:5 - Mbeti ti Nzapa - Tënë so amu fini

⁵ Ezekias awara ngangu si lo kiri lo leke gbagba ti gbata ni na ando so adu akoro daa. Ada so ayo na nduzu, lo kiri lo leke ni titene ayo na nduzu ahon ti kozoni; lo sara mbeni gbagba nde na gigi ti kozo gbagba ni; lo leke nga ndo so iri ni Milo so ayeke na Gbata ti David; lo mu yanga si a sara na lo gba ti aye ti bira na *avala.

2 Mbai 32:5 ပူးပေါင်းရင်းမြစ်များ

2 Samuel 5:9

David aduti na ya ti ngangu gbagba ni; ndani laa lo di iri ti gbata ni “Gbata ti David”. Lo sara ambeni gbagba angoro ni, ti londo na ndo so a iri ni Milo, ngbii asi na mbage ti ya ti gbata ni.

1 Agbia 11:27

Lege so lo tomboka na tere ti gbia ayeke so: ye ni asi na ngoi so Salomon ayeke leke ndo so iri ni Milo si lo yeke kanga du ti gbagba ti Gbata ti David.

1 Agbia 9:24

Na peko ti so molenge ti Faraon ti wali alondo na Gbata ti David si lo gue na yangbo so Salomon asara ndali ti lo, Salomon aleke ndo so iri ni Milo.

2 Agbia 12:20

Tanga ti atënë na ndö ti Yoas na aye so kue lo sara, a su ni na ya ti “Mbeti ti aye so agbia ti Juda asara”.

2 Agbia 25:4

Tongaso azo akoro mbeni du na ya ti gbagba ti gbata ni. Na bi, aturugu ni kue akpe ahon. Ataa so azo ti Babilone angoro gbata ni kue, aturugu ni ahon na yanga ti gbagba so ayeke na popo ti agbagba use, nduru na tere ti kete yaka ti gbia. Na pekoni, ala mu lege so ague na popo-hoto ti Jourdain.

2 Mbai 12:1

So Roboam asara si lengo-gbia ti lo akpengba si lo ga ngangu awe, lo do *Ndia ti *KOTA GBIA, lo zia; azo ti Israel kue asara nga tongana lo.

2 Mbai 23:1

Na ngu mbarambara ni, wayango-sandaga Yoyada aye ti sara kpengba ye. Lo na amakonzi ti aturugu so ayeke na li ti aturugu ngbangbo oko asara *mbuki; amakonzi ti aturugu ni ayeke so: Azaria, molenge ti Yeroam; Ismael, molenge ti Yohanan; Azaria, molenge ti Obed; Maaseya, molenge ti Adaya na Elishafat, molenge ti Zikri.

2 Mbai 25:23

Na Bet-Shemesh, Yoas, gbia ti Israel agbu Amasia, gbia ti Juda, molenge ti Yoas, molenge ti Ahazia. Yoas ague na Amasia na Jérusalem. Yoas akungbi mbage ti gbagba ti Jérusalem nduru na metere ngbangbo use, alondo na yanga ti gbagba so iri ni Ti-Efraim ngbii asi na mbeni yanga ni so iri ni Ti-Ndangoro.

2 Mbai 26:8

Azo ti mara ti Amon ayeke futa lapo na Ozias. Sango ti Ozias ague ngbii asi na ayanga ti kodro ti Ezipte, ngbanga ti so lo ga ngangu gbia mingi.

2 Mbai 33:14

Na pekoni, Manase asara ngangu gbagba na tere ti Gbata ti David, na mbage ti gigi; gbagba ni ayo na nduzu mingi. Gbagba ni ahon na mbage ti Do, na ndo so li ti ngu ti Gihon ayeke daa, angoro vaka ti Ofel, ahon na popo-hoto ti Sedron, ague ngbii asi na yanga ti gbagba so iri ni Ti-asusu. Manase azia amakonzi ti aturugu na ya ti agbata ti Juda so kue ngangu gbagba ayeke na tere ni.

Amato 25:28

Zo so ayeke ngangu na lo titene lo kanga ngonzo ti lo, lo yeke tongana mbeni gbata so ngangu gbagba ayeke na tere ni pepe.

Jérémie 39:4

Gi so Sedesias, gbia ti Juda, na aturugu ti lo kue abaa azo ni, ala kpe ahon. Ala sigigi na ya ti gbata ti Jérusalem na bi; ala mu lege so ahon na ya ti kete yaka ti gbia nga na yanga ti gbagba so ayeke na popo ti agbagba use. Na pekoni, ala mu lege so ague na popo-hoto ti Jourdain.

Joël 2:8

Zo oko apusu mba ti lo pepe; zo oko oko atambula gi na ndö ti lege ti lo. Ala yeke hon hongo, ala kpe ale ti kokora pepe, mbeni ye ti kanga lege na ala ayeke daa pepe.

Awafango-ngbanga 9:6

Akota zo ti gbata ti Sishem na azo ti Bet-Milo kue abongbi tere ti ala. Ala gue na tere ti keke ti shene so ayeke na Sishem; keke ni ayeke na tere ti kota têne so a leke ni si aluti na nduzu. Kâ, ala mu Abimelek si lo ga gbia.