2 Mbai 32:31 - Mbeti ti Nzapa - Tënë so amu fini

³¹ Me tongana amakonzi ti Babilone atokua azo na Ezekias titene ala hunda tënë ti ye ti dongo be so asi na ya ti kodro ti lo, Nzapa ado Ezekias azia lo ti tara be ti lo, tongaso si lo hinga ye so kue ayeke na be ti Ezekias.

2 Mbai 32:31 ပူးပေါင်းရင်းမြစ်များ

Tongo nda ti aye 22:1

Na peko ti aye so, Nzapa atara be ti Abraham. Lo iri lo, lo tene: “Abraham!” Abraham ayeda, atene: “Mbi laa.”

2 Mbai 32:24

Na ngoi ni so, tere ti Ezekias aso nduru na kuâ. Lo sambela *KOTA GBIA si KOTA GBIA akiri tënë na lo na lege ti mbeni ye so afa atene, fade kobela ti lo ayeke kai.

2 Mbai 32:25

Me Ezekias ahinga pepe nzoni so KOTA GBIA asara na lo. Baba ahon ndö ti lo si ndali ti baba ni, lo sara si ngonzo ti KOTA GBIA ati na ndö ti lo, na ndö ti kodro-gbia ti Juda nga na ndö ti gbata ti Jérusalem.

2 Mbai 32:32

Tanga ti atënë na ndö ti Ezekias, a su tënë ni na ya ti mbeti so iri ni “Aye so wayanga-Nzapa Ésaïe, molenge ti Amoz, abaa na ya ti mbeni ye tongana bango-li”; a su nga tënë ni na ya ti “Mbeti ti agbia ti Juda na ti Israel”. Ambeti ni atene tënë na ndö ti lege so lo bata be ti lo na Nzapa.

Abia (Psaumes) 27:9

Mo honde le ti mo na mbi pepe. Mbi so mbi yeke zo ti kua ti mo, mo tumba mbi na ngonzo pepe; mo laa mo mu maboko na mbi. Mo ke mbi pepe, mo zia mbi pepe, mo yeke Nzapa so mo soo mbi.

Amato 17:3

A yeke tara lôro nga na wen ti nginza na ya ti wâ; me KOTA GBIA laa ayeke tara be ti zo.

Zakarii 13:9

Fade mbi yeke mu ota mbage ti azo so angba na fini so, mbi yeke hon na ala na le ti wâ ti zi sioni ye na tere ti ala tongana ti so a yeke kporo wen ti nginza na ya ti wâ ti zi sioni ye na tere ni. Mbi yeke tara ala ti zi sioni ye na tere ti ala tongana ti so a yeke tara lôro na le ti wâ ti zi sioni ye na tere ni. Fade ala yeke iri mbi ti mu maboko na ala; ti mbi, mbi yeke ma ala. Mbi yeke tene: ‘Ala yeke azo ti mbi’, ala yeke tene: ‘KOTA GBIA ayeke Nzapa ti e.’ ”

Jean 15:5

Mbi yeke keke ti vinye, ala yeke amaboko ni. Zo so aduti oko na mbi si mbi duti oko na lo, fade lo yeke le mingi. Tongana ala duti nde na mbi, ala lingbi ti sara ye oko pepe.

Ndia ti fani use ni 13:3

Tongana ye ti kpene ni na ye ti dongo be ni asi alingbi na tënë so lo tene, tongana lo tene na ala: “E mu peko ti ambeni nzapa nde, e voro ala”; – andaa ayeke anzapa so ala hinga ala pepe –

Ndia ti fani use ni 8:16

Gi na ya ti oko benyama ni, KOTA GBIA amu na ala *mane, kobe so akotara ti ala ahinga ni pepe. Lo sara tongaso titene aye ti ngangu asi na ala si lo tara be ti ala; na ndani, lo sara nzoni na ala.

Ndia ti fani use ni 8:2

Ayeke nzoni ala dabe ti ala na yongoro lege so KOTA GBIA Nzapa ti ala asara si ala tambula daa na ya ti ngu baleosio na ya ti benyama so. Lo sara tongaso titene aye ti ngangu asi na ala, tongaso si lo lingbi ti tara be ti ala ti hinga ye so ayeke na ya ti be ti ala; lo lingbi ti baa, wala ala ye ti sara ye alingbi na atënë ti ndia ti lo, wala ala ye pepe.

Jacques 1:13

Tongana mbeni ye atara be ti zo, alingbi lo tene pepe: “Nzapa laa ayeke tara be ti mbi so”. Nzara ti sarango sioni ye ayeke gbu be ti Nzapa laoko pepe si Nzapa wani ayeke tara be ti zo oko pepe.

1 Pierre 1:7

Pasi ni asi na ala ti tara mabe ti ala. Lôro ayeke ye so ayeke buba bubango, me azo ayeke tara ni na wâ. Mabe ayeke kota ye ahon lôro. Ndani laa a yeke tara ni ti baa wala akpengba, tongaso si fade Nzapa ayeke tene nzoni tënë ti ala, lo yeke gonda ala si lo yeke ne ala na ndembe so Jésus Christ ayeke si.

Awafango-ngbanga 16:20

Dalila atene: “Samson, azo ti Filistii ayeke ga ti tiri na mo!” Lo zingo na lango, lo tene: “Mbi yeke sigigi na ya ti kamba tongana ti kozoni si mbi yeke hon.” Andaa lo hinga pepe, lo tene, *KOTA GBIA azia lo awe.