2 Mbai 32:30 - Mbeti ti Nzapa - Tënë so amu fini

³⁰ Ezekias nga laa akanga lege na li ti ngu ti Gihon na mbage ti nduzu ti sua; lo zi lege ni titene asua ti gue na gbeni na mbage ti Do, na Gbata ti David. Aye so kue Ezekias asara aga nzoni.

2 Mbai 32:30 ပူးပေါင်းရင်းမြစ်များ

1 Agbia 1:33

gbia atene na ala: “Ala bongbi azo ti yangbo ti mbi, ala mu pâkârâ ti mbi ti gbia, ala zia molenge ti mbi Salomon na ndö ni, ala gue na lo na li ti ngu ti Gihon.

1 Agbia 1:38

Tongaso, wayango-sandaga Sadok, wayanga-Nzapa Natan na Benaya, molenge ti Yoyada, ala na azo ti Kereti na ti Peleti, aturugu ti batango gbia ague, abaa Salomon. Ala zia lo na ndö ti pâkârâ ti gbia David si ala gue na lo na li ti ngu ti Gihon.

1 Agbia 1:45

Na pekoni, wayango-sandaga Sadok na wayanga-Nzapa Natan atuku mafuta na li ti lo nduru na li ti ngu ti Gihon. Ala kue alondo na ndo so, ala kiri na gbata, ala dekongo na ngia, tere ti azo ti gbata ni kue anzere. Nda ti wuluwulu so ala ma kâ so laa.

2 Agbia 20:20

Tanga ti atënë na ndö ti Ezekias, na aye ti koli so kue lo sara, na kota du ti ngu so lo zi, na du so lo zi na gbe ti sese titene ngu asua daa ti li na ya ti gbata ni, a su tënë ni na ya ti “Mbeti ti aye so agbia ti Juda asara”.

2 Mbai 26:5

Na ngoi so kue Zakarii angba na fini, lo so lo yeke ma ya ti ye so Nzapa afa na lo na ya ti mbeni ye tongana bango-li, lo fa na Ozias lege ti kpengo mbeto ti *KOTA GBIA Nzapa; Nzapa asara si aye ti Ozias aga nzoni.

2 Mbai 32:3

lo ma tere na amakonzi ti lo nga na aturugu ti lo ti kota kamba ti kanga lege na li ti ngu so ayeke na mbage ti gigi ti gbata ni. Azo ni kue ayeda na tënë ti lo.

2 Mbai 32:4

Azo gbani gbani abongbi tere si ala kanga ali ti ngu kue nga na kete ngu so ayeke sua na ya ti kodro ni. Ala tene: “Tongana azo ti Asirii asi, ayeke nzoni ala wara gba ti ngu pepe.”

2 Mbai 33:14

Na pekoni, Manase asara ngangu gbagba na tere ti Gbata ti David, na mbage ti gigi; gbagba ni ayo na nduzu mingi. Gbagba ni ahon na mbage ti Do, na ndo so li ti ngu ti Gihon ayeke daa, angoro vaka ti Ofel, ahon na popo-hoto ti Sedron, ague ngbii asi na yanga ti gbagba so iri ni Ti-asusu. Manase azia amakonzi ti aturugu na ya ti agbata ti Juda so kue ngangu gbagba ayeke na tere ni.