2 Mbai 32:3 - Mbeti ti Nzapa - Tënë so amu fini

³ lo ma tere na amakonzi ti lo nga na aturugu ti lo ti kota kamba ti kanga lege na li ti ngu so ayeke na mbage ti gigi ti gbata ni. Azo ni kue ayeda na tënë ti lo.

2 Mbai 32:3 ပူးပေါင်းရင်းမြစ်များ

2 Agbia 18:20

Mo baa ti mo, mo tene, gi asenge tënë ti yanga laa alingbi titene zo atiri bira na ngangu? Zo wa laa mo zia be ti mo na ndö ti lo si mo tomboka na tere ti mbi so?

2 Agbia 20:20

Tanga ti atënë na ndö ti Ezekias, na aye ti koli so kue lo sara, na kota du ti ngu so lo zi, na du so lo zi na gbe ti sese titene ngu asua daa ti li na ya ti gbata ni, a su tënë ni na ya ti “Mbeti ti aye so agbia ti Juda asara”.

2 Mbai 30:2

Andaa gbia, na amakonzi ti lo nga na bongbi ti azo ni kue ama fade tere na Jérusalem titene ala sara matanga ni na ya ti use nze ni;

2 Mbai 32:2

So Ezekias abaa Senakerib ayeke ga ti tiri bira na gbata ti Jérusalem,

2 Mbai 32:30

Ezekias nga laa akanga lege na li ti ngu ti Gihon na mbage ti nduzu ti sua; lo zi lege ni titene asua ti gue na gbeni na mbage ti Do, na Gbata ti David. Aye so kue Ezekias asara aga nzoni.

2 Mbai 32:4

Azo gbani gbani abongbi tere si ala kanga ali ti ngu kue nga na kete ngu so ayeke sua na ya ti kodro ni. Ala tene: “Tongana azo ti Asirii asi, ayeke nzoni ala wara gba ti ngu pepe.”

Amato 15:22

Tongana zo ahunda wango na amba ti lo pepe, apialo ti lo ayeke li ngu; me tongana azo ti mungo wango ayeke daa mingi, apialo ni ayeke ga nzoni.

Amato 20:18

Tongana mo hunda anzoni wango, fade apialo ti mo ayeke ga nzoni; kozo titene mo londo ti gue na bira, ayeke nzoni mo leke gere ni nzoni si.

Amato 24:6

Kozo titene mo londo ti gue na bira, ayeke nzoni mo leke gere ni nzoni si. Ndali ti gba ti awamungo-wango si kodro ayeke sigigi na ya ti akpale.

Ésaïe 40:13

Zo wa laa alingbi ti haka yingo ti *KOTA GBIA, zo wa? Zo wa laa alingbi ti mu wango na lo?

Nahum 3:14

Ala azo ti Ninive, ala to ngu, ala bata ni ndali ti ngoi so awato ti ala ayeke ngoro ala kue so. Ala kiri aleke agbagba ti ala titene akiri akpengba ngangu. Ala gue, amu sese, ala do ya ni, ala sara na potopoto, ala gboto na biriki.

Rome 11:34

Mbeti ti Nzapa atene: “Zo wa laa ahinga tënë ti be ti *Kota Gbia? Zo wa laa alingbi ti mu wango na lo?