2 Mbai 32:29 - Mbeti ti Nzapa - Tënë so amu fini

²⁹ Lo leke agbata ndali ti lo si lo yeke na gba ti ataba, angasa na abagara, ngbanga ti so Nzapa amu na lo mosoro gbani gbani.

2 Mbai 32:29 ပူးပေါင်းရင်းမြစ်များ

1 Mbai 29:12

Mosoro na gonda alondo na mo; mo laa mo yeke na komandema na ndö ti aye kue. Ngangu na komandema ayeke na maboko ti mo; mo yeke na ngangu ti zia zo na kota ndo nga ti kpengba zo.

1 Mbai 29:28

David aduti nzoni na ya ti mbakoro ti lo si lo kui; lo te gigi alingbi na lo, lo yeke na gba ti mosoro si azo agonda lo mingi. Salomon, molenge ti lo, aga gbia na peko ti lo.

2 Mbai 17:5

KOTA GBIA asara si lengo-gbia ti lo akpengba. Azo ti Juda kue amu akadoo na Yosafat; nilaa lo wara mosoro mingi si azo agonda lo mingi.

2 Mbai 25:9

Amasia atene na zo ti Nzapa ni: “Ka gba ti nginza so mbi mu na aturugu so, fade a sara na ni nyen?” – Zo ti Nzapa ni akiri tënë, atene: “KOTA GBIA alingbi ti mu na mo ye mingi ahon so!”

2 Mbai 26:10

Lo sara nga ada so ayo na nduzu na benyama si lo zi adu ti ngu mingi, ngbanga ti so lo yeke na anyama mingi na *Kodro-ti-gbeni nga na kpangbara sese. Lo yeke nga na azo ti fango yaka na azo ti fango yaka ti *vinye so ayeke na ndö ti ahoto nga na ndö ti hoto ti Karmel. Biani, Ozias aye kua ti yaka mingi.

2 Mbai 32:28

Lo sara ada ti batango na *ble, vin na mafuta; lo sara agbagba ti batango na mara ti anyama nde nde; lo vo anyama ti zia ala na ya ti agbagba ni.

Mbeti ti Job 1:3

Lo yeke na ataba saki mbarambara, *azambala saki ota, abagara ti fango na yaka saki oko, amama ti lele ngbangbo oku nga na gba ti azo ti kua. Lo yeke kota zo ahon azo ti mbage ti To kue.

Mbeti ti Job 1:9

Me Satan akiri tënë na KOTA GBIA: “Senge laa Job ayeke kpe mbeto ti Nzapa?

Mbeti ti Job 42:12

Na ya ti angu ti peko so, KOTA GBIA asara tufa na ndö ti Job ahon angu ti kozo. Job awara ataba saki baleoko na osio, *azambala saki omene, abagara ti fango na yaka saki use nga na amama ti lele saki oko.

Amato 10:22

Tufa ti KOTA GBIA laa ayeke sara si zo awara mosoro; ngangu so zo asara azia ye oko daa pepe.

Ndia ti fani use ni 8:18

Alingbi ala dabe ti ala so KOTA GBIA Nzapa ti ala laa amu na ala ngangu ti wara amosoro so. Nilaa laso, lo fa lo tene, lo ngba ti bata tënë ti *mbuki so lo na akotara ti ala asara ni ando.

1 Samuel 2:7

KOTA GBIA laa ayeke sara si zo aga wayere; lo laa lo yeke mu mosoro na zo. KOTA GBIA laa ayeke zia zo na kete ndo; lo laa lo yeke zia zo na kota ndo.