2 Mbai 32:27 - Mbeti ti Nzapa - Tënë so amu fini

²⁷ Ezekias awara mosoro mingi, azo agonda lo mingi. Lo bongbi amosoro ti wen ti nginza, ti lôro, ti atêne ti ngangu ngere, ti ayombo, ti *avala na mara ti aye nde nde ti ngangu ngere.

2 Mbai 32:27 ပူးပေါင်းရင်းမြစ်များ

2 Agbia 20:13

Ezekias ayamba alembe ni; na pekoni, lo fa na ala ada so kue lo yeke bata amosoro ti lo daa, wen ti nginza, lôro, yombo na mafuta ti yombo. Lo fa nga na ala ndo so lo yeke bata aye ti bira ti lo daa, nga na aye so kue ayeke na ya ti kubu so a bata amosoro ti lo daa. Ezekias afa aye ti yangbo ti lo kue na aye ti kodro ti lo kue na ala; lo honde mbeni ye oko pepe.

1 Mbai 29:28

David aduti nzoni na ya ti mbakoro ti lo si lo kui; lo te gigi alingbi na lo, lo yeke na gba ti mosoro si azo agonda lo mingi. Salomon, molenge ti lo, aga gbia na peko ti lo.

2 Mbai 1:12

mbi mu na mo ndara na hingango ndo awe. Na ndö ni, mbi yeke mu na mo mosoro, anzoni ye nga na gonda. Mo yeke wara ni ahon agbia so kue aga kozo ti mo wala ala so ayeke ga na peko ti mo.”

2 Mbai 17:5

KOTA GBIA asara si lengo-gbia ti lo akpengba. Azo ti Juda kue amu akadoo na Yosafat; nilaa lo wara mosoro mingi si azo agonda lo mingi.

2 Mbai 32:26

Me ataa so Ezekias asara fade baba, lo na azo ti Jérusalem asara tere ti ala kete. Nilaa na ngoi so Ezekias ade na fini, ngonzo ti KOTA GBIA ati na ndö ti ala pepe.

2 Mbai 32:28

Lo sara ada ti batango na *ble, vin na mafuta; lo sara agbagba ti batango na mara ti anyama nde nde; lo vo anyama ti zia ala na ya ti agbagba ni.

2 Mbai 9:27

Gbia asara si wen ti nginza asi singo na Jérusalem tongana têne; lo sara si keke ti sedre asi singo tongana akeke ti sikomor na *Kodro-ti-gbeni.

Amato 10:22

Tufa ti KOTA GBIA laa ayeke sara si zo awara mosoro; ngangu so zo asara azia ye oko daa pepe.

Ezekiel 26:12

Azo ni ayeke nzi amosoro ti mo, ala yeke gbu akungba ti mo ti ngere ti hon na ni. Ala yeke kungbi na sese agbagba ti mo si ala yeke buba apendere kota da ti mo; ala yeke mu atêne ti da ni, akeke ni nga na afuku ti sese ni si ala yeke tuku ni na ya ti ngu.

1 Samuel 2:7

KOTA GBIA laa ayeke sara si zo aga wayere; lo laa lo yeke mu mosoro na zo. KOTA GBIA laa ayeke zia zo na kete ndo; lo laa lo yeke zia zo na kota ndo.