2 Mbai 32:26 - Mbeti ti Nzapa - Tënë so amu fini

²⁶ Me ataa so Ezekias asara fade baba, lo na azo ti Jérusalem asara tere ti ala kete. Nilaa na ngoi so Ezekias ade na fini, ngonzo ti KOTA GBIA ati na ndö ti ala pepe.

2 Mbai 32:26 ပူးပေါင်းရင်းမြစ်များ

1 Agbia 21:19

Fade mo tene na lo: ‘Tënë so KOTA GBIA atene ayeke so: Mo fâ zo awe! Fadeso, mo ga ti mu ye ti lo titene aga ti mo?’ Fade mo yeke kiri ti tene na lo: Tënë so KOTA GBIA atene ayeke so: ‘Na ndo so ambo asu mene ti Nabot daa, fade ambo ayeke su nga mene ti mo gi na oko ndo ni so!’ ”

1 Agbia 21:29

“Mo baa lege so Akab asara tere ti lo kete na dawa ti mbi so? Ndali ti so lo sara tere ti lo kete na dawa ti mbi, fade mbi yeke tokua ye ti mawa na ndö ti azo ti sewa ti lo pepe, na ndembe so lo de na fini. Fade mbi yeke tokua ni na ndembe so molenge ti lo ayeke duti gbia.”

2 Agbia 22:19

Tënë so mbi tene na ndö ti gbata so nga na ndö ti azo ti gbata ni apika be ti mo si mo sara tere ti mo kete na gbe ti KOTA GBIA. Fade gbata so ayeke ga ngonda si ayeke ga ye so a deba ni awe. Na mango tënë so mbi tene, mo suru bongo na tere ti mo si mo toto na dawa ti mbi. Mbi nga, mbi ma mo awe; so tënë ti yanga ti KOTA GBIA laa.

2 Mbai 12:7

So KOTA GBIA abaa atene, ala sara tere ti ala kete, tënë ti KOTA GBIA asi na Shemaya, atene: “Ndali ti so ala sara tere ti ala kete, fade mbi yeke fâ ala ti hunzi ala pepe; me fafadeso, mbi yeke sara titene ala soo kuâ. Ngonzo ti mbi ayeke tuku pepe na ndö ti Jérusalem na lege ti Shishak.

2 Mbai 32:27

Ezekias awara mosoro mingi, azo agonda lo mingi. Lo bongbi amosoro ti wen ti nginza, ti lôro, ti atêne ti ngangu ngere, ti ayombo, ti *avala na mara ti aye nde nde ti ngangu ngere.

2 Mbai 33:12

So lo yeke na ya ti pasi, lo voro tere ti lo na KOTA GBIA, Nzapa ti lo; lo sara tere ti lo kete mingi na gbe ti Nzapa ti akotara ti lo.

2 Mbai 33:19

Tënë ti sambela ti lo, lege so Nzapa azia ti sara ngonzo na tere ti lo, asiokpari ti lo nga na aye so lo sara ti ke Nzapa, a su tënë ni na ya ti mbeti ti Hozai. Na ya ti mbeti ni, a su nga iri ti ando so lo leke na ndö ti ahoto titene azo avoro anzapa nde daa, ando so lo leke akeke daa aluti na nduzu ndali ti nzapa-wali *Ashera nga na ayanda nde nde; lo sara aye ni so kozo titene lo sara tere ti lo kete.

2 Mbai 33:23

Me lo sara tere ti lo kete pepe na dawa ti KOTA GBIA tongana ti so babâ ti lo Manase asara. Ti Amon ni, lo kiri lo sara sioni mingi ahon ti babâ ti lo.

Jacques 4:10

Ala sara tere ti ala kete na gbe ti *Kota Gbia si fade lo yeke mu ala na nduzu.