2 Mbai 32:25 - Mbeti ti Nzapa - Tënë so amu fini

²⁵ Me Ezekias ahinga pepe nzoni so KOTA GBIA asara na lo. Baba ahon ndö ti lo si ndali ti baba ni, lo sara si ngonzo ti KOTA GBIA ati na ndö ti lo, na ndö ti kodro-gbia ti Juda nga na ndö ti gbata ti Jérusalem.

2 Mbai 32:25 ပူးပေါင်းရင်းမြစ်များ

2 Samuel 24:1

Mbeni lâ, ngonzo ti *KOTA GBIA akiri alondo na tere ti azo ti Israel. Lo pusu David titene lo sara mbeni ye so ayeke sara sioni na ala; lo tene na lo: “Gue, mo diko wungo ti azo ti Israel na ti Juda.”

2 Agbia 14:10

Yoas akiri atene: “Mo fâ azo ti Edom awe si mo yeke pika kate ti mo. Mo lingbi ti gonda tere ti mo senge, me ayeke nzoni mo ngba na ndo ti mo! Ngbanga ti nyen si mo ye ti to nda ti bira so ayeke ga ande kpale na ndö ti mo, titene a fâ mo si a fâ nga aturugu ti Juda so?”

2 Agbia 20:12

Na ngoi ni so, Merodak-Baladan, gbia ti Babilone, molenge ti Baladan ama tënë ti songo tere ti Ezekias. Tongaso lo tokua na lo mbeti nga na akadoo.

2 Agbia 20:13

Ezekias ayamba alembe ni; na pekoni, lo fa na ala ada so kue lo yeke bata amosoro ti lo daa, wen ti nginza, lôro, yombo na mafuta ti yombo. Lo fa nga na ala ndo so lo yeke bata aye ti bira ti lo daa, nga na aye so kue ayeke na ya ti kubu so a bata amosoro ti lo daa. Ezekias afa aye ti yangbo ti lo kue na aye ti kodro ti lo kue na ala; lo honde mbeni ye oko pepe.

1 Mbai 21:1

Mbeni lâ, Satan alondo ti sara ye ti sioni na azo ti Israel; lo pusu David titene lo diko wungo ti azo ti Israel.

2 Mbai 19:2

Zo ti bango nda ti aye Yehu, molenge ti Hanani, aga awara gbia Yosafat na lege si atene na lo: “Mo mu maboko na sioni zo tongaso ngbanga ti nyen? Azo so be ti ala ake *KOTA GBIA so, mo ye ala ngbanga ti nyen? Ndali ti ye so mo sara so, KOTA GBIA ayeke sara ngonzo na tere ti mo.

2 Mbai 24:18

Azo ti Israel azia kota da ti *KOTA GBIA, Nzapa ti akotara ti ala si ala voro akeke so a leke aluti na nduzu ndali ti nzapa-wali *Ashera, ala voro nga ayanda. Nilaa ngonzo ti Nzapa alondo na tere ti azo ti Juda na ti Jérusalem ndali ti sioni so ala sara so.

2 Mbai 25:19

Yoas akiri atene: “Taa-tënë, mo fâ azo ti Edom awe; mo yeke pika kate ti mo si mo yeke gonda tere ti mo. Me ayeke nzoni titene mo ngba na ndo ti mo fadeso! Ngbanga ti nyen si mo ye ti to nda ti bira so ayeke ga ande kpale na ndö ti mo, titene a fâ mo si a fâ nga aturugu ti Juda so?”

2 Mbai 26:16

Ndali ti so lo ga ngangu awe, lo ga zo ti baba; baba ni ague na lo ngbii abuba lo. Lo ga zo ti ke KOTA GBIA, Nzapa ti lo si mbeni lâ, lo li na ya ti kota da ti KOTA GBIA ti zö dukani na ndö ti gbalaka.

2 Mbai 32:31

Me tongana amakonzi ti Babilone atokua azo na Ezekias titene ala hunda tënë ti ye ti dongo be so asi na ya ti kodro ti lo, Nzapa ado Ezekias azia lo ti tara be ti lo, tongaso si lo hinga ye so kue ayeke na be ti Ezekias.

Ésaïe 39:1

Na ngoi ni so, Merodak-Baladan, gbia ti Babilone, molenge ti Baladan, ama a tene, tere ti Ezekias aso si lo wara ngangu awe. Tongaso lo tokua na lo mbeti nga na akadoo.

Ésaïe 39:2

Tere ti Ezekias anzere mingi ndali ti gango ti alembe ni. Lo fa na ala ada so lo yeke bata amosoro ti lo daa, wen ti nginza, lôro, yombo na mafuta ti yombo. Lo fa nga na ala ndo so lo yeke bata aye ti bira ti lo daa, nga na aye so kue ayeke na ya ti kubu so a bata amosoro ti lo daa. Ezekias afa aye ti yangbo ti lo kue na aye ti kodro ti lo kue na ala; lo honde mbeni ye oko pepe.

Ezekiel 28:17

Be ti mo asuku na baba ndali ti pendere ti mo; mo zia lege na anzoni ye so mo wara ti buba ndara ti mo. Ndani laa, mbi bi mo na sese, mbi zia mo titene mo ga ye ti ngia na le ti agbia.

Ezekiel 28:2

“*Molenge ti zo, tene na makonzi ti Tir, mo tene: Tënë so Kota Gbia NZAPA atene ayeke so: Be ti mo asuku na baba si mo tene: ‘Mbi yeke nzapa, mbi duti na ndö ti mbata ti gbia na popo ti anzapa na be ti kota ngu-ingo.’ Mo tene na be ti mo, mo tene, mo lingbi na nzapa, andaa mo yeke gi senge zo, mo yeke nzapa pepe.

Ezekiel 28:5

Na lege ti kota mayere ti mo na ya ti dengo buze, mo kiri mo wara gba ti mosoro ahon ndoni. Tongaso, be ti mo asuku na baba.

Ezekiel 31:10

“Ndani laa, tënë so mbi Kota Gbia NZAPA, mbi tene ayeke so: Keke ti sedre ni akono awe, lo yo na nduzu ngbii li ti lo asi na ya ti ambinda si baba ahon ndö ti lo ndali ti yongo ti lo ni.

Daniel 11:12

So gbia ti Mbongo abaa atene ni kinda azo gbani gbani awe, baba ayeke hon ndö ti lo. Me ataa so lo yeke fâ aturugu kutu kutu, lo yeke so benda pepe.

Daniel 5:20

Me na pekoni, pikango kate ahon ndö ti lo si lo baa tere ti lo kota ahon azo kue. Tongaso Nzapa azi lo na ndö ti mbata ti gbia si azo akiri ane lo pepe.

Daniel 5:23

Mo londo ti ke Nzapa so ayeke na yayu: azo ague, amu aye ti da ti lo aga na ni si mo na akota zo ti mo, na awali ti mo so mo ne ala mingi nga na ala so mo ne ala mingi pepe, ala tuku samba na ya ni, ala nyon. Na pekoni, mo gonda anzapa so a sara na wen ti nginza na lôro, ala so a sara na bengba wen, na wen, na keke nga na têne. Anzapa ni ayeke baa ndo pepe, ala yeke ma tënë pepe si ala hinga ye pepe. Me mo ke ti gonda Nzapa so pupu ti ya ti mo ayeke na maboko ti lo si lo yeke bata tambula ti mo.

Osée 14:2

Israel, kiri na *KOTA GBIA Nzapa ti mo, ngbanga ti so sioni ti mo asara si mo ti.

Habakuk 2:4

Su tënë ni tongaso: ‘Zo so baba ahon ndö ti lo, fade lo yeke kui; me fade zo ti mbirimbiri ayeke na fini na lege ti batango tënë ti yanga ti Nzapa.’

2 Korente 12:7

Aye so Nzapa afa na mbi si mbi baa ni so ayeke aye ti ndima. Titene mbi gonda tere ti mbi ndali ti aye ni pepe, Nzapa azia mbeni ye tongana ki na ya ti tere ti mbi: ki ni ayeke tongana mbeni zo so Satan atokua lo ti pika mbi si mbi gonda tere ti mbi pepe.

Ndia ti fani use ni 32:6

Ala azo so li ti ala ayeke daa pepe so, ala azo so ndara atia ala so, so lege ti sarango ye na KOTA GBIA laa? Lo laa lo yeke babâ ti ala pepe? Ndali ti lo laa ala baa gigi pepe? Lo laa lo sara ala pepe? Ndali ti lo laa ala kpengba so pepe?

Ndia ti fani use ni 8:17

Ala tene na be ti ala pepe, atene: “Mbi wara amosoro so kue na lege ti akua ti mbi nga na lege ti ngangu ti mbi wani.”

1 Timothée 3:6

Alingbi zo ti li ti Eglize ayeke zo so ama na be fini fini pepe; tongaso pepe, fade baba ayeke hon ndö ti lo si Nzapa ayeke fâ ngbanga na li ti lo tongana ti so lo fâ na li ti Zabolo.