2 Mbai 32:22 - Mbeti ti Nzapa - Tënë so amu fini

²² Tongaso laa KOTA GBIA asoo Ezekias na azo ti Jérusalem na kuâ, na maboko ti Senakerib, gbia ti Asirii nga na maboko ti awato ti ala kue. Na pekoni, lo mu na ala siriri mbage na mbage kue.

2 Mbai 32:22 ပူးပေါင်းရင်းမြစ်များ

2 Agbia 19:30

Tanga ti azo ti kodro ti Juda so ayeke ngba na fini ayeke duti ande tongana keke so agunda ni ali sese si amaboko ni ale lengo.

2 Mbai 32:21

Tongaso *KOTA GBIA atokua mbeni *ange so afâ ya ti bâbâ ti gbia ti Asirii, akpengba zo ti bira kue, aturugu ti kota kamba, na akota zo ti lo. Gbia ti Asirii ni akiri na kodro ti lo, na kamene na le ti lo. Na pekoni, lo li na ya ti da ti nzapa ti lo si taa amolenge ti lo laa afâ lo na yongoro zeme.

Abia (Psaumes) 144:10

Mo laa mo sara si agbia aso benda; mo laa mo zi David, zo ti kua ti mo, na yanga ti sioni yongoro zeme.

Abia (Psaumes) 48:14

Ala baa lege so agbagba ti gbata ni apendere, ala diko ayangbo ti ya ni si fade ala tene tënë ni na amolenge ti ala so ayeke ga ande na peko ti ala; fade ala tene:

Abia (Psaumes) 73:24

mo yeke fa lege na mbi alingbi na ye so mo leke na be ti mo, na pekoni, fade mo yeke yamba mbi na gonda.

Ésaïe 33:22

Biani, KOTA GBIA ayeke fâ ngbanga na popo ti e, lo laa lo yeke fa na e ndia. KOTA GBIA ayeke gbia ti e, lo laa lo yeke soo e.

Ésaïe 58:11

KOTA GBIA ayeke ngba lakue ti fa lege na mo. Ataa na benyama, lo yeke mu na mo kobe, mo te ya ti mo asi, lo yeke kiri ti mu ngangu na mo. Mo yeke ga tongana yaka so a tuku ngu daa, mo yeke ga tongana li ti ngu so ngu ni ayeke hole pepe.

Osée 1:7

Me ti azo ti Juda, fade mbi yeke ngba ti ye ala. Mbi wani, KOTA GBIA Nzapa ti ala, mbi yeke soo ala; mbi yeke soo ala na lege ti kokora pepe, wala na lege ti yongoro zeme pepe, wala na lege ti bira pepe, wala na lege ti ambarata pepe, wala na lege ti azo ti kpengo na mbarata pepe.”

Jean 16:13

Tongana Yingo ti taa-tënë aga ande, lo yeke fa na ala taa-tënë kue. Lo yeke fa gi tënë ti be ti lo pepe, me lo yeke fa na ala ye so lo yeke ma; lo yeke fa nga na ala tënë ti aye so ayeke si.

2 Tesalonike 3:5

Ayeke nzoni Kota Gbia azia na be ti ala ti ye Nzapa, lo fa na ala lege ti kanga be ti ala legeoko tongana ti Christ!

1 Samuel 14:23

Na lango ni so, KOTA GBIA asara si azo ti Israel aso benda. Bira ni ague ngbii asi na peko ti Bet-Aven kâ.