2 Mbai 32:21 - Mbeti ti Nzapa - Tënë so amu fini

²¹ Tongaso *KOTA GBIA atokua mbeni *ange so afâ ya ti bâbâ ti gbia ti Asirii, akpengba zo ti bira kue, aturugu ti kota kamba, na akota zo ti lo. Gbia ti Asirii ni akiri na kodro ti lo, na kamene na le ti lo. Na pekoni, lo li na ya ti da ti nzapa ti lo si taa amolenge ti lo laa afâ lo na yongoro zeme.

2 Mbai 32:21 ပူးပေါင်းရင်းမြစ်များ

2 Samuel 24:16

So *ange ti KOTA GBIA ayoro maboko ti lo na mbage ti Jérusalem ti kangbi sioni kobela ni na ya ti gbata ni, KOTA GBIA abaa mawa ti azo ni si lo tene na ange ti fango azo ni, lo tene: “Alingbi awe! Kiri na maboko ti mo!” Na ndembe ni so, ange ti KOTA GBIA ayeke luti na tere ti lakere ti Aravna, zo ti mara ti Yebus.

2 Agbia 19:20

Tongaso, Ésaïe, molenge ti Amoz atokua azo na Ezekias, atene: “Tënë so *KOTA GBIA, Nzapa ti Israel atene ayeke so: Mbi ma sambela ti mo so mo sara ndali ti Senakerib, gbia ti Asirii awe.

2 Mbai 32:20

Gbia Ezekias na wayanga-Nzapa Ésaïe, molenge ti Amoz asambela Nzapa ti yayu, ala dekongo na lo titene lo mu na ala maboko.

2 Mbai 32:22

Tongaso laa KOTA GBIA asoo Ezekias na azo ti Jérusalem na kuâ, na maboko ti Senakerib, gbia ti Asirii nga na maboko ti awato ti ala kue. Na pekoni, lo mu na ala siriri mbage na mbage kue.

Mbeti ti Job 9:4

Ndara ti Nzapa ayeke kota mingi, ngangu ti lo ayeke mingi; zo wa laa alingbi ti gbu le ni na lo si lo wara sioni pepe, zo wa?

Abia (Psaumes) 132:18

Mbi yeke sara si kamene ahon ndö ti awato ti lo si kpoto ti lo ti gbia ayeke za zango na li ti lo.”

Abia (Psaumes) 18:50

Ndani laa, KOTA GBIA, mbi ye ti mu singila na mo na popo ti amara nde; fade mbi yeke he bia ti gonda iri ti mo.

Abia (Psaumes) 44:15

Mo sara si e ga tongana tënë ti toli ti amara nde; azo ayeke he e na ngia si ala yeke yingi li ti ala.

Abia (Psaumes) 76:12

Ala azo, tongana ala mu zendo ti sara mbeni ye na *KOTA GBIA Nzapa ti ala, ayeke nzoni ala sara ye ni. Ala so kue angoro lo, ayeke nzoni ala ga na anzoni ye ti ala ti mu na Nzapa, lo so lo yeke zia kota mbeto na be ti azo so.

Abia (Psaumes) 76:5

Nzapa, zango ti mo ahon ndoni, gonda ti mo ayeke kota si ayeke pika le ti zo ahon gba ti aye so azo agbu na peko ti bira, aye ni aga tongana hoto.

Abia (Psaumes) 76:6

Azo anzi ye na tere ti akpengba turugu so kue awe, lango ahon na aturugu ni biani biani; angangu zo ti bira so kue, ala wara lege ti tiri pepe.

Abia (Psaumes) 76:7

Nzapa ti Jacob, tongana mo suku na ala, azo ti kpengo na mbarata nga na ambarata ni aluti kpoo.

Amato 11:2

Tongana zo aga zo ti baba, aninga pepe lo ga zo ti kamene; me zo ti ndara ayeke zo so asara tere ti lo kete.

Amato 16:18

Kuru baba ayeke gue na zo titene lo baa sioni; zo so abaa mba ti lo tongana senge zo, lo yeke gue ti ti.

Ésaïe 10:8

Lo tene: ‘Amakonzi ti aturugu ti mbi kue ayeke agbia pepe?

Ésaïe 14:25

Fade mbi yeke buba ngangu ti azo ti Asirii taa na ya ti kodro ti mbi; mbi yeke do ala na gbe ti gere ti mbi na ndö ti ahoto ti mbi. Ala zia ando anengo kungba na ndö ti azo ti mbi tongana *zuge, fade mbi yeke zi ni. Ala zia ando nengo kungba na ndö ti go ti azo ti mbi, mbi yeke zi ni na ndö ti go ti ala.”

Ésaïe 36:9

Na popo ti azo ti kua ti gbia ti mbi, ataa gi kete ni oko, mo lingbi ti tumba lo? Mo so mo zia be ti mo gi na ndö ti Ezipte titene mo wara apusu ti mbarata na azo ti kpengo na ni so!

Ésaïe 37:21

Tongaso, Ésaïe, molenge ti Amoz atokua azo na Ezekias, atene: “Tënë so KOTA GBIA, Nzapa ti Israel, lo so mo sambela lo ndali ti Senakerib, gbia ti Asirii atene ayeke so:

Ésaïe 42:8

Mbi yeke KOTA GBIA, so iri ti mbi laa. Gonda so ayeke ti mbi, mbi yeke zia na mbeni zo nde pepe; nengo so ayeke ti mbi, mbi yeke zia na ayanda pepe.

Jérémie 21:2

“E gbu gere ti mo, mo hunda KOTA GBIA na tënë ti e! Baa, gbia Nabukodonosor ti Babilone alondo na bira na tere ti e; e hinga pepe, fade KOTA GBIA ayeke sara mbeni oko ti aye ti kpene ti lo ndali ti e, tongaso si gbia Nabukodonosor azia peko ti e.”

Daniel 3:28

Nabukodonosor amu tënë si atene: “E mu singila na Nzapa ti Shadrak, ti Meshak na ti Abed-Nego! Lo tokua *ange ti lo ti soo azo ti kua ti lo na kuâ. Ala zia be ti ala kue gi na ndö ti lo si ala ke ti ma yanga ti mbi so mbi yeke gbia. Ala yeda ti mu tere ti ala na kuâ, ahon titene ala sara na mbeni nzapa nde si ala voro mbeni nzapa so ayeke Nzapa ti ala pepe.

Daniel 6:22

Daniel akiri tënë na gbia, atene: “Gbia na nduzu!

Awatokua 12:23

Mo ye ti baa, *ange ti *Kota Gbia abi kobela na tere ti Herode, ngbanga ti so lo gonda Nzapa pepe: angusu ate lo si lo kui.