2 Mbai 32:17 - Mbeti ti Nzapa - Tënë so amu fini

¹⁷ Senakerib atokua mbeti ti zonga *KOTA GBIA, Nzapa ti Israel. Lo tene na ya ti mbeti ni, lo tene: “So anzapa ti amara nde azi azo ti ala na maboko ti mbi pepe so, fade nzapa ti Ezekias ayeke zi nga azo ti lo na maboko ti mbi pepe.”

2 Mbai 32:17 ပူးပေါင်းရင်းမြစ်များ

2 Agbia 19:11

Mo wani, mo ma ye so agbia ti Asirii asara na akodro kue; mo ma lege so ala fâ azo ti akodro kue, zo oko angba na fini pepe. Mo baa ti mo, mo tene, fade a yeke zi mo ma?

2 Agbia 19:12

So ababâ ti mbi abuba ando agbata tongana: Gozan, Haran, Resef nga na gbata ti Telasar so azo ti sese ti Bet-Eden ayeke lango ando daa so, anzapa ti ala azi ala na maboko ti ababâ ti mbi ni?

2 Agbia 19:14

Ezekias amu mbeti ni na maboko ti awatokua ni, lo diko ni si lo gue na ya ti kota da ti *KOTA GBIA. Lo zi ya ti mbeti ni na le ti KOTA GBIA.

2 Agbia 19:22

Zo wa laa mo zonga lo si mo bi buba na tere ti lo so, zo wa? Zo wa laa mo dekongo na li ti lo si mo baa lo tongana mbumbuse zo so, zo wa? Mo sara ye so na mbi Nzapa ti Israel, mbi so mbi yeke nde si mbi yeke nzoni kue!

2 Agbia 19:28

Biani, mo sara ngonzo na tere ti mbi si zongango mbi so mo zonga mbi so, mbi ma tënë ni awe. Ndani laa, fade mbi yeke yoro *kongi ti wen na hon ti mo, mbi yeke yoro kamba ti wen na yanga ti mo. Fade mbi yeke zia mo gi na oko lege so mo mu ti ga ge so ti kiri na ndo ti mo.

2 Agbia 19:9

Gbia ti Asirii ama a tene, Tiraka, gbia ti Etiopii ayeke ga ti tiri bira na lo. Tongaso, lo kiri lo tokua azo na Ezekias, lo tene:

2 Mbai 32:14

Na popo ti anzapa so kue ababâ ti mbi afâ azo ti ala kue kue kue so, nzapa wa laa awara ngangu ti zi azo ti lo na maboko ti ababâ ti mbi si fade nzapa ti ala alingbi ti zi ala na maboko ti mbi?

2 Mbai 32:16

Azo ti kua ti Senakerib angba ti tene sioni tënë na tere ti KOTA GBIA nga na tere ti Ezekias, zo ti kua ti lo.

Néhémie 6:5

Ti fani oku ni, Sanebalat atokua na mbi mbeni zo ti kua ti lo ti ga na mbeni mbeti so a kanga yanga ni pepe.

Ésaïe 10:15

Do ayeke pika kate ti lo na zo so amu do ni ti sara na kua? Sii ayeke fa baba na zo so ayeke sara kua na ni? Ye ni ayeke tongana nduru keke so ayingi fade zo so ayo keke ni na nduzu, wala tongana keke so ayo fade na nduzu zo so amu ni ti sara na kua!

Ésaïe 37:14

Ezekias amu mbeti ni na maboko ti awatokua ni, lo diko ni si lo gue na ya ti kota da ti *KOTA GBIA. Lo zi ya ti mbeti ni na le ti KOTA GBIA.

Aye so Nzapa afa 13:6

Lo to nda ti zonga Nzapa, ti zonga iri ti lo, ti zonga ndo so lo yeke duti daa, ti zonga nga ala so kue ayeke duti na yayu.

1 Samuel 17:26

David ahunda azo so ayeke luti nduru na tere ti lo so, atene: “Zo so ayeke fâ zo ti Filistii so si ayeke zi kamene na le ti azo ti Israel, fade a yeke sara nyen na lo? Zo ti Filistii so ahinga Nzapa pepe so, lo yeke zo wa si lo yeke gi yanga ti aturugu ti Nzapa so ayeke na fini so?”

1 Samuel 17:36

Lege so mbi zo ti gbe ti mo, mbi fâ bamara, mbi fâ nga urse laa. Zo ti Filistii so ahinga Nzapa pepe so, fade mbi yeke sara na lo tongana ti so mbi sara na anyama use so, ngbanga ti so lo gi yanga ti aturugu ti Nzapa, Nzapa so ayeke na fini.”