2 Mbai 32:14 - Mbeti ti Nzapa - Tënë so amu fini

¹⁴ Na popo ti anzapa so kue ababâ ti mbi afâ azo ti ala kue kue kue so, nzapa wa laa awara ngangu ti zi azo ti lo na maboko ti ababâ ti mbi si fade nzapa ti ala alingbi ti zi ala na maboko ti mbi?

2 Mbai 32:14 ပူးပေါင်းရင်းမြစ်များ

2 Mbai 32:17

Senakerib atokua mbeti ti zonga *KOTA GBIA, Nzapa ti Israel. Lo tene na ya ti mbeti ni, lo tene: “So anzapa ti amara nde azi azo ti ala na maboko ti mbi pepe so, fade nzapa ti Ezekias ayeke zi nga azo ti lo na maboko ti mbi pepe.”

Sigingo 14:3

Fade Faraon ayeke tene tënë ti azo ti Israel, lo tene: ‘Ala girisa na ya ti benyama si li ti ala aga kirikiri; benyama akanga lege na ala awe!’

Sigingo 5:2

Faraon atene: “KOTA GBIA ni ayeke zo wa si mbi ma yanga ti lo ti zia lege na azo ti Israel ti gue so? Mbi hinga KOTA GBIA ni pepe; mbi yeke zia nga azo ti Israel ti gue pepe!”

Ésaïe 10:10

Mbi zia maboko na ndö ti akodro ti anzapa nde, akodro so ayanda ti ala ahon ti Jérusalem na ti Samarii.

Ésaïe 10:9

Ye so asi na gbata ti Kalne, ni laa asi na gbata ti Karkemish pepe? Ye so asi na gbata ti Hamat, ni laa asi na gbata ti Arpad na ti Samarii nga na Damas pepe?

Ésaïe 42:8

Mbi yeke KOTA GBIA, so iri ti mbi laa. Gonda so ayeke ti mbi, mbi yeke zia na mbeni zo nde pepe; nengo so ayeke ti mbi, mbi yeke zia na ayanda pepe.