2 Mbai 32:12 - Mbeti ti Nzapa - Tënë so amu fini

¹² Ando so azo aleke na ndö ti ahoto ti voro KOTA GBIA daa, na agbalaka ti lo, Ezekias laa azi ni pepe? Lo laa lo tene na azo ti Juda nga na azo ti Jérusalem ti voro KOTA GBIA gi na dawa ti gbalaka oko so, ti zö dukani gi na ndö ti oko gbalaka ni pepe?

2 Mbai 32:12 ပူးပေါင်းရင်းမြစ်များ

1 Agbia 7:48

Salomon akiri amu lôro si aleke na ambeni ye ndali ti kota da ti *KOTA GBIA. Aye ni ayeke tongana: gbalaka so a yeke zö dukani na ndö ni, ayeke na lôro; meza so a yeke zia mapa ti Nzapa na ndö ni, ayeke na lôro;

2 Agbia 18:22

Gbaa, ala yeke tene na mbi, atene: E zia be ti e na ndö ti KOTA GBIA, Nzapa ti e. Me mo, Ezekias laa mo zi lani ando so a leke na ndö ti ahoto ti voro lo daa; mo zi nga agbalaka ti lo si mo mu yanga na azo ti Juda nga na azo ti Jérusalem ti voro KOTA GBIA gi na dawa ti gbalaka so na Jérusalem!

2 Agbia 18:4

Ando so azo aleke na ndö ti ahoto ti voro anzapa nde daa, Ezekias azi ni. Angbongboro têne so azo aleke ni aluti na nduzu, lo kungbi ni na sese; lo fâ na sese akeke so a leke si aluti na nduzu ndali ti nzapa-wali *Ashera; ngbo so Moïse amu bengba wen si aleke na ni, lo fâ ya ni. Biani, azo ti Israel angba ti zö dukani na dawa ti ngbo ni so ngbii asi na ngoi ni kâ. Ala di iri ti ngbo ni Nehushtan.

2 Mbai 30:14

Ala to nda ti zi agbalaka so a yeke mu *asandaga na ndö ni na Jérusalem; ala zi nga agbalaka so a yeke zö dukani na ndö ni, ala tuku ni na popo-hoto ti Sedron.

2 Mbai 31:1

So matanga ni ahunzi awe, azo ti Israel so kue ayeke kâ ague na ya ti agbata ti Juda, ala fâ ya ti angbongboro têne so a leke si aluti na nduzu, ala kungbi na sese akeke so a leke si aluti na nduzu ndali ti nzapa-wali *Ashera, ala buba ando so azo aleke na ndö ti ahoto ti voro anzapa nde daa, ala buba nga agbalaka ti ando ni. Ala sara gi oko ye so na sese ti Juda kue, ti Benjamin, ti Efraim na ti Manase. Na pekoni, azo ti Israel kue akiri na ya ti agbata ti ala, zo oko oko na ndo ti lo.

2 Mbai 32:11

Ezekias ayeke tene na ala atene, fade *KOTA GBIA, Nzapa ti ala ayeke zi ala na maboko ti gbia ti Asirii. Me lo yeke handa ala titene nzara ti kobe na nzara ti ngu afâ ala!

2 Mbai 33:17

Andaa azo angba ti mu sandaga na ando so a leke na ndö ti ahoto, me ala yeke mu ni gi na KOTA GBIA, Nzapa ti ala.

2 Mbai 4:1

A sara gbalaka na bengba wen; yongoro ti gbalaka ni ayeke metere baleoko, nduru ni ayeke metere baleoko, yongo ni na nduzu ayeke metere oku.

Ésaïe 36:7

Gbaa, mo yeke tene na mbi, mo tene: Ala zia be ti e na ndö ti *KOTA GBIA, Nzapa ti ala. Me mo Ezekias laa, mo zi lani ando so a leke na ndö ti ahoto ti voro lo daa; mo zi nga agbalaka ti lo si mo mu yanga na azo ti Juda nga na azo ti Jérusalem ti voro KOTA GBIA gi na dawa ti gbalaka so!