2 Mbai 30:8 - Mbeti ti Nzapa - Tënë so amu fini

⁸ Fadeso, ala sara ngangu li tongana ti ababâ ti ala pepe; ala mu tere ti ala na KOTA GBIA, ala kiri aga na ndo ti lo so lo zia nde ndali ti lo wani kpu na kpu; ala sara kua na KOTA GBIA, Nzapa ti ala, tongaso si sioni ngonzo ti lo akai na tere ti ala.

2 Mbai 30:8 ပူးပေါင်းရင်းမြစ်များ

2 Agbia 23:26

Me kota ngonzo ti KOTA GBIA akai pepe, ngonzo ti lo so alondo tongana wâ na tere ti azo ti Juda ndali ti asioni ye so kue Manase asara ti zia ngonzo na be ti lo.

1 Mbai 29:24

Amakonzi kue, aturugu na amolenge ti David kue ayeda na komandema ti gbia Salomon.

2 Mbai 28:11

Ala ma mbi si! A-ita ti ala, azo ti Juda so ala gbu ala ti ga azo ti kanga so, ala zia lege na ala ti kiri na ndo ti ala. Biani, KOTA GBIA asara ngonzo mingi na tere ti ala, azo ti Israel.”

2 Mbai 28:13

Amakonzi ni atene na ala: “Azo so ala gbu ala ti ga azo ti kanga so, ala ga na ala ge pepe, ngbanga ti so ala yeke sara titene e sara sioni na KOTA GBIA. Ala ye titene siokpari ti e na sioni ti e akiri ahon ndoni? Andaa e sara sioni mingi awe, nilaa KOTA GBIA asara ngonzo mingi na tere ti e, azo ti Israel so.”

2 Mbai 29:10

Fadeso, mbi ye ti sara *mbuki na KOTA GBIA, Nzapa ti Israel, tongaso si sioni ngonzo ti lo ade na tere ti e.

2 Mbai 36:13

Lo tomboka na tere ti gbia Nabukodonosor so asara si Sedesias adeba yanga ti lo na iri ti Nzapa. Lo sara ngangu li, lo kpengba be ti lo, lo ke ti kiri na mbage ti KOTA GBIA, Nzapa ti Israel.

2 Mbai 6:5

nilaa lo tene: ‘Ti londo na lango so mbi sara si azo ti mbi asigigi na sese ti Ezipte, mbi soro laoko pepe mbeni gbata na popo ti amara ti Israel kue titene a sara da na ya ni ndali ti mbi, wala mbi soro mbeni zo pepe titene lo ga makonzi ti azo ti Israel, azo ti mbi.

2 Mbai 6:6

Me mbi soro Jérusalem ti duti daa, mbi soro nga David titene lo sara komandema na ndö ti Israel, azo ti mbi.’

2 Mbai 7:16

Mbi soro da so si mbi zia ni nde ndali ti mbi titene iri ti mbi angba na ndö ni kpu na kpu. Fade le ti mbi na nzoni be ti mbi ayeke ngba na ndö ni lakue.

Esdras 10:14

Ayeke nzoni amakonzi ti e aluti na ndo so na iri ti bongbi ti azo ni kue. Azo so kue na ya ti agbata ti e amu awali so ayeke awande, fade ala yeke ga ti luti na dawa ti amakonzi ni na lango so a yeke fa na ala. Azo ni na *akangba nga na awafango-ngbanga ti agbata oko oko ayeke ga nga. E yeke leke tënë ni ngbii ngonzo ti Nzapa so alondo tongana wâ na tere ti e so ade.”

Esdras 10:19

Ala deba yanga ti ala ti tumba awali ti ala; ala deba yanga ti ala nga ti mu koli-taba na *sandaga titene Nzapa azi siokpari ti ala.

Abia (Psaumes) 63:2

Nzapa, mo laa mo yeke Nzapa ti mbi; mbi yeke gi mo; be ti mbi asara nzara ti mo tongana ti so nzara ti ngu asara zo, tere ti mbi kue ayeke na nzara ti mo mingi tongana kuru sese so aye ngu, tongana sese so ahole si ngu ayeke daa pepe.

Abia (Psaumes) 68:24

titene mo tambula na ya ti mene si ambo ti mo awara kuâ ti awato ti mo ti te.”

Abia (Psaumes) 68:31

Suku na nyama ti asosongo, suku na gba ti akoli-bagara nga na gba ti akete bagara, ala so aga ti kuku na gbe ti mo ti mu na mo ale ti nginza. Azo so aye gi bira so, kangbi ya ti ala kirikiri.

Abia (Psaumes) 73:17

ngbii mbi si na ndo so a zia ni nde ndali ti Nzapa. Na ndembe so laa mbi hinga nda ti ye so ayeke ku azo ti sioni so.

Abia (Psaumes) 78:49

Nzapa atokua kota ngonzo ti lo na ndö ti azo ti Ezipte: ngonzo ti lo ti wâ, sioni ngonzo, aye ti ngangu; lo tokua a-ange ti bingo kpale na tere ti ala.

Sigingo 32:9

KOTA GBIA atene na Moïse: Biani, mbi baa azo so awe; ala yeke azo ti ngangu li!

Jérémie 50:15

Mbage na mbage kue, ala dekongo ti bira na li ti lo! Lo yoro maboko ti lo na nduzu ti zia tere ti lo na maboko ti ala! Angangu gbagba ti lo ti lo ti bira ati awe; a kungbi gbagba ti lo awe. KOTA GBIA laa akiri na Babilone peko ti sioni so lo sara. Ala nga, ala kiri na Babilone peko ti sioni so lo sara. Ala sara na lo gi ye so lo sara na amba ti lo so.

Matthieu 4:10

Jésus atene na lo: “Hon kâ, Satan! Mbeti ti Nzapa atene: ‘Mo voro Kota Gbia, Nzapa ti mo si mo sara kua gi na lo oko!’ ”

Jean 12:26

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Rome 10:21

Me na ndö ti tënë ti azo ti Israel, Nzapa atene: “Lakue, ti londo na ndaperere ngbii asi na lakui, mbi yeke gi lege ti sara songo na azo, andaa azo ni ayeke azo ti kengo yanga, ala yeke nga azo ti ngangu li.”

Rome 6:22

Ti fadeso, Nzapa azi ala na gbe ti ngbaa ti siokpari awe si ala ga angbaa ti lo. Ye so ala yeke wara na peko ni ayeke fini so a zia nde ndali ti Nzapa si na ndani, ayeke fini so angba lakue lakue.

Ndia ti fani use ni 10:16

Tongaso, alingbi ala fâ be ti ala na *ganza, ala kiri asara ngangu li na KOTA GBIA pepe.

Ndia ti fani use ni 6:13

Fade ala yeke kpe mbeto ti KOTA GBIA Nzapa ti ala, ala yeke voro gi lo oko si ala yeke deba yanga ti ala gi na iri ti lo.

Ndia ti fani use ni 6:17

Ala sara ye taa na legeni alingbi na atënë ti yanga ti KOTA GBIA Nzapa ti ala, akpengba ndia ti lo nga na aye so ndia ti lo afa si lo mu na ala.

Josué 24:15

Tongana sarango kua ti KOTA GBIA anzere na ala pepe, ala soro laso anzapa so ala ye ti sara kua na ala: wala ala ye ti voro anzapa so akotara ti ala avoro ala ando na mbage ti ngu ti Efrate, wala ala ye ti voro anzapa ti mara ti Amori so ala ayeke na popo ti ala. Me ti mbi na azo ti da ti mbi, fade e yeke sara kua na KOTA GBIA.”

Aye so Nzapa afa 7:15

Ndani laa ala yeke luti na dawa ti mbata ti Gbia Nzapa si ala yeke voro lo bi na lâ na ya ti kota da ti lo. Lo so lo yeke duti na ndö ti mbata ti gbia so ayeke ngba na tere ti ala ti bata ala.