2 Mbai 30:7 - Mbeti ti Nzapa - Tënë so amu fini

⁷ Ala sara ye tongana ti ababâ ti ala na ti a-ita ti ala pepe so asara sioni ye mingi ti ke KOTA GBIA, Nzapa ti akotara ti ala. Nzapa asara si ababâ na a-ita ti ala ni aga ye so a buba ni kue; ye ni laa ala yeke baa so.

2 Mbai 30:7 ပူးပေါင်းရင်းမြစ်များ

2 Mbai 26:18

Ala luti na dawa ti gbia Ozias si ala tene na lo: “Gbia Ozias, kua ti zongo dukani na KOTA GBIA ayeke kua ti mo pepe; me kua ni ayeke ti awayango-sandaga so ala yeke *ahale ti Aaron, ala so a zia ala nde ndali ni. Mo sigigi na ya ti da so ayeke nde si ayeke nzoni kue so! Biani, mo sara ye so ayeke sioni mingi. Ye so mo sara so, mo yeke wara gonda ndali ni pepe na dawa ti KOTA GBIA Nzapa.”

2 Mbai 29:8

Aye so asara si kota ngonzo alondo na be ti KOTA GBIA na tere ti azo ti Juda na ti Jérusalem. Ndali ti aye ni, lo sara mbeni ye ti ziango mbeto na be ti zo, ye ti mawa nga na ye ti kamene so ala wani ayeke baa na le ti ala so.

Abia (Psaumes) 106:6

Tongana ti so akotara ti e asara, e sara siokpari, e sara ye ti kirikiri, e sara sioni.

Abia (Psaumes) 78:8

fade ala yeke sara ye tongana ti akotara ti ala pepe, akotara ti ala so ayeke ando azo ti ngangu li, azo ti kengo yanga, azo ti be use use, azo so abata yingo ti ala na Nzapa pepe.

Ezekiel 20:30

Ndani laa, mo tene na azo ti Israel, mo tene: Tënë so Kota Gbia NZAPA atene ayeke so: Ye ni nyen! Ala ga *sioni tongana akotara ti ala, ala sara ye ti ndumba na vorongo ayanda ti ala so zo alingbi ti baa na le ti lo fani use pepe so!