2 Mbai 30:2 - Mbeti ti Nzapa - Tënë so amu fini

² Andaa gbia, na amakonzi ti lo nga na bongbi ti azo ni kue ama fade tere na Jérusalem titene ala sara matanga ni na ya ti use nze ni;

2 Mbai 30:2 ပူးပေါင်းရင်းမြစ်များ

2 Agbia 23:22

Ti londo na ngoi so awafango-ngbanga ayeke sara komandema na Israel ngbii asi na ngoi ti agbia ti Israel na ala ti Juda, azo asara mara ti matanga ti Pake tongaso pepe.

2 Mbai 1:2

Salomon abongbi azo ti Israel kue, amakonzi so ayeke na ndö ti aturugu 1 000, ala so ayeke na ndö ti aturugu 100, awafango-ngbanga nga na amakonzi kue ti azo ti Israel, so ti tene amakonzi ti asewa.

2 Mbai 30:1

Ezekias atokua azo na azo ti Israel kue nga na azo ti Juda. Lo tokua nga mbeti na azo ti Efraim na ala ti Manase titene ala ga na da ti *KOTA GBIA so ayeke na Jérusalem ti sara *matanga ti Pake ndali ti KOTA GBIA, Nzapa ti Israel.

2 Mbai 30:13

Gba ti azo abongbi na Jérusalem na ya ti use nze ni ti sara matanga ti Mapa so a sara na mama ni pepe. Azo so abongbi so ayeke gbani gbani ahon ndoni.

2 Mbai 30:15

Na lango baleoko na osio ti use nze ni, ala fâ anyama ndali ti *matanga ti Pake. Kamene agbu awayango-sandaga na azo ti mara ti Lévi si ala *sukula sioni ti ala. Na pekoni, ala ya asandaga na ya ti kota da ti *KOTA GBIA.

2 Mbai 35:1

Yosias asara *matanga ti Pake ndali ti *KOTA GBIA na Jérusalem. Na lango baleoko na osio ti kozo nze ni, a fâ anyama ndali ti matanga ni.

Amato 11:14

Tongana zo ti fango nzoni lege na azo ti kodro ayeke daa pepe, kodro ni ayeke gue ti ti. Ndali ti gba ti awamungo-wango si kodro ayeke sigigi na ya ti akpale.

Amato 15:22

Tongana zo ahunda wango na amba ti lo pepe, apialo ti lo ayeke li ngu; me tongana azo ti mungo wango ayeke daa mingi, apialo ni ayeke ga nzoni.

Zo ti bongbingo azo 4:13

Molenge so ayeke zo ti ndara si lo yeke na mosoro pepe, lo hon mbeni gbia so aga mbakoro awe si ayeke ma wango pepe, ngbanga ti so lo yeke zo ti buba.