2 Mbai 30:18 - Mbeti ti Nzapa - Tënë so amu fini

¹⁸ Gba ti azo, mbirimbiri azo ti mara ti Efraim, ti Manase, ti Isakar na ti Zabulon asukula sioni ti ala pepe. Ataa so kue, ala te anyama ti matanga ti Pake ni; ye so ala sara so alingbi pepe na tënë so a su na ya ti Mbeti ti Nzapa. Ndani laa Ezekias asambela Nzapa ndali ti ala, lo tene: “KOTA GBIA, mo so mo yeke nzoni, zi tënë na li ti

2 Mbai 30:18 ပူးပေါင်းရင်းမြစ်များ

1 Korente 11:28

Ayeke nzoni zo oko oko abaa be ti lo nzoni kozoni si lo te mapa so si lo nyon kopo so,

Daniel 9:19

Kota Gbia, mo ma e maa! Kota Gbia, mo zi sioni ti e na li ti e maa! Kota Gbia, dingi mê ti mo, mo ma e maa! Nzapa ti mbi, ndali ti iri ti mo wani, mo ku pepe, mo sara ye hio ndali ti gbata ti mo na azo ti mo.”

2 Mbai 6:21

Ma vorongo tere ti mbi, zo ti kua ti mo na vorongo tere ti azo ti Israel, azo ti mo so ala luti na ndo so si ala yeke sambela mo. KOTA GBIA, mo so mo yeke na yayu kâ, ma sambela ti e, mo zi nga tënë na li ti e.

Abia (Psaumes) 25:8

KOTA GBIA ayeke nzoni si lo yeke mbirimbiri, nilaa lo yeke fa nzoni lege na azo ti siokpari.

2 Mbai 30:25

Bongbi ti azo ti Juda kue, awayango-sandaga, azo ti mara ti Lévi, azo so kue alondo na Israel si aga, ala so aga ndali ti matanga ni wala ala so ayeke lango na sese ti Juda, ala kue ayeke na ngia.

2 Mbai 30:11

Me ambeni zo ti mara ti Aser, ti Manase na ti Zabulon asara tere ti ala kete si ala ga na Jérusalem.

Wungo ti azo 19:20

“Me tongana mbeni zo aga *sioni si lo *sukula sioni ti lo pepe, alingbi a zi lo na ya ti bongbi ti azo ti Israel. Biani, lo sara si da so a zia nde ndali ti KOTA GBIA aga *sioni awe. Zo ni ayeke ngba *sioni ndali ti so ade ti fi ngu ti sukulango sioni ti lo pepe titene lo ga *nzoni.

Tongo nda ti aye 20:7

Mo kiri na wali ti koli so na lo, ngbanga ti so koli ni ayeke wayanga-Nzapa. Fade lo yeke sambela ndali ti mo titene mo ngba na fini. Me tongana mo kiri na wali ni pepe, ayeke nzoni mo hinga, mo tene, mo na azo ti mo kue ayeke kui biani.”

1 Jean 5:16

Tongana mbeni zo abaa ita ti lo na sarango siokpari, mbeni siokpari so ague na lo na kuâ pepe, alingbi lo sambela si fade Nzapa amu fini na ita ti lo so. Tënë so ayeke ndali ti azo so ayeke sara siokpari so ague na zo na kuâ pepe. Mbeni siokpari ayeke daa so ayeke gue na zo na kuâ, mara ti siokpari so laa mbi hunda na ala ti sambela ndali ni pepe.

Abia (Psaumes) 119:68

Mo yeke nzoni si mo yeke sara nzoni na azo; fa na mbi ambela ti mo.

Abia (Psaumes) 86:5

Kota Gbia, mo yeke nzoni, mo yeke zi tënë na li ti zo, mo yeke sara nzoni be mingi na azo so kue ayeke iri mo.

Tongo nda ti aye 20:17

Abraham asambela ndali ti Abimelek si Nzapa akai kobela na tere ti Abimelek, na wali ti lo, na azo ti kua ti lo ti wali si ala kiri adu amolenge.

Abia (Psaumes) 36:5

Na bi, so lo yeke na ndö ti gbogbo ti lo, lo yeke gbu li ti lo na ndö ti sioni ye so lo ye ti sara. Lo ngba gi na lege so ayeke nzoni oko pepe, lo yeke ke ye ti sioni pepe.

2 Mbai 34:9

Azo ni ague, awara Hilkia, kota wayango-sandaga si ala mu na lo nginza so azo aga na ni na ya ti kota da ti Nzapa. Azo ti mara ti Lévi so ayeke bata yanga ti kota da ni amu fade nginza ni na maboko ti azo ti Manase, ti Efraim na ti tanga ti azo ti Israel kue, ti azo ti Juda kue na ti azo ti Benjamin si ala kiri na ni na Jérusalem.

Awayango-sandaga 10:20

Moïse ama tënë ni si anzere na be ti lo.

Wungo ti azo 9:7

si ala tene na Moïse: “E ga *sioni ndali ti so e ndu mbeni kuâ; ngbanga ti nyen laa a yeke kanga lege na e ti ya *sandaga na KOTA GBIA na lango so a fa tongana ti tanga ti azo ti Israel kue so?”

2 Agbia 5:18

Me ayeke nzoni KOTA GBIA azi tënë na li ti mbi, zo ti kua ti mo ndali ti mbeni ye so mbi sara: na ndembe so kota zo ti mbi, gbia ti Sirii ayeke li na ya ti da ti nzapa ti lo Rimon ti sambela, lo yeke ba tere ti lo na ndö ti maboko ti mbi; mbi yeke kuku nga na sese na ya ti da ti Rimon ni. Ayeke nzoni KOTA GBIA azi tënë na li ti mbi ndali ti ye ni so.”