2 Mbai 30:1 - Mbeti ti Nzapa - Tënë so amu fini

¹ Ezekias atokua azo na azo ti Israel kue nga na azo ti Juda. Lo tokua nga mbeti na azo ti Efraim na ala ti Manase titene ala ga na da ti *KOTA GBIA so ayeke na Jérusalem ti sara *matanga ti Pake ndali ti KOTA GBIA, Nzapa ti Israel.

2 Mbai 30:1 ပူးပေါင်းရင်းမြစ်များ

2 Agbia 23:22

Ti londo na ngoi so awafango-ngbanga ayeke sara komandema na Israel ngbii asi na ngoi ti agbia ti Israel na ala ti Juda, azo asara mara ti matanga ti Pake tongaso pepe.

2 Mbai 11:13

Awayango-sandaga na azo ti mara ti Lévi so ayeke na sese ti Israel kue akiri na peko ti Roboam.

2 Mbai 11:16

Azo ti amara kue ti Israel, ala so azia be ti ala ti gi *KOTA GBIA, Nzapa ti Israel, ala mu peko ti azo ti mara ti Lévi ti gue na Jérusalem titene ala mu *asandaga na KOTA GBIA, Nzapa ti akotara ti ala.

2 Mbai 25:7

Me mbeni zo ti Nzapa aga atene na lo: “Gbia, alingbi mo na aturugu ti Israel ague na bira pepe, ngbanga ti so KOTA GBIA ayeke na azo ni pepe, azo ti Efraim so kue!

2 Mbai 29:24

Awayango-sandaga afâ go ti akoli-ngasa ni, ala tuku mene ni na ndö ti gbalaka ni ti zi siokpari na li ti azo ti Israel kue. Gbia wani laa amu yanga titene a mu amara ti sandaga use so ndali ti zingo siokpari na li ti azo ti Israel kue.

2 Mbai 29:36

Tere ti Ezekias na azo ti kodro kue anzere ndali ti ye so Nzapa asara ndali ti ala, ngbanga ti so a sara ye ni kue hio mingi.

2 Mbai 30:2

Andaa gbia, na amakonzi ti lo nga na bongbi ti azo ni kue ama fade tere na Jérusalem titene ala sara matanga ni na ya ti use nze ni;

2 Mbai 35:6

Alingbi ala fâ anyama ndali ti matanga ti Pake; nilaa alingbi ala *sukula sioni ti ala si ala leke anyama ni ndali ti a-ita ti ala, azo ti Israel; ala sara ye alingbi na tënë ti KOTA GBIA, tënë so lo tene na lege ti Moïse.”

Jérémie 29:1

Tënë ti ya ti mbeti ni laa, mbeti so Jérémie asu na Jérusalem si atokua na *akangba, awayango-sandaga, awayanga-Nzapa na tanga ti azo so kue Nabukodonosor agbu ala na Jérusalem si ague na ala na Babilone.

Osée 11:8

“Efraim, mbi lingbi ti sara na mo tongana nyen? Israel, mbi lingbi ti ka mo tongana nyen? Mbi lingbi ti sara na mo ye so mbi sara ando na agbata ti Adma na ti Seboim so tongana nyen? Be ti mbi ado si mawa ti mo agbu be ti mbi mingi.

Osée 5:4

Sarango ye ti ala akanga lege na ala ti kiri na Nzapa ti ala, ngbanga ti so pupu ti sarango ye ti ndumba ayeke ya na popo ti ala si ala hinga KOTA GBIA pepe.

Josué 14:4

Biani, amolenge ti Joseph akangbi popo ti ala na amara use: mara ti Manase na mara ti Efraim. A mu mbeni mbage ti sese ni oko na azo ti mara ti Lévi pepe, a mu na ala gi akodro titene ala duti daa, na ando ti tengo pere so ayeke na tere ni ndali ti anyama ti ala na akungba ti ala.