2 Mbai 3:14 - Mbeti ti Nzapa - Tënë so amu fini

¹⁴ A sara ridoo na *len, a zia na tere ni nzoroko so akpa le ti nduzu, nzoroko so abe bengo na nzoroko so abe si aza zango. A kpo nga limo ti asheruben na tere ti ridoo ni.

2 Mbai 3:14 ပူးပေါင်းရင်းမြစ်များ

2 Mbai 3:13

Ya ti akpangi ti asheruben ni azi, ayo metere baleoko. Ala yeke luti na ndö ti gere ti ala si ala yeke baa ndo na mbage ti ya ti da ni.

Sigingo 38:18

Ridoo ti yanga ti gbagba ni, zo ti kpongo bongo na apendere nzoroko akpo nzoroko na tere ni na kamba ti len so nzoroko ni akpa le ti nduzu, lo bongbi ni na bongo so abe bengo, bengba bongo so ayeke za zango. Yongoro ti ridoo ni ayeke metere baleoko, yongo ni na nduzu metere use na ndambo, tongana ti tanga ti abongo ti gbagba ni.

Wungo ti azo 4:5

Na ndembe so tambula ni ayeke londo, fade Aaron na amolenge ti lo ayeke ga ti zi ridoo so akangbi ya ti da ni ti kanga na ndö ti sanduku so a zia na ya ni atêne so a su atënë ti mbuki na le ni.

Matthieu 27:51

Gi na ndembe ni so, ya ti ridoo so a kanga na ya ti kota da ti Nzapa asuru use, alondo na nduzu ngbii asi na gbeni. Sese ayingi, ya ti akota têne asuru,

Ahebro 10:20

Na popo ti ridoo so akangbi ya ti kota da ti Nzapa, Christ azi na e mbeni fini lege so e yeke mu ni ti duti na fini; lo sara so na lege ti tere ti lo ti zo.

Ahebro 9:3

Na peko ti use ridoo ni, mbeni ndo ayeke daa so a iri ni “ndo so ayeke nde si ayeke nzoni kue ahon atanga ni”.