2 Mbai 3:1 - Mbeti ti Nzapa - Tënë so amu fini

¹ Salomon ato nda ti sara kota da ti *KOTA GBIA na Jérusalem, na ndö ti hoto ti Moria. Kâ laa KOTA GBIA afa tere ti lo lani na babâ ti lo David; kâ laa David aleke mbeni ndo ndali ni na ndö ti lakere ti Ornan, zo ti mara ti Yebus.

2 Mbai 3:1 ပူးပေါင်းရင်းမြစ်များ

Tongo nda ti aye 22:14

Abraham adi iri ti ndo ni so “KOTA GBIA ayeke baa lege ti mungo ye na zo.” Ndani laa laso azo ayeke tene: “Na ndö ti hoto laa KOTA GBIA ayeke baa lege ti mungo ye na zo.”

Tongo nda ti aye 22:2

Nzapa atene: “Mu molenge ti mo ti koli, oko molenge ti mo Isaac so mo ye lo mingi so, mo gue na lo na sese ti Moria, na ndö ti mbeni hoto so mbi yeke fa na mo. Kâ, mo mu lo na *sandaga so a yeke gbi ni kue na wâ.”

2 Samuel 24:16

So *ange ti KOTA GBIA ayoro maboko ti lo na mbage ti Jérusalem ti kangbi sioni kobela ni na ya ti gbata ni, KOTA GBIA abaa mawa ti azo ni si lo tene na ange ti fango azo ni, lo tene: “Alingbi awe! Kiri na maboko ti mo!” Na ndembe ni so, ange ti KOTA GBIA ayeke luti na tere ti lakere ti Aravna, zo ti mara ti Yebus.

1 Mbai 21:18

*Ange ti *KOTA GBIA atene na Gad ti tene na David, atene: “Ayeke nzoni David ague na lakere ti Ornan, zo ti mara ti Yebus, ti sara mbeni gbalaka ndali ti KOTA GBIA kâ.”

1 Mbai 22:1

Nilaa David atene: “Ndo so laa da ti KOTA GBIA Nzapa ayeke daa si ndo so nga laa gbalaka so azo ti Israel alingbi ti mu asandaga na ndö ni na Nzapa laa.”

1 Mbai 6:10

Ambeni molenge ti Elkana ayeke Amasai, Ahimot

2 Mbai 3:2

Salomon ato nda ti sara kota da ni na use lango ti use nze na osio ngu ti lengo-gbia ti lo.

Awatokua 7:47

Me Salomon laa asara da ni ndali ti Nzapa.