2 Mbai 29:3 - Mbeti ti Nzapa - Tënë so amu fini

³ Na ya ti kozo ngu ti lengo-gbia ti lo, na kozo nze ni, lo zi ayanga ti kota da ti KOTA GBIA si lo kiri lo leke ayanga ti da ni.

2 Mbai 29:3 ပူးပေါင်းရင်းမြစ်များ

2 Mbai 28:24

Tongaso, Ahaz abongbi akungba so kue ayeke na ya ti kota da ti Nzapa si lo fâ ya ni; lo kanga ayanga ti kota da ti KOTA GBIA si lo sara agbalaka na asangbi-lege kue ti Jérusalem.

2 Mbai 29:17

Ala to nda ti zi *asioni ni na kozo lango ti kozo nze ni. Na lango miombe ni, ala si na ya ti kubu so ayeke hon daa ti li na ya ti kota da ti KOTA GBIA. *Sioni so ayeke na ya ti kota da ni, ala zi ni na ya ti lango miombe ni. Ala hunzi kua ni kue na lango baleoko na omene ti kozo nze ni.

2 Mbai 29:4

Lo iri awayango-sandaga na azo ti mara ti Lévi ti ga si lo bongbi ala na kota le ti gbata ni so ayeke na mbage ti To.

2 Mbai 29:7

Ataa ayanga ti kubu so azo ayeke hon daa ti li na ya ti kota da ni, ala kanga ni, ala mingo alamba, ala zia ti zö dukani, ti mu *sandaga so a yeke gbi ni kue na wâ ndali ti Nzapa ti Israel, na ndo so ayeke nde si ayeke nzoni kue.

2 Mbai 34:3

Na ya ti ngu miombe so Yosias ale-gbia, so lo de maseka, lo to nda ti gi Nzapa ti kotara ti lo David. Na ngu baleoko na use ni, lo to nda ti sara si Juda na Jérusalem aga *nzoni: lo zi ando so azo aleke na ndö ti ahoto ti voro anzapa nde daa, akeke so a leke si aluti na nduzu ndali ti nzapa-wali *Ashera nga na ayanda so a leke na keke na ayanda so a kporo wen si a leke na ni.

Abia (Psaumes) 101:3

Fade mbi yeke zia le ti mbi angba na ndö ti ye ti sioni pepe. Be ti mbi ake sarango ye ti azo so ake mo, ngbanga ti mbi ayeke na sarango ye ti ala ni pepe.

Sigingo 40:2

“Na kozo lango ti kozo nze, fade mo yeke gbara da ti bongo so mbi na azo ti mbi e yeke wara tere daa, da so mbi yeke duti daa.

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Galasii 1:16

ti fa Molenge ti lo na mbi titene mbi hinga lo si mbi fa Nzoni Tënë ti lo na azo ti amara nde, mbi hunda wango na mbeni zo pepe.