2 Mbai 28:9 - Mbeti ti Nzapa - Tënë so amu fini

⁹ Na Samarii, mbeni wayanga ti KOTA GBIA ayeke daa, iri ti lo Oded. Lo gue ti wara tere na aturugu ti Israel so alondo na Samarii ti kiri; lo tene na ala: “KOTA GBIA, Nzapa ti akotara ti ala asara ngonzo na tere ti azo ti Juda. Nilaa lo zia azo ti Juda ni na maboko ti ala si ala fâ azo ti Juda ni na sioni ngonzo so tënë ni ague ngbii asi na yayu.

2 Mbai 28:9 ပူးပေါင်းရင်းမြစ်များ

Tongo nda ti aye 11:4

Na pekoni, ala tene na popo ti ala, atene: “E londo, e leke mbeni gbata; e leke mbeni kota da so li ni ayo, akpo le ti nduzu. Tongaso si iri ti e awu si e kangbi na ndö ti sese kue pepe.”

Tongo nda ti aye 4:10

Tongaso KOTA GBIA atene: “Nyen laa mo sara tongaso? Dekongo ti mene ti ita ti mo so mo tuku so, alondo na sese kâ, aga ngbii asi na mbi ge.

1 Agbia 20:13

Tongaso mbeni wayanga-Nzapa aga abaa Akab, gbia ti Israel si atene na lo: “Tënë so *KOTA GBIA atene ayeke so: ‘Mo baa gba ti aturugu so? Gi laso laso, mbi yeke zia ala na maboko ti mo, tongaso si mo hinga, mo tene, mbi laa mbi yeke KOTA GBIA.’ ”

1 Agbia 20:22

Wayanga-Nzapa aga abaa gbia ti Israel si atene na lo: “Gbu ngangu! Gbu li ti mo mbirimbiri na ndö ti ye so mo lingbi ti sarango ni, ngbanga ti so na ngu ti peko, gbia ti Sirii ayeke kiri ti ga ti tiri bira na mo.”

1 Agbia 20:42

Tongaso wayanga-Nzapa ni atene na lo: “Tënë so KOTA GBIA atene ayeke so: ‘Lani, mbi zia koli so titene a fâ lo; me mo zi maboko na tere ti lo si lo kpe, lo hon. Fadeso, mo laa mo yeke wara kuâ na peko ti lo si azo ti kodro ti mo ayeke wara nga kuâ na peko ti azo ti kodro ti lo.’ ”

1 Mbai 21:13

David akiri tënë na Gad, atene: “Mbi yeke na ya ti ye ti ngangu mingi! Mbi gbu gere ti mo, zia mbi ti na maboko ti KOTA GBIA, ngbanga ti so nzoni be ti lo ayeke kota mingi; me mbi ye ti ti na maboko ti azo pepe.”

2 Mbai 28:5

Tongaso, KOTA GBIA, Nzapa ti lo azia lo na maboko ti gbia ti Sirii. Gbia ni aso benda na ndö ti Ahaz, lo gbu gba ti azo si lo gue na ala na Damas. KOTA GBIA azia nga Ahaz na maboko ti Peka, molenge ti Remalia, gbia ti Israel si lo fâ azo ti Ahaz gbani gbani.

Esdras 9:6

mbi sambela, mbi tene: “Nzapa ti mbi, kamene ahon ndö ti mbi tongana mbi yo le ti mbi na nduzu ti baa ndo na mbage ti mo. Siokpari ti e ayeke gbani gbani, ahon ndö ti li ti e; sioni ti e ague ngbii akpo le ti nduzu.

Abia (Psaumes) 69:26

Ayeke nzoni bâbâ ti ala abuba kue si zo oko akiri aduti na da ti ala ti bongo pepe,

Ésaïe 47:6

Mbi sara lani ngonzo na tere ti azo ti mbi. Tongaso mbi zia kamene na le ti azo so ayeke ti mbi si mbi zia ala na maboko ti mo. Me mo baa mawa ti ala oko pepe, mo sara si komandema ti mo ane tongana *zuge na ndö ti ambakoro.

Jonas 1:2

“Londo, mo gue na Ninive, kota gbata so! Mo dekongo na tënë ti yanga ti mbi na azo ni, mo tene, mbi baa sioni ti ala ahon ndoni awe.”

Zakarii 1:15

Me be ti mbi aso mingi na amara so abaa tere ti ala tongana amara so alingbi awe so. Na ndembe so lani mbi sara ngonzo gi kete na tere ti azo ti Israel, ti ala, ala sara si mawa ti Israel akiri ahon ndoni.

Aye so Nzapa afa 18:5

Asiokpari ti lo adu na ndö ti tere, na ndö ti tere ngbii asi na le ti nduzu; Nzapa adabe ti lo na aye ti kirikiri ti lo.

Awafango-ngbanga 3:8

Tongaso, ngonzo ti KOTA GBIA alondo na tere ti ala tongana wâ; lo zia ala na gbe ti komandema ti Kushan-Rishataim, gbia ti Mezopotamii. Ala sara ngu miombe na gbe ti komandema ti lo.