2 Mbai 28:2 - Mbeti ti Nzapa - Tënë so amu fini

² Me lo mu peko ti sarango ye ti agbia ti Israel. Lo gue daa ti kporo wen ti leke ayanda ndali ti *Baal.

2 Mbai 28:2 ပူးပေါင်းရင်းမြစ်များ

2 Mbai 21:6

Lo mu peko ti sarango ye ti agbia ti Israel tongana ti so azo ti sewa ti Akab asara, ngbanga ti so lo mu mbeni molenge ti Akab ti ga wali ti lo. Lo sara ye so ayeke sioni na le ti *KOTA GBIA.

2 Mbai 33:3

Ando so azo aleke na ndö ti ahoto ti voro anzapa nde daa, babâ ti lo Ezekias abuba ni kue; me Manase akiri aleke ni. Lo sara agbalaka ndali ti anzapa *Baal, lo leke akeke aluti na nduzu ndali ti nzapa-wali *Ashera; lo kuku na gbe ti aye mingi mingi so ayeke na le ti nduzu si lo sara na ala.

Sigingo 34:17

“Alingbi ala kporo wen ti sara na mbeni yanda pepe.

Ésaïe 2:8

Ayanda asi singo na ya ti kodro ni. Azo ayeke kuku ti voro ye so maboko ti ala wani asara; ala yeke kuku na gbe ti ye so maboko ti ala wani aleke.

Jérémie 1:16

Mbi yeke fâ ngbanga na li ti azo ti Juda ndali ti asioni sarango ye ti ala. Biani, ala zia mbi awe, ala zö dukani na anzapa nde, ala kuku ti voro ye so maboko ti ala wani asara.

Jérémie 32:35

Na popo-hoto ti Hinom, ala leke ndo na li ti ahoto ndali ti Baal. Kâ, ala yeke gbi amolenge ti ala ti koli na ti wali na wâ ti mu na sandaga na nzapa Molek. Mbi mu yanga na ala laoko pepe ti sara ye tongaso! Mara ti ye tongaso aga na li ti mbi laoko pepe. Na sarango mara ti sioni ye tongaso, so zo alingbi ti baa na le ti lo fani use pepe so, ala pusu azo ti Juda ti sara sioni.

Osée 2:13

Fade mbi yeke sara titene ngia ti lo, amatanga ti lo, amatanga ti lo ti fini nze, alango ti lo ti wungo tere nga na akota matanga ti lo akai.

Osée 2:17

Kâ, mbi yeke kiri na lo ayaka ti vinye ti lo, mbi yeke sara si popo-hoto ti Akor, – popo-hoto ti ye ti vundu so – aga tongana mbeni lege so lo yeke hon daa ti wara ye so lo zia be ti lo ti ku. Kâ, lo yeke ma yanga ti mbi tongana ti so lo sara na ndembe so lo de maseka, tongana ti so lo sara na ngoi so lo sigigi na sese ti Ezipte.”

Awayango-sandaga 19:4

“Ala mu peko ti ayanda pepe. Ala kporo wen ti sara na asenge nzapa ndali ti ala wani pepe. Mbi laa mbi yeke KOTA GBIA, Nzapa ti ala.

Mishe 1:5

Aye so kue asi ndali ti ngangu li ti *ahale ti Jacob, ndali ti asiokpari ti azo ti Israel. Zo wa laa ayeke pusu azo ti Jacob titene ala ga azo ti ngangu li? Ayeke azo ti Samarii pepe? Zo wa laa ayeke pusu azo ti Juda titene ala voro anzapa nde na ndo so ayeke na nduzu so? Ayeke azo ti Jérusalem pepe?

Awafango-ngbanga 2:11

Azo ti Israel asara ye so ayeke sioni na le ti *KOTA GBIA: ala voro anzapa *Baal.

Awafango-ngbanga 2:13

Ala do KOTA GBIA azia, ala voro anzapa Baal na *Astarte.