2 Mbai 27:3 - Mbeti ti Nzapa - Tënë so amu fini

³ Yotam laa asara yanga ti gbagba ti kota da ti KOTA GBIA, yanga ni ti mbage ti nduzu. Lo sara akua mingi ti kpengba ngangu gbagba ti vaka ti Ofel.

2 Mbai 27:3 ပူးပေါင်းရင်းမြစ်များ

2 Agbia 15:35

Me ando so azo aleke na ndö ti ahoto ti voro anzapa nde daa, lo zi ni pepe. Azo angba ti gue kâ ti mu *asandaga na ti zö dukani. Yotam laa aleke yanga ti gbagba ti kota da ti KOTA GBIA, yanga ni ti mbage ti nduzu.

2 Mbai 23:20

Yoyada amu amakonzi so ayeke na li ti aturugu ngbangbo oko, akota zo ti kodro nga na azo ti kodro kue; lo mu nga gbia na ya ti kota da ti KOTA GBIA, ala hon na mbage ti yanga ni ti nduzu, ala si na yangbo ti gbia. Kâ, ala sara si Yoas aduti na ndö ti mbata ti gbia.

2 Mbai 33:14

Na pekoni, Manase asara ngangu gbagba na tere ti Gbata ti David, na mbage ti gigi; gbagba ni ayo na nduzu mingi. Gbagba ni ahon na mbage ti Do, na ndo so li ti ngu ti Gihon ayeke daa, angoro vaka ti Ofel, ahon na popo-hoto ti Sedron, ague ngbii asi na yanga ti gbagba so iri ni Ti-asusu. Manase azia amakonzi ti aturugu na ya ti agbata ti Juda so kue ngangu gbagba ayeke na tere ni.

Jérémie 20:2

Tongaso, lo pika mê ti wayanga-Nzapa Jérémie si lo mu yanga titene a kanga lo na ya ti olongbo so ayeke na yanga ti kota da ti Nzapa, ti mbage ti nduzu so iri ni ti Benjamin, ndo so azo ayeke hon daa ti li na ya ti kota da ti KOTA GBIA.

Jérémie 26:10

So agbenyogbia ti Juda ama tënë so, ala londo na yangbo ti gbia si ala gue na kota da ti Nzapa; ala duti na yanga ti kota da ti Nzapa so iri ni Fini yanga-da.